Maatiyee 15:1 - New Testament

¹ Pʋwayɩ lɛ, Farɩsɩ ñɩma nɛ Yuda ñɩma paɣtʋ wɩlɩyaa palɩɩnɩ Yeruusalɛm nɛ powolo Yesu cɔlɔ nɛ pɔpɔzɩ-ɩ se:

Maatiyee 15:1 ပူးပေါင်းရင်းမြစ်များ

Maatiyee 23:2

«Paɣtʋ wɩlɩyaa nɛ Farɩsɩ ñɩma paɖʋwa se palɩzɩ-mɩ Mooyiizi paɣtʋ tɔbʋʋ.

Maatiyee 5:20

Mankaɖɩɣ-mɩ se yee ɩtala mbʋ́ Ɛsɔ liu wɛɛ yɔ nɛ pɩkɩlɩ paɣtʋ wɩlɩyaa nɛ Farɩsɩ ñɩma yɔ, ɩɩsʋʋ e-Kewiyaɣ taa wiɖiyi kaʋ.»

Maarkɩ 3:22

Yuda ñɩma paɣtʋ wɩlɩyaa mbá palɩnɩ Yeruusalɛm nɛ powolo Yesu cɔlɔ yɔ, pɔyɔɔdaɣnɩ ɖama se: «Aleewaa caa Belzeebuuli wɛ ɛ-wayɩ.» Lɛlaa se: «Aleewaa ḿbá pa-caa ɖoŋ ɛɖɔɔnʋʋnɩ aleewaa.»

Luka 5:17

Kɩyakʋ nakʋyʋ Yesu wɩlaɣ Ɛsɔtɔm. Farɩsɩ ŋgbɛyɛ taa ñɩma nɛ paɣtʋ wɩlɩyaa mbá palɩnɩ Galilee nɛ Yudee pɛ-tɛtʋ tɩŋa taa nɛ Yeruusalɛm yɔ, paacaɣ ɛ-cɔlɔ. Kɩpaɣlʋ ɖoŋ kɛwɛ ɛ-yɔɔ se ɛla nɛ kʋdɔndɩnaa yɔɔ cɛ.

Luka 5:21

Ɛlɛ́, paɣtʋ wɩlɩyaa nɛ Farɩsɩ ñɩma papazɩ miduu pe-liŋ tɛɛ nɛ pɔpɔzʋʋ ɖama se: «Ɛnɛ ɛkɛ anɩ nɛ ɛwɛɛkɩɣ Ɛsɔ hɩɖɛ ḿbʋ́? Apɩzɩɣ nɛ ekpeɣ kɩwɛɛkɩm nɛ pɩtasɩnɩ Ɛsɔ?»

Luka 5:30

Peeɖe pɩtɛkɛdɩnɩ Farɩsɩ ñɩma nɛ paɣtʋ wɩlɩyaa mbá pɛkɛ pɔ-hɔɔlʋʋ taa ñɩma yɔ nɛ pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma mɩ nɛ tikee mʋyaa nɛ kɩwɛɛkɩm laɖaa lɛlaa ɩkpɛndɩ ɩtɔkɩ nɛ ɩñɔʋ?»

Yohanɛɛsɩ 1:19

Yuda ñɩma ñʋndɩnaa kʋsɩ pɔ-cɔjɔnaa nɛ Leevi liɖe taa ñɩma nɛ Yeruusalɛm nɛ petiyi-wɛ se powolo pɔpɔzɩ Yohanɛɛsɩ se: «Ña lɛ anɩ?» Ɛlɛ́, ɛlɩzɩ aseɣɖe patɩŋa pɛ-ɛsɩndaa yem kpayɩ se: «Pɩtɛkɛ ma lɛ Weyi Ɛsɔ Lɩzaa Yɔ.»

Tʋma Labʋ 23:9

Peeɖe pasʋ you yɔɔ. Pɩkɛdaa lɛ, Farɩsɩ ñɩma hɔɔlʋʋ taa paɣtʋ wɩlɩyaa nabɛyɛ kʋyɩ nɛ pa nɛ wɛ pɔhɔŋnɩ ɖama tɔm nɛ pɔtɔ se: «Abalʋ ɛnɛ, ɖɩtana ɛ-kɩwɛɛkɩm nabʋyʋ kaʋ. Pʋtɔmaɣ yɔ, fezuu nakʋyʋ yaa Ɛsɔ tiyiyu nɔɔyʋ yɔɔdɩnɩnɩ-ɩ.»

Tʋma Labʋ 25:7

Pɔkɔnɩ-ɩ lɛ, Yuda ñɩma mbá paalɩnɩ Yeruusalɛm nɛ powolo yɔ, pɔcɔɔ-ɩ pata nɛ pakʋyɩ ɛ-yɔɔ siŋŋ nɛ tɔm sɔsɔtʋ. Ŋgʋ́, pa-maɣmaɣ pataapɩzɩɣ se pɔyɔɔdɩ nɛ pawɩlɩ se ndʋ́ pɔyɔɔdʋʋ yɔ tɩkɛ toovenim.