Maatiyee 18:23 - New Testament

²³ Pʋ-yɔɔ lɛ, ɩna mbʋ́ Ɛsɔ Kewiyaɣ nɩɣzɩnaa yɔ: wiyaʋ sɔsɔ nɔɔyʋ kekpeɣlini ɛ-tʋmlaɖaa se pɛhɛyɩ-ɩ ɛ-kɩma.

Maatiyee 18:23 ပူးပေါင်းရင်းမြစ်များ

Maatiyee 13:24

Yesu tasɩ-wɛ tuuu eduuye se: «Ɩna ɛzɩma mbʋ́ Ɛsɔ Kewiyaɣ wɛɛ yɔ: abalʋ nɔɔyʋ ɖuni ɖomaɣ kɩbaŋga ɛ-hayɩm taa.

Maatiyee 13:31

Yesu tasɩ-wɛ tuuu eduuye se: «Ɛsɔ Kewiyaɣ wɛ ɛzɩ piye nɖɩ́ ɖɩkɩlɩ kɔzʋʋ pee tɩŋa taa nɛ ɛyʋ kpaɣ-ɖɩ nɛ eɖuu ɛ-hayɩm taa yɔ.

Maatiyee 13:33

Yesu tasɩ-wɛ tuuu eduuye se: «Ɛsɔ Kewiyaɣ wɛ ɛzɩ sɔsɔɔna wena halʋ cozuu nɛ ɛɖʋ sona mʋlʋm kiiloonaa nɩɩlɛ nɛ kagbaanzɩ taa nɛ ehuudi nɛ pʋkɔɔ puhuu yɔ.»

Maatiyee 13:47

«Ɩɩnaɣ mbʋ́ Ɛsɔ Kewiyaɣ nɩɣzɩnaa ɖɔɖɔ yɔ: pɔlɔ piyuu teŋgu taa nɛ kɩkpaɣ kpakpasɩ ndɩ ndɩ.

Maatiyee 13:52

Peeɖe eheyi-wɛ se: «Pʋ-yɔɔ lɛ, paɣtʋ wɩlɩyʋ weyi ɛpɩsɩ Ɛsɔ Kewiyaɣ taa tʋmlaɖʋ yɔ, ɛwɛ ɛzɩ ñɩm tʋ weyi ɛlɩzɩɣ ɛ-ñɩm taa wondu kɩfatʋ nɛ kɩbɩndʋ yɔ.»

Maatiyee 18:24

«Ɛkalaɣ e-liidiye lɛ, pakpa lɛlʋ nɛ powoni ɛ-cɔlɔ. Ɛ́lɛ́ tɔɔ-ɩ kɩmɩyɛ liidiye kutokiŋ ɛgbaŋ ɛgbaŋ.

Maatiyee 25:1

Yesu tasɩ ɛ-tɔmkpɛlɩkɩyaa heyuu se: «Alɩwaatʋ ńdʋ́ lɛ, ɛzʋnɔ Ɛsɔ Kewiyaɣ kɔŋ wɛʋ: pɛlaa nabɛyɛ wɛnɩ ḿbʋ́, pɛwɛ hiu. Halɩkpaɣyɛ naɖɩyɛ wiye lɛ, pakpaɣ kanɖʋnaa nɛ powolo paɖaŋ halɩkpaɣyʋ.

Maatiyee 25:14

Yesu tasɩ ɛ-tɔmkpɛlɩkɩyaa heyuu se: «Ɛzʋnɔ Ɛsɔ Kewiyaɣ kɔŋ wɛʋ ɖɔɖɔ: abalʋ nɔɔyʋ wɛnɩ ḿbʋ́ nɛ ɛɖʋ se ewoki nʋmɔʋ. Ɛɖɛɣaɣ lɛ, ɛ́yáa ɛ-tʋmlaɖaa nɛ ɛtayɩ-wɛ ɛ-ñɩm.

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 7:24

Yesu tɛm-wɛ yɔɔdɩnaʋ lɛ, eheyi-wɛ se: «Weyi ewelesiɣ tɔm tʋnɛ tɩtɩŋa nɛ ɛɖɔŋ tɩ-yɔɔ yɔ, ɛwɛ ɛzɩ lɔŋsɩnɖʋ weyi ɛma ɛ-ɖɩɣa ɛwaɣ yɔɔ yɔ.

Room 14:12

Pʋ-yɔɔ lɛ, paa ɖa-taa weyi lɛ, ɛkɔŋ heyuu Ɛsɔ mbʋ́ ɛlaba yɔ nɛ ɛ-maɣmaɣ ɛ-nɔɔ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.