Maatiyee 14:19 - New Testament

¹⁹ Powonaa lɛ, eheyi ɛyáa tɩŋa payɩ se pacaɣ ñɩtʋ yɔɔ. Peeɖe ɛkpaɣ tindine hɔɔlasɩ kagbaanzɩ ńzɩ́ nɛ kpakpasɩ ńzɩ́ sɩ-naalɛ nɛ ɛkpazɩ ɛ-ɛsɛ ɛsɔdaa nɛ ɛsɛɛ pʋ-yɔɔ Ɛsɔ nɛ ɛcɛdɛlɩ nɛ ɛcɛlɩ ɛ-tɔmkpɛlɩkɩyaa nɛ patayɩ ɛyáa tɩŋa payɩ

Maatiyee 14:19 ပူးပေါင်းရင်းမြစ်များ

Maatiyee 14:18

Ɛlɛ́, Yesu cosi-wɛ se: «Ɩkɔnɩ-m kpakpasɩ ńzɩ́ nɛ tindine hɔɔlasɩ ńzɩ́.»

Maarkɩ 6:39

Peeɖe Yesu heyi-wɛ se: «Iheyi ɛyáa tɩŋa se pacaɣ tataa ñɩtʋ yɔɔ cabɩ cabɩ.»

Maarkɩ 6:41

Ɛlɛ́, Yesu kpaɣ tindine hɔɔlasɩ kagbaanzɩ ńzɩ́ nɛ kpakpasɩ ńzɩ́ sɩ-naalɛ nɛ ɛkpazɩ ɛsɛ ɛsɔdaa nɛ ɛsɛɛ Ɛsɔ pʋ-yɔɔ. Pʋwayɩ lɛ, ɛcɩyɩ nɛ ɛcɛlɩ ɛ-tɔmkpɛlɩkɩyaa se patayɩ ɛyáa tɩŋa.

Maarkɩ 7:34

Ɛtɛma lɛ, ɛkpazɩ ɛ-ɛsɛ ɛsɔdaa nɛ emuzi nɛ ɛtɔ se: «Efata.» Pʋ-tɔbʋʋ se: «Tʋlɩ.»

Luka 22:17

Peeɖe ɛkpaɣ sʋlʋm nɛ caɖaɣ nɛ ɛsɛɛ pʋ-yɔɔ Ɛsɔ nɛ ɛcɛlɩ-wɛ se: «Ɩmʋ-pʋ nɛ ɩtayɩ ɖama nɛ ɩñɔɔ.»

Luka 22:19

Pʋwayɩ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ se: «Pʋnɛ lɛ mon-tomnaɣ [ŋgá paha mɩ-yɔɔ yɔ. Ɩmʋ ɩtɔɔ nɛ ɩtɔzʋʋnɩ mɔ-yɔɔ.»

Luka 24:30

Pɩkɛdaa lɛ, ɛ nɛ wɛ pacaɣ tɔɔnaɣ ɖɩtɔɔyɛ nɛ ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ.

Luka 9:14

Ŋgʋ́, abalaa katalɩ ɛzɩ kudokiŋ kagbaanzɩ yɔ. Ɛlɛ́, Yesu heyi ɛ-tɔmkpɛlɩkɩyaa se: «Iheyi ɛyáa ḿbá se pacaɣ cabɩ cabɩ ɛzɩ nɩɩnʋwa nɩɩnʋwa yɔ.»

Luka 9:16

Pʋwayɩ lɛ, Yesu kpaɣ tindine hɔɔlasɩ kagbaanzɩ ńzɩ́ nɛ kpakpasɩ ńzɩ́ sɩ-naalɛ nɛ ɛkpazɩ ɛ-ɛsɛ ɛsɔdaa nɛ ɛsɛɛ pʋ-yɔɔ Ɛsɔ nɛ ɛcɩyɩ nɛ ɛcɛlɩ ɛ-tɔmkpɛlɩkɩyaa se patayɩ ɛyáa samaɣ ŋ́gá.

