Maatiyee 17:27 - New Testament

²⁷ Paa ḿbʋ́ yɔ, ɖɩtaakpazɩ pa-pana. Kpaɣ ño-kolaɣ nɛ ŋwolo teŋgu taa nɛ ŋlɔ-kɛ. Kpakpayaɣ ŋgá ŋcalɩɣ kpaʋ yɔ, haa kɔ-nɔɔ, ŋmakɩnɩ liidiye nɖɩ́ pʋpɔzʋʋ yɔ. Lɩzɩ-ɖɩ nɛ ŋkɔnɩ ŋhɛyɩ-wɛ ɖa-naalɛ ɖɔ-yɔɔ.»

Maatiyee 17:27 ပူးပေါင်းရင်းမြစ်များ

Maatiyee 17:26

Pɩyɛ cosi-i se: «Agɔmaa.» Peeɖe Yesu tɔm se: «Yee ḿbʋ́, pʋtɔpɔzɩ se tɛtʋ ñɩma ɛhɛyɩ-kʋ.

Maatiyee 18:6

Yesu tasɩ ɛ-tɔmkpɛlɩkɩyaa heyuu se: «Yee nɔɔyʋ eyeba nɛ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ, pɩkɩlɩ wee wee se pɛlɛɛ e-liu tɛɛ pɩyɛ sɔsɔɖɛ nɛ powoni-i pɛpɛɖɩ teŋgu taa nɛ pitisi-i lɩm tɛɛ.

Maatiyee 18:8

«Yee ñe-nesi yaa ña-naŋgbaŋaɣ eyekini se ŋla kɩwɛɛkɩm yɔ, sɛtɩ nɛ ŋlɔ poliŋ. Pɩkɩlɩ ɖeu se ŋwɛnɩ nesi kʋɖʋmsɩ yaa naŋgbaŋaɣ kʋɖʋmaɣ nɛ ŋhiɣ wezuu ɛzɩ ŋŋwɛnɩ ñe-nesi naalɛ yaa ña-naŋgbanzɩ naalɛ nɛ Ɛsɔ pɛɖɩ-ŋ miŋ weyi eeɖeŋ kaʋ yɔ ɛ-taa yɔ.

Maatiyee 5:29

Yee ñɛ-ɛsɩyɛ eyekina se ŋla kɩwɛɛkɩm yɔ, hɔɔzɩ-ɖɩ nɛ ŋlɔ poliŋ. Ɛyʋ hɔɔlʋʋ kʋɖʋmʋʋ lesuu kɩlɩ wee wee ɛzɩ ɛɛwɛɛ ɛtɩŋa pilim nɛ pɛpɛɖɩ-ɩ ɖenɖe kʋñɔŋ maatɛŋ wɛɛ yɔ.

Maatiyee 5:30

Yee ñe-nesi kɩbanzɩ eyekina se ŋla kɩwɛɛkɩm yɔ, sɛtɩ-sɩ nɛ ŋlɔ poliŋ. Pɩkɩlɩ wee wee se ŋlesi ñe-nesi kʋɖʋmsɩ ɛzɩ ŋŋwɛɛ ñatɩŋa pilim nɛ pɛpɛɖɩ-ŋ ɖenɖe kʋñɔŋ maatɛŋ wɛɛ yɔ.»

Maarkɩ 9:42

Yesu tasɩ yɔɔdʋʋ se: «Yee nɔɔyʋ eyeba nɛ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ, pɩkɩlɩ weewee se pɛlɛɛ e-liu tɛɛ pɩyɛ sɔsɔɖɛ nɛ powoni pɛpɛɖɩ teŋgu taa.

Maarkɩ 9:43

Yee ñe-nesi eyekini se ŋla kɩwɛɛkɩm yɔ, sɛtɩ-sɩ nɛ ŋlɔ. Pɩkɩlɩ ɖeu se ŋwɛnɩ nesi kʋɖʋmsɩ nɛ ŋhiɣ wezuu ɛzɩ ŋŋwɛnɩ ñe-nesi naalɛ nɛ Ɛsɔ pɛɖɩ-ŋ kʋñɔŋ maatɛŋ taa ɖenɖe miŋ eeɖeŋ kaʋ yɔ. [

Luka 17:2

Pɩkɩlɩ wee wee se pɛlɛɛ e-liu tɛɛ pɩyɛ sɔsɔɖɛ nɛ powoni pɛpɛɖɩ teŋgu taa ɖenɖe ɛzɩ eeyele nɛ mbá patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ.

Yohanɛɛsɩ 6:61

Ɛlɛ́, Yesu na ɛ-taa se tɔm ńdʋ́ ɛ-tɔmkpɛlɩkɩyaa midiɣna nɛ ɛpɔzɩ-wɛ se: «Ndʋ́ mɔyɔɔdaa yɔ, ńdʋ́ cɛyɩɣnɩ-mɩ yaa we?

Room 14:21

Mbʋ́ pʋwɛ ɖeu yɔ lɛ se: taakpazɩnɩ ñɔ-nɔɔ mbʋ́ pɩpɩzɩɣ pɩpɛɖɩ ña-taabalʋ kɩwɛɛkɩm taa yɔ kaʋ. Paa nandʋ yaa sʋlʋm yaa paa ɛbɛ.

1 Kɔrɛntɩ 8:13

Pʋ-yɔɔ lɛ, yee tɔɔnaɣ ŋgá ka-taa wɛ kɩlaʋ nandʋ yɔ kɔ-tɔɔʋ eyekina se man-taabalʋ ɛtɔlɩ Ɛsɔ nʋmɔʋ taa yɔ, maatasɩɣ nandʋ tɔɔʋ kaʋ.

1 Kɔrɛntɩ 8:9

Paa ḿbʋ́ yɔ, ɩkpa mɩ-tɩ se waɖɛ nɖɩ́ pɩha-mɩ se ɩtɔɔ kɩlaʋ nandʋ yɔ, ɖitaayele nɛ mbá patapɩɩ Ɛsɔ nʋmɔʋ taa yɔ, pa-taa nɔɔyʋ tɔlɩ.

2 Kɔrɛntɩ 6:3

Đɩcaɣ se nɔɔyʋ ɛtaapɩzɩ ɛkpɛzɩnɩ-ɖʋ tʋmɩyɛ nɖɩ́ ɖɩlakɩ yɔ ɖɩ-yɔɔ. Pʋ-yɔɔ ɖɩñakɩ pana se nɔɔyʋ ɛtaatɔlɩ Ɛsɔ nʋmɔʋ taa.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

1 Tesalooniki 5:22

Ɩkpa mɩ-tɩ nɛ paa kɩdɛkɛdɩm mbʋ́.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.