Maatiyee 14:13 - New Testament

¹³ Yesu nɩ ḿbʋ́ lɛ, ewolo ɛkpa kpɩyʋʋ taa se ɛkɛsɩ ɛ-tɩ ɖenɖe ɛyáa fɛyɩ yɔ. Ɛlɛ́, ɛyáa samaɣ tɛm nɩʋ. Peeɖe palɩ tɛtʋ ndɩ ndɩ taa nɛ pɔcɔlʋʋ teŋgu nɔɔ se pakatɩ-ɩ ɖenɖe ewoki yɔ.

Maatiyee 14:13 ပူးပေါင်းရင်းမြစ်များ

Maatiyee 10:23

Yee pɛwɛ mɩ-wayɩ kaŋ kaŋ tɛtʋ natʋyʋ taa lɛ, ise nɛ iwolo lɛɛtʋ taa. Toovenim lɛ, meheyiɣ-mɩ se ɩɩtɛŋ cɔʋ Izrɛɛlɩ tɛtʋ tɩŋa payɩ nɛ pʋcɔ Ɛyʋ Pɩyalʋ kɔɔ.

Maatiyee 12:15

Pɩkɛdaa lɛ, Yesu nɩɩ se pacaɣ pakʋ-ɩ. Pʋ-yɔɔ ɛkʋyɩ peeɖe nɛ etuzi ɛ-tɩ nɛ ɛyáa sakɩyɛ tɩŋ ɛ-wayɩ nɛ ɛla nɛ kʋdɔndɩnaa tɩŋa yɔɔ cɛ.

Maatiyee 14:12

Peeɖe Yohanɛɛsɩ tɔmkpɛlɩkɩyaa woba pakpaɣ-ɩ nɛ pepi. Pɛtɛm-ɩ pim lɛ, powolo pɛkɛdɩ Yesu mbʋ́ pɩlaba yɔ.

Maarkɩ 1:35

Yesu fem kajalaɣ kalɩmaŋ kou nɛ ɛlɩɩ lɛ, ewolo ɖenɖe ɛyáa fɛyɩ yɔ nɛ ɛpazɩ Ɛsɔ sɛʋ.

Luka 4:42

Tɛʋ tɩfema lɛ, Yesu lɩɩ ewolo lakʋ taa. Peeɖe ɛyáa samaɣ pazɩ-ɩ ñɩnʋʋ. Pana-ɩ lɛ, powolo ɛ-cɔlɔ nɛ palaɣzɩɣ-ɩ se ɛtaaɖɛɛ.