Yohanɛɛsɩ 11:41

Peeɖe patʋlɩ pɩyɛ. Ɛlɛ́, Yesu kpazɩ ɛ-ɛsɛ ɛsɔdaa nɛ ɛtɔ se: «Caa! Mansaŋ-ŋ ɛzɩma mbʋ́ ŋnɩnɩ-m yɔ pʋ-yɔɔ.

Yohanɛɛsɩ 6:23

Ɛlɛ́, kpɩyɩŋ lɛɛŋ ñaalɩnɩ Tiberiyaadɩ tɛtʋ taa nɛ ɩtalɩ ɖenɖe Kɩpaɣlʋ kasam Ɛsɔ tindine yɔɔ nɛ pɔtɔɔ-ɖɩ yɔ.

Tʋma Labʋ 27:35

Pɔɔlɩ tɛm yɔɔdʋʋ ḿbʋ́ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ patɩŋa pɛ-ɛsɩndaa nɛ ɛcɩyɩ-ɖɩ nɛ ɛpazɩ tɔɔʋ.

Room 14:6

Weyi ɛmaɣzɩɣ se kɩyakʋ nakʋyʋ kɩlɩ lɛɛŋ yɔ, ɛlakɩ ḿbʋ́ se ɛɖʋ Kɩpaɣlʋ hɩɖɛ. Weyi ɛ́lɛ́ tɔkɩ paa tɔɔnaɣ ŋgá yɔ, ɛcaɣ ɖɔɖɔ se ɛɖʋ Kɩpaɣlʋ hɩɖɛ. Mbʋ́ pʋyɔɔ yɔ, ɛsaŋ Ɛsɔ tɔɔnaɣ ŋgá ɛtɔwaa yɔ kɔ-yɔɔ. Weyi ɛɛtɔkɩ tɔɔnasɩ nasɩyɩ yɔ, ɛlakɩ ḿbʋ́ se ɛɖʋ Kɩpaɣlʋ hɩɖɛ ɖɔɖɔ. Ɛsaŋ ɖɔɖɔ Ɛsɔ tɔɔnaɣ ŋgá ɛtɔwaa yɔ kɔ-yɔɔ.

1 Kɔrɛntɩ 10:16

Kpɛndʋʋ caɖaɣ ŋgá ɖɩsɛɣ kɔ-yɔɔ Ɛsɔ yɔ, kaakpɛndɩɣ ɖa nɛ Krɩstʋ calɩm alɩwaatʋ ndʋ́ ɖɩñɔʋ-kɛ yɔ yaa we? Nɛ tindine nɖɩ́ ɖɩcɩyɩɣ yɔ, ɖɩɩkpɛndɩɣ ɖa nɛ Krɩstʋ tomnaɣ alɩwaatʋ ndʋ́ ɖɩtɔkɩ-ɖɩ yɔ yaa we?

1 Kɔrɛntɩ 10:31

Pʋ-yɔɔ lɛ, paa ɛbɛ ɩtɔkɩ yaa ɩñɔʋ yaa ɩlakɩ yɔ, ɩla pɩtɩŋa payɩ se Ɛsɔ hɩɖɛ ɛsɛɛ.

1 Kɔrɛntɩ 11:24

nɛ ɛsɛɛ ɖɩ-yɔɔ Ɛsɔ lɛ, ɛcɩyɩ-ɖɩ nɛ ɛtɔ se: «Pʋnɛ lɛ mon-tomnaɣ ŋgá paha mɩ-yɔɔ yɔ. Ɩtɔɔ-ɖɩ nɛ ɩtɔzʋʋnɩ mɔ-yɔɔ.»

Koloosi 3:17

Đɔɖɔ lɛ, mbʋ́ pɩtɩŋa payɩ ɩlakɩ yaa ndʋ́ ɩyɔɔdʋʋ yɔ, ɩlabɩ-pʋ Kɩpaɣlʋ Yesu yɔɔ nɛ pɩtɩŋnɩ ɛ-yɔɔ nɛ ɩsa Caa Ɛsɔ.