Maatiyee 16:18 - New Testament

¹⁸ Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Maatiyee 16:18 ပူးပေါင်းရင်းမြစ်များ

Maatiyee 10:2

Mbá ɛlɩzaa nɛ ɛ́yáa-wɛ se e-tiyiyaa yɔ, ḿbá yɔ: kajalaɣ lɛ, Siimɔɔ weyi payaɣ ɖɔɖɔ se Pɩyɛ yɔ nɛ e-neu Andree nɛ Zebedee pɩyalaa Yakubu nɛ e-neu Yohanɛɛsɩ

Maatiyee 11:23

Mɩ Kapɛrnayum ñɩma lɛ, ɩmaɣzɩɣ se ɩkpaɣ ɛsɔdaa yaa we? Meheyiɣ-mɩ se ɩɩkpaɣ kaʋ. Ɛlɛ́, itiki tɛtɛɛ ɖenɖe kʋñɔŋ maatɛŋ wɛɛ yɔ. Mbʋ́ pʋyɔɔ yɔ, yee Ɛsɔ hama lakasɩ nzɩ́ palabɩ mɩ-tɛ yɔ, paalabɩ-sɩ Sodom yɔ, tɛtʋ ńdʋ́ tɩɩwɛ halɩ nɛ sɔnɔ.

Maatiyee 18:17

Yee etetisi ɖɔɖɔ lɛ, ŋwolo ŋheyi ŋgbɛyɛ taa ñɩma nɛ pɔpɔzɩ-ɩ. Yee ɛtanɩɩnɩ paba lɛ, pʋbʋ, ŋkpaɣ-ɩ ɛzɩ weyi ɛɛñaŋ Ɛsɔ yɔ yaa kɩwɛɛkɩm laɖʋ nɔɔyʋ yɔ.

Maatiyee 4:18

Nakʋyʋ wiye Yesu ɖɔŋaɣ Galilee teŋgu nɔɔ. Pɩkɛdaa lɛ, ɛna kpakpasɩ kpayaa naalɛ nabɛyɛ, pɔlɔwaɣ piyiŋ. Ḿbá yɔ: Siimɔɔ weyi payaɣ ɖɔɖɔ se Pɩyɛ yɔ nɛ e-neu Andree.

Maatiyee 7:24

Yesu tɛm-wɛ yɔɔdɩnaʋ lɛ, eheyi-wɛ se: «Weyi ewelesiɣ tɔm tʋnɛ tɩtɩŋa nɛ ɛɖɔŋ tɩ-yɔɔ yɔ, ɛwɛ ɛzɩ lɔŋsɩnɖʋ weyi ɛma ɛ-ɖɩɣa ɛwaɣ yɔɔ yɔ.

Yohanɛɛsɩ 1:42

Peeɖe ɛkpaɣ-ɩ nɛ ewoni-i Yesu cɔlɔ. Patalaa lɛ, Yesu cɔnɩ-ɩ pɩŋŋ nɛ ɛtɔ se: «Ña lɛ Yohanɛɛsɩ pɩyalʋ weyi payaɣ se Siimɔɔ yɔ, pɔkɔŋ-ŋ yaʋ se Sefaasɩ.» Sefaasɩ tɔbʋʋ se Pɩyɛ.

Tʋma Labʋ 2:47

Pasaŋaɣ Ɛsɔ nɛ ɛyáa tɩŋa laŋa hɛɣnɩ-wɛ. Mbá Kɩpaɣlʋ yabɩ pa-ñʋʋ yɔ, pɔsɔzaɣ pɔ-yɔɔ kɩyakɩŋ tɩŋa.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 8:1

Ɛlɛ́, Etiyɛɛnɩ sɩm ḿbʋ́, pɩkɛdɩnɩ Sɔɔlɩ. Puwiye ńɖɩ́, Yeruusalɛm Krɩstʋ ŋgbɛyɛ sʋ kʋñɔŋ sɔsɔʋ taa. Lidaʋ tayaa tɩŋa se nɛ pɛɖɛɛnɩ Yudee nɛ Samarɩɩ ageeta taa. Yesu tiyiyaa ɖeke pɩɩkazaa.

1 Kɔrɛntɩ 15:55

Sɩm, ño-ɖoŋ wɛ le? Sɩm, ñɔ-sɔtʋ ndʋ́ ŋkʋʋna yɔ tɩwɛ le?»

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

Efɛɛzɩ 3:10

Yee ḿbʋ́, pɩkpaɣʋnɩ lɛɛlɛɛyɔ yɔ, pɩtɩŋɩɣnɩ Krɩstʋ ŋgbɛyɛ taa ñɩma yɔɔ nɛ ñʋndɩnaa nɛ ɛsɔdaa ɖoŋ tɩŋa patɩlɩ ɛzɩma mbʋ́ Ɛsɔ lɔŋsɩnɖɛ paɣlaa pɩtɩɩfɛyɩ yɔ.

Efɛɛzɩ 5:32

Tɔm tʋnɛ, tɩkɛ mɛsaɣ tɛɛ tɔm, tɩ-taa wɛ cukaŋ. Krɩstʋ nɛ ɛ-ŋgbɛyɛ taa ñɩma mamaɣzɩnaa nɛ mɔyɔɔdɩ ḿbʋ́.

Koloosi 1:18

Ɛnʋ lɛ ñʋʋ nɛ e-tomnaɣ lɛ ɛ-ŋgbɛyɛ taa ñɩma. Ɛnʋ lɛ kiɖe, ɛnʋ calɩnɩ fem nɛ sɩɖaa taa se ɛkɛ kajalaɣ tʋ pɩtɩŋa pɩ-taa.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

1 Timootee 3:5

Mbʋ́ pʋyɔɔ yɔ, yee ɛyʋ ɛɛpɩzɩɣ ɛ-maɣmaɣ ɛ-hɔʋ taa ñɩma yɔɔ cɔnaʋ lɛ, ɛzɩma ɛpɩzɩɣ ɛcɔnɩ Ɛsɔ ŋgbɛyɛ taa ñɩma yɔɔ yɔ?

Ebree 12:28

Pʋ-yɔɔ lɛ, ɖɩwɛnɩ Ɛsɔ yɔɔ ɛsɩmɩyɛ, mbʋ́ pʋyɔɔ yɔ, ɛha-ɖʋ kewiyaɣ ŋgá kɛfɛyɩ ñamsʋʋ yɔ: ɖiluŋ ɛ-tɛɛ ɛzɩ pɩkɛdɩnaʋ-ɩ yɔ nɛ ñamtʋ nɛ sɔɔndʋ.

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.