Maatiyee 19:27 - New Testament

²⁷ Ɛlɛ́, Pɩyɛ heyi-i se: «Cɔnɩ ŋna ɖiyebi mbʋ́ pɩtɩŋa payɩ ɖɩwɛna yɔ nɛ ɖɩtɩŋ ña-wayɩ. Ɛbɛ pɩlɩɣ-ɖʋ pɩ-taa?»

Maatiyee 19:27 ပူးပေါင်းရင်းမြစ်များ

Maatiyee 19:26

Peeɖe ɛcɔnɩ-wɛ pɩŋŋ nɛ eheyi-wɛ se: «Ɛyáa ɩɩpɩzɩɣna, ɛlɛ́, Ɛsɔ ñapɩzɩɣ ɛla pɩtɩŋa payɩ.»

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maatiyee 9:9

Pʋwayɩ lɛ, Yesu tasɩ wobu nɛ ɛsɩndaa nɛ ɛna abalʋ weyi payaɣ se Maatiyee yɔ, ɛcaɣ tikee ɖɩmʋyɛ. Peeɖe Yesu heyi-i se: «Kʋyɩ ŋtɩŋ-m!» Ɛ́lɛ́ kʋyɩ ɖɔɖɔ nɛ ɛtɩŋ-ɩ.

Maarkɩ 10:28

Peeɖe Pɩyɛ pɔzɩ-ɩ se: «Cɔnɩ ŋna, ɖa yɔ, ɖiyebi pɩtɩŋa payɩ nɛ ɖɩtɩŋ ña-wayɩ, ɛbɛ ɖihikiɣ yɔ?»

Maarkɩ 2:14

Ɛtɛma nɛ ɛɖɛɣ lɛ, ɛna Alfee pɩyalʋ Leevi, ɛcaɣ ɛ-tʋmɩyɛ taa tikee ɖɩmʋyɛ. Peeɖe eheyi-i se: «Kʋyɩ ŋtɩŋ-m!» Ɛ́lɛ́ kʋyɩ nɛ ɛtɩŋ-ɩ.

Luka 14:33

Peeɖe Yesu heyi-wɛ se: «Ḿbʋ́ ɖɔɖɔ mɩ-taa nɔɔyʋ ɛɛpɩzɩɣ ɛkɛ mɔn-tɔmkpɛlɩkɩyʋ nɛ eteyele mbʋ́ pɩtɩŋa payɩ ɛwɛna yɔ.»

Luka 15:29

Ɛlɛ́, ɛpɩsɩnɩ ɛ-caa se: ‹Welesi nɛ ŋnɩɩ, pɩnzɩ sakɩyɛ yɔ, mɛwɛɛ malakɩ-ŋ tʋmɩyɛ nɛ paa ŋyɔɔdɩ ndʋ́ yɔ, maakiziɣ.› Wiɖiyi ŋtatɩɩtɔm se: ‹Kpaɣ pimbiɣa kanɛ nɛ ña nɛ ña-taabalaa ɩla kpanzʋʋ.›

Luka 18:28

Ɛyɔɔdɩ ḿbʋ́ lɛ, Pɩyɛ heyi-i se: «Cɔnɩ ŋna ɖa ɖeyebu mbʋ́ pɩtɩŋa ɖɩwɛna yɔ nɛ ɖɩtɩŋ ña-wayɩ.»

Luka 5:11

Peeɖe palɩzɩ pa-kpɩyɩŋ kidiiliŋ yɔɔ nɛ peyele mbʋ́ pɩtɩŋa payɩ paawɛna yɔ nɛ patɩŋ Yesu wayɩ.

1 Kɔrɛntɩ 1:29

Ɛlabɩ ḿbʋ́ se nɔɔyʋ ɛtaapɩzɩ ɛtasɩ ɛ-tɩ kpazʋʋ Ɛsɔ ɛsɩndaa.

1 Kɔrɛntɩ 4:7

Mbʋ́ pʋyɔɔ yɔ, aheyi-ŋ se ŋkɩlɩ lɛlaa? Pɩtɛkɛ Ɛsɔ hanɩ-ŋ mbʋ́ pɩtɩŋa payɩ ŋwɛna yɔ yaa we? Yee toovenim se ɛnʋ ɛhanɩ-ŋ-pʋ lɛ, pɩlabɩ ɛzɩma ŋkʋndʋʋnɩ-pʋ ɛzɩ pataha-ŋ-pʋ kɩhaʋ yɔ?

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.