Maatiyee 13:38 - New Testament

³⁸ Hayɩm lɛ kedeŋa. Đomaɣ kɩbaŋga lɛ Ɛsɔ Kewiyaɣ taa ñɩma. Piyele ñɩyʋʋ ɛzaɣ́ʋ lɛ mbá patɩŋɩɣ Satanɩ wayɩ yɔ.

Maatiyee 13:38 ပူးပေါင်းရင်းမြစ်များ

Maatiyee 13:19

mbá panɩɣ pɔyɔɔdʋʋ Ɛsɔ Kewiyaɣ tɔm yem nɛ paanɩɣ tɩ-tɔbʋʋ yɔ, pɛwɛ ɛzɩ nʋmɔʋ nɔɔ ɖenɖe pee tɔlaa yɔ. Satanɩ kɔŋ ɛhɔɔzɩ-tʋ pa-taa.

Maatiyee 24:14

Pɔkɔŋ susuu Ɛsɔ Kewiyaɣ Laŋhɛzɩyɛ Tɔm kedeŋa kpeekpe nɛ pɩkɛnɩ aseɣɖe ajɛya tɩŋa payɩ. Pʋwayɩ lɛ, kedeŋa tɛ.»

Maatiyee 5:37

Yee nabʋyʋ ɛkɛ toovenim yɔ, ɩtɔ yem se: ‹Ɛɛɛ!› Yee pɩtɛkɛ toovenim yɔ, ɩtɔ yem se: ‹Aayɩ!› Yee ɩtasɩ natʋyʋ sɔzʋʋ yɔ, tʋtʋ kɛnɩ Satanɩ ñɩndʋ.»

Maatiyee 8:12

Ɛlɛ́, mbá pɩɩwɛɛ se pɛkɛ Ɛsɔ Kewiyaɣ taa ñɩma yɔ, pɔlɔʋ-wɛ nɛ awayɩ cɩkpɛndʋʋ taa. Peeɖe pewiliɣ nɛ pasalɩ pe-kela.»

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Yohanɛɛsɩ 12:24

Toovenim lɛ, mankaɖɩɣ-mɩ se: yee potoɖuu mɩɖɛ piye nɛ ɖɩsɩ yɔ, ɖɩwɛɣ ɖi-ɖeke ḿbʋ́. Ɛlɛ́, yee poɖu-ɖɩ nɛ ɖɩsɩ yɔ, ɖɩlʋlʋʋ pee sakɩyɛ.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Tʋma Labʋ 13:10

nɛ eheyi-i se: «Cɛtɩyʋ ña, ŋcɛtɩɣ ɛyáa tɩŋa! Kañadʋ ña weyi ŋŋcaɣ se ŋna pʋyʋ kʋtʋʋzʋ ñɛ-ɛsɩndaa kpem yɔ! Đooye ŋcaɣ se ŋyele Kɩpaɣlʋ nɩmaŋ wɛɛkʋʋ?

Room 10:18

Ḿbʋ́ mɔnpɔzʋʋ se: Yuda ñɩma tanɩɩ tɔm ńdʋ́ yaa we? Panɩ-tʋ. Ḿbʋ́ pama Ɛsɔtɔm Takayaɣ taa se: «Ɛyáa nɩ pa-taŋ paa le kedeŋa yɔɔ, nɛ halɩ ndʋ́ pɔyɔɔdaa yɔ, tɩtalɩ ɖooo kedeŋa tɩnaɣ yɔɔ.»

Room 16:26

Lɛɛlɛɛyɔ pɩtɩŋnɩ tɔm ndʋ́ náyaa mawa yɔ tɩ-yɔɔ nɛ pukuli tɩ-yɔɔ nɛ kedeŋa yɔɔ ɛyáa kpeekpe tɩlɩ-tʋ ɛzɩ ɛnʋ Ɛsɔ weyi ɛwɛ tam yɔ ɛɖʋʋ yɔ. Pɩlabɩ ḿbʋ́ se pɛwɛnɩ lidaʋ Ɛsɔ yɔɔ nɛ pañam-ɩ.

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

Koloosi 1:6

Laŋhɛzɩyɛ Tɔm ńdʋ́, tɩtalɩ mɩ-tɛ ɛzɩ tɩcɔʋ kedeŋa kpeekpe yɔɔ ɛyáa cɔlɔ nɛ tɩlabɩ-wɛ tʋmɩyɛ siŋŋ yɔ. Ḿbʋ́ ɖɔɖɔ tɩlabɩ-mɩ tʋmɩyɛ kpaɣ ɖooo kɩyakʋ ŋgʋ́ ɩnɩ Ɛsɔ lootiye tɔm nɛ ɩtɩlɩ-ɖɩ kpem yɔ.

Yakubu 1:18

Ɛ-maɣmaɣ ɛsɔɔlɩna nɛ ɛtɩŋnɩ toovenim tɔm yɔɔ nɛ ɛha-ɖʋ wezuu se ɖɩkɛ kajalaɣ ñɩma, mbʋ́ mbʋ́ ɛlaba yɔ pɩ-taa.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

1 Pɩyɛ 1:23

Mbʋ́ pʋyɔɔ yɔ, Ɛsɔtɔm ndʋ́ tɩwɛ tam nɛ tɩlakɩ ɛyáa tʋmɩyɛ yɔ, tɩ-yɔɔ pɩtɩŋnaa nɛ ihiɣ wezuu kɩfalʋʋ. Ḿbʋ́ pɩtɩŋnɩ mbʋ́ pɩɩsɩkɩ kaʋ yɔ pʋ-yɔɔ nɛ ihiɣ wezuu.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.

Wɩlʋʋ 14:6

Pʋwayɩ lɛ, mana Ɛsɔ tiyiyu lɛlʋ, ɛkʋyaɣ ɖooo ɛsɔdaa. Ɛɛwɛnɩ Laŋhɛzɩyɛ Tɔm ndʋ́ tɩwɛ tam yɔ se esusuu kedeŋa yɔɔ ɛyáa nɛ ajɛya tɩŋa nɛ cejewee tɩŋa nɛ kʋnʋmɩŋ tɩŋa nɛ samaɣ tɩŋa.