Maatiyee 20:16 - New Testament

¹⁶ Peeɖe Yesu tasɩ yɔɔdʋʋ se: «Ḿbʋ́ wayɩ ñɩma kɔŋ pɩsʋʋ kajalaɣ ñɩma nɛ kajalaɣ ñɩma ñapɩsɩ wayɩ ñɩma.»

Maatiyee 20:16 ပူးပေါင်းရင်းမြစ်များ

Maatiyee 19:30

«Ɛlɛ́, ɛyáa mbá pɛkɛ sɔsaa lɛɛlɛɛyɔ yɔ, pa-taa sakɩyɛ kɔŋ pɩsʋʋ cikpema nɛ mbá paba kɛ cikpema lɛɛlɛɛyɔ yɔ, pa-taa sakɩyɛ ñapɩsɩ sɔsaa.»

Maatiyee 21:31

Peeɖe Yesu pɔzɩ-wɛ se: «Sɩ-naalɛ sɩ-taa lɛ, ŋgá kalabɩ mbʋ́ ka-caa liu wɛɛ yɔ?» Pocosi-i se: «Kajalaɣ ñɩŋga.» Ɛlɛ́, eheyi-wɛ se: «Toovenim lɛ, mankaɖɩɣ-mɩ se tikee mʋyaa nɛ halaa mbá pɛpɛdɩɣ pa-tɩ yɔ, pɛlɛyɩɣ-mɩ sʋʋ Ɛsɔ Kewiyaɣ taa.

Maatiyee 22:14

Yesu tasɩ yɔɔdʋʋ ɖɔɖɔ se: «Paya ɛyáa sakɩyɛ, ɛlɛ́, pazɩ palɩzɩɣ pa-taa.»

Maatiyee 7:13

Yesu tasɩ-wɛ heyuu se: «Ɩtɩŋnɩ ɖɛɛmɛnɖɛɛ taa nɛ ihiɣ wezuu. Nɔnɔɔ kɩwalaɣ nɛ nʋmɔʋ kɩwalʋʋ patɩŋnaʋ fɛyɩ kaɖɛ. Yee ɩtɩŋnɩ-wɛ yɔ, ileki. Ɛlɛ́, ɛyáa mbá patɩŋɩɣnɩ-wɛ yɔ pɔɖɔ sakɩyɛ.

Maarkɩ 10:31

Peeɖe Yesu tasɩ-wɛ heyuu se: «Mbá pɛkɛ sɔsaa lɛɛlɛɛyɔ yɔ, pa-taa sakɩyɛ kɔŋ pɩsʋʋ cikpema nɛ mbá paba kɛ cikpema lɛɛlɛɛyɔ yɔ, pa-taa sakɩyɛ ñapɩsɩ sɔsaa.»

Luka 14:24

Meheyiɣ-mɩ se ɛyáa mbá maaɖʋnɩ ñʋʋ yɔ, pa-taa nɔɔyʋ ɛɛkaɣ naʋ man-kazandʋ ńdʋ́ tɩ-yɔɔ kaʋ.› »

Luka 15:7

Meheyiɣ-mɩ se ḿbʋ́ ɖɔɖɔ pʋwɛ ɛsɔdaa: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ nɛ e-tiyiyaa pa-laŋa hʋlʋmʋʋnɩ-ɩ nɛ pɩkɩlɩ ɛyáa kʋɖʋm fɛyɩ mɩnʋʋ mbá pamaɣzɩɣ se pɛkɛ kʋtʋʋzaa nɛ pʋtɔpɔzɩ se pɛlɛɣzɩ wɛtʋ yɔ.»

Luka 7:47

Pʋ-yɔɔ mankaɖɩɣ-ŋ se sɔɔlɩm sɔsɔm tʋmɩyɛ nɖɩ́ ɛlaba yɔ, ɖɩwɩlɩɣ se pɛtɛm-ɩ kpeɣu ɛ-kɩwɛɛkɩm sakɩyɛ mbʋ́ ɛlaba yɔ. Ɛlɛ́, weyi pekpeɣiɣ-i kɩwɛɛkɩm pazɩ yɔ, ɛwɛɣnɩ sɔɔlɩm pazɩ.»

Room 5:20

Paɖʋ paɣtʋ lɛ, kɩwɛɛkɩm tɛzɩ ɖɔʋ. Ɛlɛ́, ɖenɖe kɩwɛɛkɩm tɛzɩ ɖɔʋ yɔ, lootiye ñɔɖɔwa nɛ pɩkɩlɩ.

Room 8:30

Mbá ɛɛɖʋ ɖooo lɔŋ se ɛlakɩ-wɛ ḿbʋ́ yɔ, ɛya-wɛ ɖɔɖɔ, nɛ mbá ɛya-wɛ yɔ, ɛpɩsɩ-wɛ kʋtʋʋzaa, nɛ mbá ɛpɩsɩ-wɛ kʋtʋʋzaa yɔ, eyele nɛ pɛwɛɛ e-Koboyaɣ taa.

Room 9:30

Se we ɖɩtasɩɣ yɔɔdʋʋ yɔ? Đɩyɔɔdʋʋ se: mbá pɛtɛkɛ Yuda ñɩma nɛ pataacaɣ se papɩsɩ kʋtʋʋzaa Ɛsɔ ɛsɩndaa yɔ, pɩtɩŋnɩ lidaʋ ŋgʋ́ pɛwɛnɩ ɛ-yɔɔ yɔ kʋ-yɔɔ nɛ papɩsɩ kʋtʋʋzaa ɛ-ɛsɩndaa.

1 Tesalooniki 2:13

Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.