Maatiyee 15:14 - New Testament

¹⁴ Iyebi-wɛ: pɛwɛ ɛzɩ yʋlʋmaa mbá pɔhɔŋ yʋlʋmaa lɛlaa yɔ! Ŋgʋ́, yee yʋlʋmaa ɛhɔŋ ɖama yɔ, pɔkɔŋ tɔlʋʋ pɔʋ nakʋyʋ taa patɩŋa.»

Maatiyee 15:14 ပူးပေါင်းရင်းမြစ်များ

Luka 6:39

Pʋwayɩ lɛ, Yesu tuu-wɛ eduuye se: «Yʋlʋmaa ɛɛhɔŋ ɖama. Pɩtɛkɛ ḿbʋ́, pɔtɔlʋʋ patɩŋa pɔʋ nakʋyʋ taa.

Yohanɛɛsɩ 9:39

Peeɖe Yesu tɔm se: «Mɔnkɔm kedeŋa yɔɔ cɩnɛ se mahʋʋnɩ ɛyáa nɛ mbá paanaɣ yɔ, pana nɛ mbá paba naɣ yɔ, payʋlʋmɩ.»

1 Timootee 6:5

Pʋkɔŋnɩ ɖɔɖɔ you kaatɛŋa ɛyáa mbá pɛfɛyɩnɩ lɩmaɣza kɩbana nɛ patatasɩ sɩm toovenim yɔ. Pamaɣzɩɣ se yee ɛyʋ ɛñɩtaa ɛɖɔŋ Ɛsɔ nʋmɔʋ taa yɔ, pɩkɛɣnɩ-ɩ waɖɛ se ehiɣ liidiye.

2 Pɩyɛ 2:1

Ɛzɩma mbʋ́ mbá pɛcɛtaɣ se pɛkɛ mbá posusuu tɔm ndʋ́ tɩlɩnɩ Ɛsɔ cɔlɔ yɔ paasʋ Ɛsɔ ñɩma taa yɔ, ḿbʋ́ ɖɔɖɔ mbá pawɩlɩɣ ɛyáa cɛtɩm tɔm yɔ pɔkɔŋ mɩ-hɛkʋ taa sʋʋ mɛsaɣ tɛɛ. Pɔkɔŋ pawɩlɩ-mɩ tɔm ɛzaɣ́tʋ ndʋ́ tilesiɣ ɛyáa yɔ. Halɩ pɔkɔŋ kizuu ɖa-Wɩlɩyʋ sɔsɔ weyi ɛyabɩ pa-ñʋʋ yɔ. Pʋ-yɔɔ pɩtɩŋɩɣna nɛ asayʋʋ nakʋyʋ tudi-wɛ.

2 Pɩyɛ 2:17

Cɛtɩm tɔm wɩlɩyaa ḿbá, pɛwɛ ɛzɩ hila wena a-taa lɩm sɔwa yɔ. Pɛwɛ ɖɔɖɔ ɛzɩ ɛsɔmɩndʋ ndʋ́ heɣlim sɔsɔm kpakɩɣ pɩɖɛɣna yɔ. Cɩkpɛndʋʋ sɔsɔʋ kpemm taa Ɛsɔ ñɔɔzʋʋ-wɛ ɖɩjaɣyɛ.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!