Maatiyee 2:13 - New Testament

¹³ Lɔŋsɩnɖaa ḿbá pɛɖɛwa lɛ, Kɩpaɣlʋ tiyiyu nɔɔyʋ lɩɩ Yozɛɛfʋ yɔɔ ɖoziye taa nɛ eheyi-i se: «Eroodi caɣ se ɛkʋ pɩɣa ŋ́gá. Pʋ-yɔɔ lɛ, kʋyɩ ŋkpaɣ ka nɛ ko-ɖoo nɛ ña nɛ wɛ ise iwolo Ejiptɩ nɛ ɩcaɣ peeɖe nɛ pʋkɔɔ pɩsɩɩnɩ alɩwaatʋ ndʋ́ meheyiɣ-ŋ se ɩpɩsɩ yɔ.»

Maatiyee 2:13 ပူးပေါင်းရင်းမြစ်များ

Maatiyee 1:20

Ɛwɛɛ ɛmaɣzɩɣ ḿbʋ́ lɛ, Kɩpaɣlʋ tiyiyu nɔɔyʋ lɩɩ ɛ-yɔɔ ɖoziye taa nɛ eheyi-i se: «Daaviidi sayɩ Yozɛɛfʋ! Sɔɔndʋ ɛtaakpa-ŋ nɛ Maarɩɩ kpaɣʋ. Mbʋ́ pʋyɔɔ yɔ, Fezuu Kiɖeɖeu ɖoŋ ɛhaɣnɩ howa ŋ́gá.

Maatiyee 10:23

Yee pɛwɛ mɩ-wayɩ kaŋ kaŋ tɛtʋ natʋyʋ taa lɛ, ise nɛ iwolo lɛɛtʋ taa. Toovenim lɛ, meheyiɣ-mɩ se ɩɩtɛŋ cɔʋ Izrɛɛlɩ tɛtʋ tɩŋa payɩ nɛ pʋcɔ Ɛyʋ Pɩyalʋ kɔɔ.

Maatiyee 2:12

Pɛtɛm labʋ ḿbʋ́ lɛ, Ɛsɔ heyi-wɛ nɛ ɖoziye taa se pataapɩsɩ Eroodi cɔlɔ. Peeɖe pakpaɣ nʋmɔʋ lɛɛkʋ nɛ pekpe.

Maatiyee 2:14

Peeɖe Yozɛɛfʋ kʋyɩ ɖoó ana a-taa nɛ ɛkpaɣ pɩɣa ŋ́gá nɛ ko-ɖoo nɛ ɛ nɛ wɛ pɛɖɛɛ Ejiptɩ.

Maatiyee 2:16

Eroodi kɔm ɛna se lɔŋsɩnɖaa ḿbá pɛcɛtɩ-ɩ kɩcɛtʋ, paapɩsɩɣ ɛ-cɔlɔ lɛ, ɛ-pana kpa pɩŋŋ nɛ ɛkʋsɩ sɔɔjanaa nɛ etiyi-wɛ se pɔcɔɔ Bɛtlɛhɛm tɛtʋ nɛ tɩ-cɔlɔ ñɩndʋ pa-taa nɛ pakʋ abalɩbiya nzɩ́ sɩtɩŋa payɩ sɩwɛnɩ pɩnzɩ naalɛ nɛ pɩkpaɣ pitii yɔ. Eheyi-wɛ ḿbʋ́ nɛ ɛkɛdɩnɩ alɩwaatʋ ndʋ́ lɔŋsɩnɖaa keheyi-i yɔ.

Maatiyee 2:22

Patalɩ peeɖe lɛ, Yozɛɛfʋ nɩɩ se Arcɛlaayuusi lɛɣzɩnɩ ɛ-caa Eroodi lone taa Yudee egeetiye taa. Pʋ-yɔɔ sɔɔndʋ kpa-ɩ nɛ ɖɩ-taa caɣʋ. Ɛlɛ́, pʋyɔɔdɩnɩ-ɩ ɖoziye taa nɛ ɛkʋyɩ ewolo Galilee egeetiye taa

Tʋma Labʋ 10:22

Pocosi-i se: «Sɔɔjanaa ñʋʋdʋ Kɔɔrnɛɛyɩ tiyini-ɖʋ. Ɛkɛ ɛyʋ kʋtʋʋzʋ, ɛñaŋ Ɛsɔ nɛ Yuda ñɩma tɩŋa lɩzɩɣ aseɣɖe kɩbanɖɛ ɛ-yɔɔ. Ɛsɔ tiyiyu nɔɔyʋ heyi-i se ɛya-ŋ nɛ ŋwolo ɛ-tɛ nɛ ŋheyi-i ña-taa tɔm.»

