Maatiyee 13:23 - New Testament

²³ Piyele lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ panɩɣ tɩ-tɔbʋʋ. Ḿbá wɛnɩ ɛzɩ tɩŋ weyi ɩlʋlɩ pee yɔ: lɛɛkʋ yɔɔ mɩnʋʋ nɛ lɛɛkʋ yɔɔ nɩɩnʋwa nɛ hiu nɛ lɛɛkʋ yɔɔ niidozo.»

Maatiyee 13:23 ပူးပေါင်းရင်းမြစ်များ

Maatiyee 12:33

Yesu tasɩ-wɛ heyuu se: «Yee tɩʋ ɛkɛ kɩbaŋgʋ yɔ, kʋlʋlʋʋ pee kɩbana. Yee kɩkɛ ɛzaɣ́ʋ yɔ, kʋlʋlʋʋ pee azaɣ́a: pasɩŋ paa tɩʋ ŋgʋ́ nɛ ki-pee.

Maatiyee 13:8

Piyele lɛɛna ñɔtɔlɩ tɛtʋ kɩbandʋ taa, alɛ ñɔ nɛ pɩpaɣlɩ tɩŋ nɛ ɩlʋlɩ. Tɩʋ lɛɛkʋ lʋlɩ pee mɩnʋʋ nɛ lɛɛkʋ nɩɩnʋwa nɛ hiu nɛ lɛɛkʋ niidozo.»

Maatiyee 3:10

Peeɖe etuu-wɛ eduuye se: «Halɩ pɛtɛm kpaɣʋ laɖɩyɛ se pɛsɛtɩɣ tɩŋ nɛ ɩ-tɛɛ: tɩʋ ŋgʋ́ kɩɩlʋlʋʋ pee kɩbana yɔ, pɛsɛtɩɣ-kʋ nɛ paɖʋ miŋ taa.»

Maatiyee 3:8

Ɩla lakasɩ nzɩ́ sɩwɩlɩɣ se ɩlɛɣzɩ wɛtʋ yɔ.

Maarkɩ 10:15

Toovenim lɛ, meheyiɣ-mɩ se yee nɔɔyʋ etetisi ɛzɩ piya cikpesi tisuu se Ɛsɔ tɔkɩnɩ kewiyaɣ yɔ yɔ, ɛɛsʋʋ Ɛsɔ Kewiyaɣ taa.»

Maarkɩ 4:20

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa nɛ añɔ nɛ pɩpaɣlɩ tɩŋ nɛ ɩlʋlɩ pee yɔ: lɛɛkʋ lʋlɩ pee niidozo, lɛɛkʋ nɩɩnʋwa nɛ hiu nɛ lɛɛkʋ mɩnʋʋ. Panɩ Ɛsɔtɔm nɛ pɔ́ɖɔ́kɩ-tʋ camɩyɛ nɛ pʋwazɩ ɛyáa.»

Luka 13:9

Pʋtɔmaɣ yɔ, cee wayɩ kʋlʋlʋʋ. Yee kɩtalʋlɩ lɛ, ŋsɛtɩ-kʋ.› »

Luka 8:15

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ hɔyɛ kɩbanɖɛ nɛ pamʋ-tʋ nesi naalɛ nɛ pañaɣ pana pɔɖɔ tɩ-yɔɔ nɛ tɩwɛɛ-wɛ kɛzɛɣa.»

Luka 8:8

Pee lɛɛna ñɔtɔlɩ tɛtʋ kɩbandʋ taa, alɛ ñɔ nɛ apaɣlɩ tɩŋ nɛ paa ŋgʋ́ kʋlʋlɩ pee mɩnʋʋ.» Yesu tɛm-wɛ tuuu eduuye lɛ, eholini-wɛ se: «Weyi ɛwɛnɩ nɩŋgbaaŋ lɛ, ɛnɩɩ.»

Yohanɛɛsɩ 15:16

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Yohanɛɛsɩ 8:47

Weyi ɛkɛ Ɛsɔ ñɩnʋ yɔ, ewelesiɣ ɛ-tɔm. Ɛlɛ́, mɩ mɩtɛkɛ ɛ-ñɩma, pʋ-yɔɔ iiwelesiɣ ɛ-tɔm.»

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

Tʋma Labʋ 17:11

Peeɖe Yuda ñɩma lɩmaɣza kɛwɛ ɖeu nɛ pɩkɩlɩ Tesalooniki ñɩma, mbʋ́ pʋyɔɔ yɔ, paatisi Ɛsɔtɔm nɛ pa-laŋɩyɛ tɩŋa pilim. Paa ɖooye pañɩnaɣ Ɛsɔtɔm Takayaɣ taa se pana se tɔm ndʋ́ Pɔɔlɩ yɔɔdʋʋ yɔ, tɩkɛ toovenim na.

