Maatiyee 16:24 - New Testament

²⁴ Pʋwayɩ lɛ, Yesu heyi ɛ-tɔmkpɛlɩkɩyaa se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ, etisi nɛ ɛtɔɔ kʋñɔŋ siŋŋ.

Maatiyee 16:24 ပူးပေါင်းရင်းမြစ်များ

Maatiyee 10:38

Weyi etetisi nɛ ɛtɔɔ kʋñɔŋ siŋŋ ɛzɩ ma yɔ yɔ, ɛtamʋna se ɛkɛ mɔn-tɔmkpɛlɩkɩyʋ.

Maatiyee 27:32

Palɩɣaɣnɩ Yesu tɛtʋ wayɩ se pakam-ɩ lɛ, pakatɩ Siirɛɛnɩ abalʋ nɔɔyʋ nɛ pakpa-ɩ se ɛsɩɣlɩ Yesu kaamaŋkaɣ, payaɣ-ɩ se Siimɔɔ.

Maarkɩ 10:21

Yesu cɔnɩ-ɩ pɩŋŋ lɛ, ɛ-tɔm kɛdɩnɩ-ɩ nɛ eheyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Maarkɩ 15:21

Pɛɖɛɣaɣnɩ Yesu lɛ, pakatɩ Alɛksandrɩ nɛ Ruufuusi pa-caa, ɛ-tɛ Siirɛɛnɩ egeetiye taa, payaɣ-ɩ se Siimɔɔ. Ɛɛlɩnɩ tɛyɛ yɔɔ nɛ ekpeŋ. Peeɖe sɔɔjanaa kpa-ɩ nɛ ɖoŋ se ɛhɔɔlɩ Yesu kaamaŋkaɣ.

Maarkɩ 8:34

Pʋwayɩ lɛ, Yesu yaa ɛyáa samaɣ nɛ ɛ-tɔmkpɛlɩkɩyaa nɛ eheyi-wɛ se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ nɛ etisi nɛ ɛtɔɔ kʋñɔŋ siŋŋ.

Luka 14:27

Weyi ɛtatɩŋ ma-wayɩ nɛ ɛtɔɔ kʋñɔŋ siŋŋ yɔ, ɛɛpɩzɩɣ ɛkɛ mɔn-tɔmkpɛlɩkɩyʋ.

Luka 23:26

Powokaɣnɩ Yesu kam lɛ, pakatɩ Siirɛɛnɩ abalʋ nɔɔyʋ, payaɣ-ɩ se Siimɔɔ. Ɛlɩnɩ tɛyɛ. Peeɖe pakpa-ɩ nɛ ɖoŋ nɛ pasʋʋ-ɩ kaamaŋkaɣ se ɛtɩŋnɩ-kɛ Yesu wayɩ.

Yohanɛɛsɩ 19:17

nɛ palɩzɩ-ɩ nɛ tɛtʋ wayɩ nɛ pasʋʋ ɛ-maɣmaɣ kaamaŋkaɣ. Powokaɣnɩ-ɩ se pakam-ɩ ɖenɖe payaɣ se Ñʋmbɔɔyaɣ lone yɔ. Payaɣ peeɖe nɛ Ebree taa se Goligota.

Yohanɛɛsɩ 21:19

Tɔm tʋnɛ Yesu wɩlɩnɩ ɛzɩma mbʋ́ Pɩyɛ kɔŋ sɩbʋ nɛ Ɛsɔ hɩɖɛ sɛɛ yɔ. Ɛtɛm yɔɔdʋʋ ḿbʋ́ lɛ, eheyi Pɩyɛ se: «Tɩŋ ma-wayɩ.»

Yohanɛɛsɩ 21:22

Ɛlɛ́, Yesu pɩsɩnɩ-ɩ se: «Yee me-liu ɛwɛɛ se ɛcaɣ wezuu nɛ pɩsɩɩnɩ alɩwaatʋ ndʋ́ manpɩsɩɣ mɔnkɔɔ yɔ lɛ, pɩna-ŋ nɛ we? Ña lɛ, tɩŋ-m!»

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

1 Tesalooniki 3:3

nɛ lɛɛlɛɛyɔ taa kʋñɔmɩŋ ɛtaañamsɩ mɩ-taa nɔɔyʋ. Mɩ-maɣmaɣ ɩtɛm naʋ se kʋñɔmɩŋ ɩnʋ Ɛsɔ ɖʋwa se pɩtɛmnɩ-ɖʋ.

2 Timootee 3:12

Toovenim lɛ, mbá patɩŋa payɩ pe-liu wɛɛ se pacaɣ wezuu ɛzɩ Ɛsɔ liu wɛʋ yɔ pa nɛ Krɩstʋ Yesu pɛ-kpɛndʋʋ taa yɔ, pɛwɛɣ pa-wayɩ kaŋ kaŋ.

1 Pɩyɛ 2:21

Ḿbʋ́ Ɛsɔ ɖʋwa se ɩla. Mbʋ́ pʋyɔɔ yɔ, Krɩstʋ ñalabɩ kʋñɔŋ ɖɔɖɔ mɩ-yɔɔ nɛ ɛwɩlɩ-mɩ se ɩla ɛzɩ ɛnʋ yɔ nɛ ɩtɩŋ ɛ-nʋmɔʋ taa.