Maatiyee 15:27 - New Testament

²⁷ Halʋ ɛnʋ ɛtɔ se: «Kɩpaɣlʋ! Pɩkɛ toovenim. Ɛlɛ́, yee hasɩ tʋ ɛtɔkɩ nɛ hɔɔlasɩ tɔlʋʋ tataa, sɩɩtɔzʋʋ yaa we?»

Maatiyee 15:27 ပူးပေါင်းရင်းမြစ်များ

Maatiyee 15:26

Peeɖe ecosi-i se: «Pɩfɛyɩ ɖeu se pakpaɣ piya tɔɔnaɣ nɛ pɛpɛɖɩ hasɩ.»

Maatiyee 15:28

Peeɖe Yesu cosi-i se: «Halʋ ña! Ŋwɛnɩ lidaʋ mɔ-yɔɔ siŋŋ. Pɩla ɛzɩ ŋsɔɔlʋʋ yɔ.» Kpaagbaa ḿbʋ́ lɛ, ɛ-pɛlɛ yɔɔ cɛ.

Maatiyee 5:45

nɛ ɩpɩsɩ mɩ-Caa Ɛsɔ weyi ɛwɛ ɛsɔdaa yɔ e-piya. Mbʋ́ pʋyɔɔ yɔ, eyeki nɛ wɩsɩ lɩɣ ɛyáa kɩbama nɛ azaɣ́a pɔ-yɔɔ. Eyeki ɖɔɖɔ nɛ tɛʋ nɩɣ kɩbama nɛ kɩdɛkɛdaa pɔ-yɔɔ.

Maatiyee 8:8

Ɛlɛ́, sɔɔja sɔsɔ ɛnʋ eheyi Yesu se: «Kɩpaɣlʋ! Mantamʋna se ŋsʋʋ man-ɖɩɣa taa. Pʋ-yɔɔ lɛ, mentendiɣ-ŋ se ŋyɔɔdɩ tɔm kʋɖʋmtʋ koŋ nɛ man-tʋmlaɖʋ yɔɔ cɛ.

Maarkɩ 7:28

Halʋ ɛnʋ ecosi-i se: «Kɩpaɣlʋ! Yee piya ɛtɔkɩ nɛ pʋtɔlʋʋ tataa, hasɩ ɛɛtɔzʋʋ yaa we?»

Luka 16:21

Ɛɛsɔɔlaa siŋŋ se ɛtɔzɩ mbʋ́ ñɩm tʋ ɛnʋ ɛtɔkɩ nɛ pʋtɔlʋʋ tataa yɔ nɛ ɛtɔɔ. Đɔɖɔ lɛ, hasɩ wokaɣ nɛ sineziɣ e-heŋ taa.

Luka 18:13

Alɩwaatʋ ńdʋ́ lɛ, tikee mʋyʋ ñaasɩŋ poliŋ nɛ ɛsɔ ɛ-ñʋʋ nɛ tɛtʋ nɛ ekpiɖiɣ se: ‹Hayɩ Ɛsɔ! Na weyi ma mɛnkɛ kɩwɛɛkɩm laɖʋ yɔ man-pʋtɔdɩyɛ!›

Room 10:12

Pʋ-yɔɔ lɛ, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa: patɩŋa pa-Kɩpaɣlʋ kʋɖʋm, ɛhaɣ ɛ-ñɩm mbá payaɣ-ɩ se ɛsɩnɩ-wɛ yɔ patɩŋa.

Room 3:19

Đɩnawa se mbʋ́ pɩtɩŋa payɩ paɖʋ Mooyiizi paɣtʋ taa yɔ, mbá pasɩm-tʋ yɔ, ḿbá paɖʋ-tʋ. Pʋwɛ ḿbʋ́ se nɔɔyʋ ɛtaapɩzɩ ehiɣ ndʋ́ ɛwana yɔ nɛ ɛyáa tɩŋa tɩlɩ se payʋsɩ Ɛsɔ ɛsɩndaa.

Room 3:29

Ɛsɔ wɛʋ yɔ, Yuda ñɩma ɖeke Ɛsɔ ɛkɛnaa yaa we? Ɛtɛkɛ ɖɔɖɔ mbá pɛtɛkɛ Yuda ñɩma yɔ pɛ-Ɛsɔ yaa we? Toovenim lɛ, ɛkɛ ɖɔɖɔ pa-ñɩnʋ.

Room 3:4

Toovenim lɛ, pɩtɛkɛ ḿbʋ́! Pʋwɛɛ se paa weyi ɛtɩlɩ se paa ɛyáa tɩŋa ɛcɛtɩɣ yɔ, Ɛsɔ ñɛkɛ toovenim tʋ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Pʋwɛɛ se patɩlɩ-ŋ se ŋkɛ toovenim tʋ ñɔ-yɔɔdaɣ taa, nɛ yee pahʋʋnɩ-ŋ yɔ, ŋwakɩ.»

Efɛɛzɩ 3:19

Ḿbʋ́ yekina nɛ ɩtɩlɩ se sɔɔlɩm ḿbʋ́, pɩkɩlɩ lɔŋsɩnɖɛ tɩŋa payɩ. Ḿbʋ́ yekina ɖɔɖɔ nɛ Ɛsɔ tɛzɩ mɩ-taa wɛʋ pilim.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.