Maatiyee 18:8 - New Testament

⁸ «Yee ñe-nesi yaa ña-naŋgbaŋaɣ eyekini se ŋla kɩwɛɛkɩm yɔ, sɛtɩ nɛ ŋlɔ poliŋ. Pɩkɩlɩ ɖeu se ŋwɛnɩ nesi kʋɖʋmsɩ yaa naŋgbaŋaɣ kʋɖʋmaɣ nɛ ŋhiɣ wezuu ɛzɩ ŋŋwɛnɩ ñe-nesi naalɛ yaa ña-naŋgbanzɩ naalɛ nɛ Ɛsɔ pɛɖɩ-ŋ miŋ weyi eeɖeŋ kaʋ yɔ ɛ-taa yɔ.

Maatiyee 18:8 ပူးပေါင်းရင်းမြစ်များ

Maatiyee 17:27

Paa ḿbʋ́ yɔ, ɖɩtaakpazɩ pa-pana. Kpaɣ ño-kolaɣ nɛ ŋwolo teŋgu taa nɛ ŋlɔ-kɛ. Kpakpayaɣ ŋgá ŋcalɩɣ kpaʋ yɔ, haa kɔ-nɔɔ, ŋmakɩnɩ liidiye nɖɩ́ pʋpɔzʋʋ yɔ. Lɩzɩ-ɖɩ nɛ ŋkɔnɩ ŋhɛyɩ-wɛ ɖa-naalɛ ɖɔ-yɔɔ.»

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 25:46

Powokini-wɛ ɖenɖe kʋñɔŋ maatɛŋ wɛɛ yɔ nɛ piyele mbá patʋʋzaa yɔ, paba ñowolo ɖenɖe wezuu maatɛŋ wɛɛ yɔ.»

Luka 14:33

Peeɖe Yesu heyi-wɛ se: «Ḿbʋ́ ɖɔɖɔ mɩ-taa nɔɔyʋ ɛɛpɩzɩɣ ɛkɛ mɔn-tɔmkpɛlɩkɩyʋ nɛ eteyele mbʋ́ pɩtɩŋa payɩ ɛwɛna yɔ.»

Luka 16:24

Peeɖe ɛmabɩ kubuka se: ‹Hayɩ mɔn-cɔzɔ Abraham! Na man-pʋtɔdɩyɛ nɛ ŋtiyi Lazaarɩ nɛ elii lɩm e-niye nɔɔ taa nɛ elizi me-liu tɛɛ nɛ piniɣdi-m. Mbʋ́ pʋyɔɔ yɔ, malakɩ kʋñɔŋ pɩŋŋ miŋ ɛnɛ ɛ-taa.›

Room 13:12

Đoo ɖɛwa nɛ tɛʋ caɣ fem. Pʋ-yɔɔ lɛ, ɖɩhɔzɩ mbʋ́ ɖɩlakaɣ cɩkpɛndʋʋ taa yɔ nɛ ɖɩlɔ nɛ pɩsɛɣ ɖɩkpaɣ hɔzɩŋ weyi ɖɩɩlabɩnɩ you wɩsɩ taa yɔ.

Wɩlʋʋ 14:10

pʋdʋ kɔŋ ñɔʋ Ɛsɔ pana sʋlʋm mbʋ́ papɩyɩ ɛ-pana caɖaɣ taa nɛ pataca pɩ-taa pʋyʋ kaʋ se pu-ɖoŋ ɛpasɩ yɔ: pɩtɛ ɛyáa kɔŋ tɔɔʋ kʋñɔŋ siŋŋ miŋ sɔsɔŋ nɛ tɩm pa-taa, Ɛsɔ tiyiyaa cɩɖɩcɩɖɩ ñɩma nɛ Heɣa pɛ-ɛsɩndaa.

Wɩlʋʋ 20:15

Weyi patana ɛ-hɩɖɛ wezuu takayaɣ taa yɔ, pɛpɛɖɩ-ɩ miŋ sɔsɔŋ taa.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»