Maatiyee 13:54 - New Testament

⁵⁴ nɛ ewolo tɛtʋ ndʋ́ tɩ-taa ɛɛcaɣaɣ nɛ ɛpaɣlɩ yɔ nɛ ɛwɩlɩɣ ɛyáa Ɛsɔtɔm Ɛsɔ ɖɩsɛyɛ taa. Peeɖe pɩɖɩɣzɩ mbá patɩŋa pɛwɛ peeɖe yɔ nɛ pɔtɔŋ se: «Le ɛnɛ ɛlɩ lɔŋ ɛnʋ ɛ-yɔɔ? Ɛzɩma ɛlakɩ hama lakasɩ sɩnɛ ḿbʋ́?

Maatiyee 13:54 ပူးပေါင်းရင်းမြစ်များ

Maatiyee 2:23

nɛ ɛcaɣ tɛtʋ ndʋ́ payaɣ se Nazarɛɛtɩ yɔ tɩ-taa. Pɩlabɩ ḿbʋ́ se tɔm ndʋ́ náyaa kɔyɔɔdaa yɔ, tɩla. Ńdʋ́ lɛ se: «Pɔkɔŋ pɩɣa ŋ́gá yaʋ se Nazarɛɛtɩ tʋ.»

Maatiyee 4:23

Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 7:28

Yesu tɛm ɛ-tɔmkpɛlɩkɩyaa sakɩyɛ yɔɔdɩnaʋ ḿbʋ́ lɛ, pɩlabɩ-wɛ piti pɩŋŋ nɛ ɛzɩma mbʋ́ ɛwɩlaɣ-wɛ yɔ.

Luka 2:47

Ɛyáa mbá paawɛ peeɖe nɛ pewelesiɣ yɔ, panɩ ḿbʋ́ lɛ, pɩla patɩŋa piti nɛ ɛ-lɛɣtʋ nɛ ɛ-tɔm cosuu.

Yohanɛɛsɩ 1:11

Ɛkɔm ɛ-maɣmaɣ ɛ-tɛ, ɛlɛ́, ɛ-ñɩma tamʋ-ɩ.

Tʋma Labʋ 13:46

Peeɖe ɛ nɛ Barnaabaasɩ peheyi-wɛ kpayɩ se: «Mɩ pɩɩmʋnaa se ɖɩlɛyɩnɩ Ɛsɔtɔm heyuu nɛ pʋcɔ. Ɛlɛ́, ɖenɖe ikizi-tʋ nɛ ɩmaɣzɩɣ se ɩtamʋnɩ se ihiɣ wezuu maatɛŋ yɔ, ɖiyeki-mɩ ɖiwolo mbá pɛtɛkɛ Yuda ñɩma yɔ pɔ-cɔlɔ.

Tʋma Labʋ 4:13

Tɔm hʋyaa na ɛzɩma mbʋ́ Pɩyɛ nɛ Yohanɛɛsɩ pɔyɔɔdaɣnɩ abalɩtʋ ḿbʋ́ yɔ lɛ, pɩɖɩɣzɩ-wɛ ɖɩɣ ɖɩɣ. Mbʋ́ pʋyɔɔ yɔ, panawa se pɛkɛ ɛyáa yem, pɛ-ɛsɛ tokuli. Ɛlɛ́, paasɩm-wɛ se pa nɛ Yesu paawɛna.