Maatiyee 14:31 - New Testament

³¹ Peeɖe Yesu tisezaa ɛkpa e-nesi taa nɛ ɛpɔzɩ-ɩ se: «Lidaʋ ñɩɩɩ tʋ ña! Pɩlabɩ ɛzɩma nɛ ŋpʋtʋʋ ña-taa ḿbʋ́?»

Maatiyee 14:31 ပူးပေါင်းရင်းမြစ်များ

Maatiyee 14:30

Ɛɖɔŋaɣ ḿbʋ́ lɛ, ɛna se heɣlim sɔsɔm makɩ nɛ sɔɔndʋ kpa-ɩ nɛ pɩcaɣ se pʋsʋzɩ-ɩ lɩm tɛɛ. Pʋ-yɔɔ ɛmabɩ kubuka se: «Kɩpaɣlʋ! Ya ma-ñʋʋ!»

Maatiyee 14:32

Peeɖe pakpa kpɩyʋʋ taa pa-naalɛ nɛ heɣlim yele mabʋ

Maatiyee 16:8

Yesu nɩ ḿbʋ́ lɛ, ɛpɔzɩ-wɛ se: «Lidaʋ ñɩɩɩ tɩnaa mɩ! Pɩlabɩ ɛzɩma nɛ ɩyɔɔdʋʋnɩ ɖama se ɩtakpaɣ tindine?

Maatiyee 17:20

Yesu cosi-wɛ se: «Mi-lidaʋ tatalɩ pʋyʋ yɔɔ ɩtapɩzɩ. Toovenim lɛ, mankaɖɩɣ-mɩ se: yee ɩɩwɛnɩ lidaʋ ɛzɩ piye nɖɩ́ ɖɩkɩlɩ kɔzʋʋ yɔ yɔ, ɩpɩzaɣ se iheyi pʋʋ kʋnɛ se: ‹Kpɛzɩ cɩnɛ nɛ ŋwolo ŋsɩŋ peeɖe yɔ!› Nɛ kɩla ḿbʋ́ ɖɔɖɔ. Halɩ nabʋyʋ fɛyɩ se ɩɩpɩzɩɣ ɩlabɩ-pʋ. [

Maatiyee 6:30

Lidaʋ pazɩ tɩnaa mɩ! Ɛsɔ tekizi haʋ ñɩtʋ ndʋ́ tɩwɛ hayɩm taa sɔnɔ nɛ cee pɔkɔŋ-tʋ ɖʋʋ miŋ taa yɔ ɖeu nɛ pɩcandɩnɩ mɩ na?

Maatiyee 8:26

Ɛlɛ́, ɛkʋyɩ nɛ ɛpɔzɩ-wɛ se: «Pɩlabɩ ɛzɩma nɛ sɔɔndʋ kpaɣ-mɩ ḿbʋ́? Mi-lidaʋ wɛ kpaagbaa ñɩɩɩ!» Ɛlɛ́, eholini heɣlim nɛ lɩm nɛ pɩhɛɛ pɩtɩŋa niɣ niɣ.

Maarkɩ 1:31

Peeɖe Yesu woba ɛ-cɔlɔ nɛ ɛ́ɖɔ́kɩ e-nesi taa ɛkʋsɩ-ɩ nɛ ɛ-kʋdɔŋ ŋ́gʋ́ kɩcɛ nɛ ɛkʋyɩ ɛha-wɛ lɩm.

Maarkɩ 1:41

Peeɖe kɔ-tɔm labɩ Yesu pʋtɔdɩyɛ pɩŋŋ nɛ ɛkʋsɩ e-nesi nɛ etukuni-kɛ nɛ eheyi-kɛ se: «Mentisaa, pɩsɩ ɛyʋ weyi ɛmʋnaa yɔ.»

Maarkɩ 11:23

Toovenim lɛ, meheyiɣ-mɩ se yee nɔɔyʋ eheyi pʋʋ kʋnɛ se: ‹Pʋʋ ña, kpɛzɩ nɛ ŋwolo ŋtɔlɩ teŋgu taa› nɛ yee ɛwɛnɩ lidaʋ se ndʋ́ ɛyɔɔdaa yɔ tɩlakɩ nɛ ɛtapʋtɩ ɛ-taa yɔ, pɩlakɩ ḿbʋ́ ɖɔɖɔ.

Maarkɩ 16:7

Iwolo iheyi Pɩyɛ nɛ Yesu tɔmkpɛlɩkɩyaa lɛlaa se ɛɖɛ-wɛ nɔɔ nɛ ewolo Galilee egeetiye taa. Peeɖe pamakɩnɩ-ɩ ɛzɩ eeheyuu-wɛ yɔ.»

Maarkɩ 4:40

Pʋwayɩ lɛ, ɛpɔzɩ ɛ-tɔmkpɛlɩkɩyaa se: «Pɩlabɩ ɛzɩma ɩwɛɛ sɔɔndʋ ḿbʋ́? Ɩfɛyɩnɩ lidaʋ mɔ-yɔɔ yaa we?»

Maarkɩ 5:41

Peeɖe Yesu ɖɔkɩ ke-nesi taa nɛ ɛtɔ se: «Taliita kum.» Pʋ-tɔbʋʋ se: «Pɩɣa ña! Meheyiɣ-ŋ se ŋkʋyɩ.»

Luka 24:34

nɛ pɔtɔŋ se: «Kɩpaɣlʋ fema toovenim nɛ ɛlɩzɩ ɛ-tɩ ɛwɩlɩ Siimɔɔ.»

Tʋma Labʋ 4:30

Wɩlɩ ño-ɖoŋ nɛ ŋla hama lakasɩ nɛ ŋwɩlɩ kawɩlɩsɩ nɛ kʋdɔndɩnaa yɔɔ cɛ. La ḿbʋ́ nɛ ña-tʋmlaɖʋ Yesu nɔɔ.»

1 Timootee 2:8

Pʋ-yɔɔ me-liu wɛɛ se abalaa ɛsɛɣ Ɛsɔ paa le lɛ, pakpazɩ pe-nesi ɛsɔdaa. Ɛlɛ́, kɩwɛɛkɩm nabʋyʋ ɛtaawɛɛ pɔ-yɔɔ. Nɔɔyʋ pana ɛtaakpanɩ lɛlʋ, you ɛtaawɛɛ ɖɔɖɔ.

1 Pɩyɛ 1:5

Mbá mɩ ɩwɛnɩ lidaʋ Krɩstʋ yɔɔ yɔ, Ɛsɔ huuzi mɩ-yɔɔ nɛ e-ɖoŋ se ihiɣ ñʋʋ yabʋ. Ɛtɛm ɖaŋʋʋ kpam se ɛwɩlɩ-pʋ ɛyáa kɛtɛzaɣ alɩwaatʋ taa.