Maatiyee 15:31 - New Testament

³¹ Ɛyáa na ndamaa kaayɔɔdasɩ yɔɔdaɣ nɛ mbá pe-nesi camaa yɔ pɔ-yɔɔ cɛ nɛ taladɩnaa ɖɔŋ camɩyɛ nɛ yʋlʋmaa ñanaɣ lɛ, payɩɣyɩɣ-ɩ pɩŋŋ nɛ pasaŋ Izrɛɛlɩ ñɩma Ɛsɔ.

Maatiyee 15:31 ပူးပေါင်းရင်းမြစ်များ

Maatiyee 15:30

Peeɖe ɛyáa samaɣ kpaɣ taladɩnaa nɛ yʋlʋmaa nɛ mbá pe-nesi camaa yɔ nɛ ndamaa kaayɔɔdasɩ nɛ kʋdɔndɩnaa lɛlaa sakɩyɛ nɛ powoni-wɛ ɛ-cɔlɔ nɛ ɛla nɛ pɔ-yɔɔ cɛ.

Maatiyee 18:8

«Yee ñe-nesi yaa ña-naŋgbaŋaɣ eyekini se ŋla kɩwɛɛkɩm yɔ, sɛtɩ nɛ ŋlɔ poliŋ. Pɩkɩlɩ ɖeu se ŋwɛnɩ nesi kʋɖʋmsɩ yaa naŋgbaŋaɣ kʋɖʋmaɣ nɛ ŋhiɣ wezuu ɛzɩ ŋŋwɛnɩ ñe-nesi naalɛ yaa ña-naŋgbanzɩ naalɛ nɛ Ɛsɔ pɛɖɩ-ŋ miŋ weyi eeɖeŋ kaʋ yɔ ɛ-taa yɔ.

Maatiyee 21:14

Ɛwɛ peeɖe ḿbʋ́ lɛ, yʋlʋmaa nɛ kalɩkalasɩ powolo ɛ-cɔlɔ nɛ ɛla nɛ pɔ-yɔɔ cɛ.

Maatiyee 8:10

Yesu nɩ sɔɔja ɛnʋ ɛyɔɔdɩ ḿbʋ́ lɛ, ɛyɩɣyɩ-ɩ nɛ ɛkɛzɩ ɛ-tɩ nɛ ɛyáa mbá patɩŋaɣ-ɩ yɔ pɔ-yɔɔ nɛ ɛtɔ se: «Toovenim lɛ, meheyiɣ-mɩ se paa Izrɛɛlɩ ɛjaɖɛ taa maɣmaɣ yɔ, mantanada weyi ɛwɛnɩ lidaʋ nɛ pɩtalɩ-ɩ yɔ.

Maatiyee 9:32

Yʋlʋmaa ḿbá pɛɖɛɣaɣ lɛ, nɔɔyʋ woni abalʋ nɔɔyʋ Yesu cɔlɔ. Eleeu nɔɔyʋ wɛ ɛ-wayɩ nɛ ɛpɩsɩ-ɩ kaayɔɔdaɣ.

Maatiyee 9:33

Yesu ɖɔɔnɩ eleeu ɛnʋ nɛ abalʋ ɛnʋ ɛpazɩ yɔɔdʋʋ nɛ ɛyáa samaɣ yɩɣyɩɣ-ɩ nɛ kɔtɔŋ se: «Đooo yɔ, nabʋyʋ talabɩdɩ Izrɛɛlɩ ɛjaɖɛ taa ɛzʋnɔ!»

Maatiyee 9:8

Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.

Maarkɩ 2:12

nɛ kakʋyɩ kpaagbaa nɛ kakpaɣ ka-ñalʋʋ ɛyáa tɩŋa ɛsɩndaa nɛ pɔcɔnɩ-kɛ pɩŋŋ nɛ kɛɖɛɛ. Pana-kɛ ḿbʋ́ lɛ, pɩla patɩŋa piti pɩŋŋ nɛ pasaŋ Ɛsɔ nɛ pɔtɔŋ se: «Đooo yɔ, ɖɩtanata mbʋ́ Yesu labɩ ɛzʋnɔ yɔ pɩ-ɖaɣʋ.»

Maarkɩ 7:37

Ḿbʋ́ labɩnɩ ɛyáa piti pɩŋŋ nɛ pɔtɔŋ se: «Mbʋ́ ɛlakɩ yɔ, pɩtɩŋa pʋwɛ ɖeu. Ɛlakɩ nɛ ndamaa nɩɣ nɛ kaayɔɔdasɩ yɔɔdʋʋ.»

Maarkɩ 9:43

Yee ñe-nesi eyekini se ŋla kɩwɛɛkɩm yɔ, sɛtɩ-sɩ nɛ ŋlɔ. Pɩkɩlɩ ɖeu se ŋwɛnɩ nesi kʋɖʋmsɩ nɛ ŋhiɣ wezuu ɛzɩ ŋŋwɛnɩ ñe-nesi naalɛ nɛ Ɛsɔ pɛɖɩ-ŋ kʋñɔŋ maatɛŋ taa ɖenɖe miŋ eeɖeŋ kaʋ yɔ. [

Luka 14:13

Ɛlɛ́, yee ŋlabɩ kazandʋ yɔ, yaa kʋñɔndɩnaa nɛ mbá pe-nesi camaa yɔ nɛ kalɩkalasɩ nɛ yʋlʋmaa.

Luka 14:21

Tʋmlaɖʋ ɛnʋ, ɛpɩsɩ ɛ-caa cɔlɔ nɛ ɛkɛdɩ-ɩ mbʋ́ pɩlɩwa yɔ. Peeɖe pɩwɩzɩ ɛ́lɛ́ pɩŋŋ nɛ ɛɖaɣnɩ-ɩ tiyuu se: ‹Wolo lɔŋ kɩyakɩŋ nɛ tɛtʋ pa-taa nɛ habɛɛ nɔsɩ nɛ ŋyaa kʋñɔndɩnaa nɛ mbá pe-nesi camaa yɔ nɛ yʋlʋmaa nɛ kalɩkalasɩ nɛ pɔkɔɔ.›

Luka 18:43

Kpaagbaa ḿbʋ́ lɛ, ɛ-ɛsɛ kuli nɛ ɛtɩŋɩɣ Yesu wayɩ nɛ ɛsaŋ Ɛsɔ. Ɛyáa samaɣ tɩŋa na ḿbʋ́ lɛ, kasʋʋ Ɛsɔ sam yɔɔ ɖɔɖɔ.

Luka 7:16

Peeɖe sɔɔndʋ kpa patɩŋa nɛ pasaŋ Ɛsɔ nɛ pɔtɔŋ se: «Náyʋ sɔsɔ nɔɔyʋ kɔm ɖɛ-hɛkʋ taa, Ɛsɔ kɔm ɛlɩzɩ ɛ-ɛyáa pɩ-taa.»

Yohanɛɛsɩ 9:24

Peeɖe Farɩsɩ ñɩma tasɩ abalʋ ɛnʋ yaʋ nɛ peheyi-i se: «Ɛsɔ ɛsɩndaa ŋwɛɛ, yɔɔdɩ toovenim. Đa lɛ, ɖɩnawa se weyi ekuli ñɛ-ɛsɛ yɔ, ɛkɛ kɩwɛɛkɩm laɖʋ.»