2 Kɔrɛntɩ 9:10

Ɛsɔ cɛlɩɣnɩ haɖʋ ɖomaɣ se eɖuu nɛ ɛhaɣ-ɩ tɔɔnaɣ se ɛtɔɔ. Ɛnʋ kɔŋnɩ-mɩ cɛlʋʋ ɖɔɖɔ mbʋ́ pɩtɩŋa payɩ pʋpɔzʋʋ-mɩ yɔ. Eyeki nɛ puhuu nɛ mɩ-camɩyɛ lakasɩ tɛzɩ ɖɔʋ.

Filiipu 1:11

nɛ ɛ-lakasɩ kʋtʋʋzasɩ tɛzɩ ɖɔʋ mɩ-taa nɛ siyele pasa Ɛsɔ nɛ paɖʋ-ɩ hɩɖɛ.

Filiipu 4:17

Pɩtɛkɛ se me-liu wɛ haɖɛ yɔɔ mɔyɔɔdʋʋ ḿbʋ́. Ɛlɛ́, mañɩnɩɣ se pɩsɛɛ-mɩ nɛ mɩ-ñɩm huúu Ɛsɔ cɔlɔ.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

Koloosi 1:6

Laŋhɛzɩyɛ Tɔm ńdʋ́, tɩtalɩ mɩ-tɛ ɛzɩ tɩcɔʋ kedeŋa kpeekpe yɔɔ ɛyáa cɔlɔ nɛ tɩlabɩ-wɛ tʋmɩyɛ siŋŋ yɔ. Ḿbʋ́ ɖɔɖɔ tɩlabɩ-mɩ tʋmɩyɛ kpaɣ ɖooo kɩyakʋ ŋgʋ́ ɩnɩ Ɛsɔ lootiye tɔm nɛ ɩtɩlɩ-ɖɩ kpem yɔ.

1 Tesalooniki 4:1

Taabalaa! Đɩɩkpɛlɩkɩ-mɩ ɛzɩma mbʋ́ pʋwɛɛ se ɩɖɔ nɛ pɩkɛdɩnɩ Ɛsɔ yɔ. Paa pɩɩla ɛzɩma, ḿbʋ́ ɩɖɔŋ. Ɛlɛ́, tɔm ndʋ́ ɖɩtɛzɩɣnɩ-mɩ yɔ lɛ se ɖɩsazɩɣ-mɩ nɛ ɖiheyiɣ-mɩ ɖa nɛ Kɩpaɣlʋ Yesu ɖɛ-kpɛndʋʋ taa se: ɩla nɛ pɩkɩlɩ ḿbʋ́!

2 Tesalooniki 2:10

Ɛkɔŋ tɩŋnaʋ kɩdɛkɛdɩm ndɩ ndɩ tɩŋa yɔɔ nɛ eyili mbá pɔkɔŋ lebu yɔ. Mbʋ́ pʋyɔɔ yɔ, pɔtɔsɔɔlɩ toovenim tɔm ndʋ́ pɩɩwɛɛ se tɩya pa-ñʋʋ yɔ.

Ebree 4:2

Peheyi-ɖʋ Laŋhɛzɩyɛ Tɔm ɖɔɖɔ ɛzɩ paaheyuu mbá paawɛ lakʋ taa yɔ. Ɛlɛ́, tɔm ndʋ́ panɩwa yɔ, tɩtawazɩ-wɛ pʋyʋ, mbʋ́ pʋyɔɔ yɔ, mbá panɩ-tʋ yɔ, pataawɛnɩ lidaʋ tɩ-yɔɔ.

Ebree 6:7

Toovenim lɛ, yee tɛʋ ɛnɩ hayɩm nabʋyʋ taa camɩyɛ nɛ tɔɔnaɣ la yɔ, pʋwazɩ mbá pɔ-yɔɔ pahayɩ-kɛ yɔ. Ɛsɔ wazɩɣ hayɩm ḿbʋ́ pʋ-yɔɔ.

Ebree 8:10

Kɩpaɣlʋ tasɩ yɔɔdʋʋ se: Ɩɩnaɣ nɔɔ haʋ mbʋ́ mɔnkɔŋ ɖʋʋ ma nɛ Izrɛɛlɩ ñɩma ɖɛ-hɛkʋ taa kɩyakɩŋ ɩnʋ ɩ-wayɩ yɔ. Manɖʋʋ man-paɣtʋ pa-lɩmaɣza taa. Mamaɣ-tʋ ɖɔɖɔ pa-laŋa taa. Mɛnkɛɣ pɛ-Ɛsɔ nɛ ḿbá kɛ ma-ñɩma.

2 Pɩyɛ 3:18

Ɛlɛ́, pʋwɛɛ se ɩɖɛɛnɩ ɛsɩndaa lootiye nʋmɔʋ taa nɛ ɩtɛzɩ sɩm ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ. Pasam-ɩ kpaɣ lɛɛlɛɛyɔ nɛ paa ɛzɩmtaa. Pɩla ḿbʋ́!

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.