Maatiyee 18:24 - New Testament

²⁴ «Ɛkalaɣ e-liidiye lɛ, pakpa lɛlʋ nɛ powoni ɛ-cɔlɔ. Ɛ́lɛ́ tɔɔ-ɩ kɩmɩyɛ liidiye kutokiŋ ɛgbaŋ ɛgbaŋ.

Maatiyee 18:24 ပူးပေါင်းရင်းမြစ်များ

Maatiyee 18:23

Pʋ-yɔɔ lɛ, ɩna mbʋ́ Ɛsɔ Kewiyaɣ nɩɣzɩnaa yɔ: wiyaʋ sɔsɔ nɔɔyʋ kekpeɣlini ɛ-tʋmlaɖaa se pɛhɛyɩ-ɩ ɛ-kɩma.

Maatiyee 18:25

Ɛɛnaɣ se ɛla ɛzɩma nɛ ɛhɛyɩ-ɖɩ lɛ, ɛ-caa weyi ɛlakɩ-ɩ tʋmɩyɛ yɔ, ɛha nɔɔ se pokuu ɛ nɛ ɛ-halʋ nɛ e-piya nɛ mbʋ́ pɩtɩŋa payɩ ɛwɛna yɔ nɛ pɛpɛdɩ-wɛ ɛzɩ yomaa yɔ nɛ papɩzɩ pɛhɛyɩ kɩmɩyɛ ńɖɩ́.

Maatiyee 25:15

Ɛcɛlɩ kajalaɣ tʋ sika pɔɔyɩsɩ kapʋsɩ kagbaanzɩ nɛ naalɛ tʋ kapʋsɩ naalɛ nɛ tozo tʋ kʋɖʋmaɣ. Ɛcɛlɩ-wɛ ḿbʋ́ nɛ ɛmaɣzɩnɩ paa weyi e-ɖoŋ nɛ piyele ɛcaŋ ɛɖɛɛ.

Maatiyee 25:16

Ɛɖɛwa lɛ, tʋmlaɖʋ weyi ɛmʋ kapʋsɩ kagbaanzɩ yɔ, ɛtɩwobu nɛ ɛlabɩnɩ-sɩ tadɩyɛ nɛ pɩsɛɛ-ɩ kapʋsɩ kagbaanzɩ ɖɔɖɔ.

Maatiyee 25:20

Pʋ-yɔɔ tʋmlaɖʋ weyi ɛmʋ sika pɔɔyɩsɩ kapʋsɩ kagbaanzɩ yɔ, ewobi ɛ-caa ɛnʋ ɛ-cɔlɔ nɛ ɛwɩlɩ-ɩ kapʋsɩ kagbaanzɩ lɛɛsɩ nɛ eheyi-i se: ‹Kɩpaɣlʋ! Ŋŋcɛlɩ-m sika pɔɔyɩsɩ kapʋsɩ kagbaanzɩ. Na! Pɩsɛ-m kagbaanzɩ ɖɔɖɔ.›

Maatiyee 25:22

Weyi ɛ́lɛ́ ñaamʋ kapʋsɩ naalɛ yɔ, ewolo ɖɔɖɔ ɛ-cɔlɔ nɛ eheyi-i se: ‹Kɩpaɣlʋ! Ŋŋcɛlɩ-m sika pɔɔyɩsɩ kapʋsɩ naalɛ. Na! Pɩsɛ-m ɖɔɖɔ naalɛ.›

Maatiyee 25:24

Pɩɖɩɣnɩ weyi ɛ́lɛ́ mʋ kʋɖʋmaɣ yɔ lɛ, ewolo ɛ-cɔlɔ nɛ eheyi-i se: ‹Kɩpaɣlʋ! Manawa se ñɔ-tɔm wɛ kaɖɛ pɩtɩɩfɛyɩ. Đenɖe ŋtoɖuu yaa ŋtamɩzɩ yɔ, peeɖe ŋkʋŋ.

Luka 13:4

Ɛyáa hiu nɛ lutozo mbá Siloowee kuduyuu sɔsɔʋ kpɛzaa kɩɖabɩ-wɛ nɛ pasɩ yɔ, ɩmaɣzɩɣ se ḿbá kɩlɩnɩ wɛɛkʋʋ Yeruusalɛm ñɩma lɛlaa tɩŋa payɩ yaa we?

Luka 16:5

Peeɖe etiyaa nɛ payaa ɛ-caa ɛnʋ ɛ-kɩndɩyaa kʋɖʋm kʋɖʋm. Pɔkɔma lɛ, ɛpɔzɩ kajalaɣ tʋ se: ‹Ɛzɩma ŋwɛnɩ man-caa kɩmɩyɛ?›

Luka 16:7

Ɛkʋyɩ ɛ-yɔɔ lɛ, ɛmaa lɛlʋ yɔɔ se: ‹Nɛ ña-yɔ, ɛzɩma ña-ñɩnɖɛ kɛnaa?› Ɛ́lɛ́ cosi-i se: ‹Mɩla kutokiŋ mɩnʋʋ.› Peeɖe eheyi-i se: ‹Ŋŋnaɣ ña-kɩmɩyɛ takayaɣ! Ma se kutokiŋ nɩɩnʋwa nɛ niidozo.›