Tʋma Labʋ 10:7

Ɛsɔ tiyiyu weyi ɛyɔɔdɩnɩ Kɔɔrnɛɛyɩ yɔ, ɛɖɛwa lɛ, ɛ́lɛ́ tɩkʋsɩ ɛ-tʋmlaɖaa naalɛ nɛ ɛ-sɔɔjanaa mbá ɛ nɛ wɛ pamalɩnɩ ɖama yɔ pa-taa lɛlʋ weyi ɛlakɩ mbʋ́ Ɛsɔ liu wɛɛ yɔ

Tʋma Labʋ 12:11

Peeɖe ɛhʋ ɛ-taa pɩŋŋ nɛ ɛtɔ se: «Lɛɛlɛɛyɔ, manawa se toovenim Ɛsɔ tiyini e-tiyiyu nɛ ɛkɔɔ ɛlɩzɩ-m Eroodi nesi taa nɛ mbʋ́ pɩtɩŋa Yuda ñɩma caɣaɣnɩ-m yɔ pɩ-taa.»

Tʋma Labʋ 12:7

Pɩkɛdaa lɛ, Ɛsɔ tiyiyu nɔɔyʋ tɩlɩʋ ɛ-cɔlɔ salaka kuduyuu taa nɛ ñalɩmɩyɛ naɖɩyɛ ñalɩ kɩ-taa yem ñammm. Peeɖe tiyiyu ɛnʋ ɛmabɩ ɛ-hʋyʋʋ taa se: «Kʋyɩ kpaka!» Kpaagbaa ḿbʋ́ lɛ, yoŋgbasɩ nzɩ́ paahɔkɩ e-nesi taa yɔ, sɩyɛɖɩ yem nɛ sɩtɔlɩ

Tʋma Labʋ 16:36

Peeɖe ɛkʋyɩ hɛɛɛ nɛ ewolo eheyi Pɔɔlɩ se: «Ñʋndɩnaa tiyaa nɛ peheyi-m se malɩzɩ-mɩ salaka taa. Pʋ-yɔɔ lɛ, ɩlɩɩ ikpemni laŋhɛzɩyɛ.»

Tʋma Labʋ 5:19

Đoo yuwa lɛ, Kɩpaɣlʋ Ɛsɔ tiyiyu nɔɔyʋ wolo ɛtʋlɩ salaka kuduyuu nɔnɔsɩ nɛ ɛlɩzɩ-wɛ nɛ eheyi-wɛ se:

Tʋma Labʋ 7:19

Ɛnʋ kɛcɛtɩnɩ ɖɛ-tɛ ñɩma nɛ ɛnazɩ ɖɔ-cɔzɔnaa nɛ halɩ ɛcɛyɩ-wɛ se pɔlɔ pe-piya cikpesi nɛ sɩsɩ.

Wɩlʋʋ 12:14

Peeɖe pɛcɛlɩ halʋ ɛnʋ keziye naɖɩyɛ keŋ naalɛ se ɛkʋyɩ nɛ ewolo lakʋ taa e-lone taa nɛ pɔcɔnɩ ɛ-yɔɔ pɩnzɩ naadozo nɛ hɔɔlʋʋ nɛ ɖʋm ɛnʋ ɛtaana-ɩ.

Wɩlʋʋ 12:4

E-suu kahazɩ tɩɩnzɩ nasɩyɩ nɛ kʋlɔ tataa. Yee patayɩ tɩɩnzɩ tɩŋa tam naadozo yɔ, pɩmakɩnɩ hɔɔlʋʋ kʋɖʋmʋʋ. Coojo ɛnʋ, ɛsɩŋ halʋ weyi ɛcaɣ lʋlʋʋ yɔ ɛ-ɛsɩndaa se ɛlʋlɩ ɛ-pɩɣa lɛ, ɛtɩŋ ɛsalɩ-kɛ.

Wɩlʋʋ 12:6

Ɛlɛ́, halʋ ɛnʋ ese nɛ ɛsʋʋ lakʋ taa ɖenɖe Ɛsɔ kɔñɔɔzɩ-ɩ ɖɩjaɣyɛ se pɔcɔnɩ ɛ-yɔɔ kɩyakɩŋ kutoku nɛ nasɩlɛ nɛ nɩɩnʋwa nɛ hiu yɔ.