Maatiyee 16:21 - New Testament

²¹ Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 16:21 ပူးပေါင်းရင်းမြစ်များ

Maatiyee 12:40

Mbʋ́ pʋyɔɔ yɔ, ɛzɩma mbʋ́ Yoonaasɩ caɣ kɩyakɩŋ naadozo wɩsɩ nɛ ɖoó kpakpayaɣ sɔsɔɔ taa yɔ, ḿbʋ́ ɖɔɖɔ Ɛyʋ Pɩyalʋ kɔŋ caɣʋ tɛtɛɛ kɩyakɩŋ naadozo wɩsɩ nɛ ɖoó.

Maatiyee 16:22

Peeɖe Pɩyɛ ya-ɩ nɛ ɛkɛsɩ-ɩ kɩjaʋ nɛ ɛkalɩ-ɩ se: «Kɩpaɣlʋ! Ɛsɔ huuzuu ñɔ-yɔɔ. Nabʋyʋ ɛɛlakɩ-ŋ kaʋ!»

Maatiyee 16:28

Toovenim lɛ, meheyiɣ-mɩ se: mbá pɛwɛ cɩnɛ yɔ, pa-taa lɛlaa naɣ Ɛyʋ Pɩyalʋ ma alɩwaatʋ ndʋ́ mɔnkɔŋ mɔntɔɔ kewiyaɣ yɔ nɛ pʋcɔ pasɩ.»

Maatiyee 17:12

Ɛlɛ́, mankaɖɩɣ-mɩ se: Elii tɛm kɔm, ɛlɛ́, ɛyáa tasɩm-ɩ, palabɩ-ɩ mbʋ́ pɔsɔɔlaa yɔ. Ḿbʋ́ ɖɔɖɔ pɔkɔŋ ɖʋʋ Ɛyʋ Pɩyalʋ maɣmaɣ kʋñɔŋ.»

Maatiyee 17:9

Pakʋyɩ pʋʋ yɔɔ nɛ petiki lɛ, ɛpaɣ-wɛ se: «Ɩtaaheyi nɔɔyʋ mbʋ́ ɩnawa yɔ nɛ pʋkɔɔ pɩsɩɩnɩ alɩwaatʋ ndʋ́ Ɛyʋ Pɩyalʋ fema nɛ ɛlɩɩnɩ sɩɖaa taa yɔ.»

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 26:2

«Ɩnawa se pɩkazɩ kɩyakɩŋ naalɛ se pɔtɔɔ Yuda ñɩma Paska Kazandʋ. Alɩwaatʋ ńdʋ́ tɩ-taa pɔkɔŋ kpaʋ Ɛyʋ Pɩyalʋ nɛ paɖʋzɩ-ɩ koyindinaa nesi taa nɛ paba kam-ɩ kaamaŋkaɣ yɔɔ.»

Maatiyee 26:47

Yesu yɔɔdaɣ ḿbʋ́ lɛ, ɛ-tɔmkpɛlɩkɩyaa hiu nɛ naalɛ taa lɛlʋ weyi payaɣ-ɩ se Yudaasɩ yɔ nɛ ɛyáa samaɣ nakɛyɛ patalɩ. Pɔɖɔkɩ sɛsɩ kɩɖaɣlɩsɩ nɛ pɔla. Cɔjɔnaa sɔsaa nɛ Yuda ñɩma sɔsaa petiyini-wɛ.

Maatiyee 27:12

Cɔjɔnaa sɔsaa nɛ pɛ-ŋgbɛyɛ taa sɔsaa pakʋyɩ ɛ-yɔɔ, ɛlɛ́, etocosi-wɛ natʋyʋ.

Maatiyee 27:63

nɛ peheyi-i se: «Đajaa! Đɩtɔzʋʋ se alɩwaatʋ ndʋ́ pɔbɔtʋ ɛnɛ ɛɛwɛnɩ ɛ-ɛsɛ yɔ, ɛtɔm se kɩyakɩŋ naadozo wayɩ lɛ, efeŋ.

Maatiyee 28:6

Ɛfɛyɩ cɩnɛ, efema ɛzɩ ɛɛyɔɔdʋʋ yɔ. Ɩkɔɔ ɩna ɖenɖe paahɛzɩ-ɩ yɔ

Maarkɩ 8:31

Yesu wɩlaɣ ɛ-tɔmkpɛlɩkɩyaa se peɖiɣzini se ɛnʋ Ɛyʋ Pɩyalʋ lɛ, pʋwɛɛ se ɛtɔɔ kʋñɔŋ siŋŋ nɛ Yuda ñɩma sɔsaa nɛ cɔjɔnaa sɔsaa nɛ pa-paɣtʋ wɩlɩyaa pekizi ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i.

Maarkɩ 9:12

Yesu cosi-wɛ se: «Toovenim, pʋwɛɛ se Elii ɛlayɩ kɔm nɛ ɛɖaɣnɩ pɩtɩŋa camɩyɛ. Meheyiɣ-mɩ ɖɔɖɔ se Ɛyʋ Pɩyalʋ tɔm pamawa se ɛkɔŋ tɔɔʋ kʋñɔŋ siŋŋ nɛ peniɣzi-i.

Luka 17:25

Ɛlɛ́, pʋcɔ pɩla ḿbʋ́ lɛ, pʋwɛɛ se ɛtɔɔ kʋñɔŋ siŋŋ nɛ lɛɛlɛɛyɔ ɛyáa panɛ pekizi-i.

Luka 24:46

nɛ eheyi-wɛ se: «Ndʋ́ pama ka-taa yɔ lɛ se pʋwɛɛ se Weyi Ɛsɔ Lɩzaa Yɔ, ɛtɔɔ kʋñɔŋ nɛ ɛsɩ nɛ pepim-i. Kɩyakʋ naadozo ñɩŋgʋ wiye lɛ, pefezi-i nɛ ɛlɩɩnɩ pɩlaʋ taa.

Luka 9:31

Paawɛ Ɛsɔ koboyaɣ taa nɛ pa nɛ Yesu pɔyɔɔdʋʋ ɛzɩma mbʋ́ ɛtɛzɩɣ ɛ-tʋmɩyɛ nɛ sɩm Yeruusalɛm yɔ pʋ-tɔm.