Maatiyee 13:19 - New Testament

¹⁹ mbá panɩɣ pɔyɔɔdʋʋ Ɛsɔ Kewiyaɣ tɔm yem nɛ paanɩɣ tɩ-tɔbʋʋ yɔ, pɛwɛ ɛzɩ nʋmɔʋ nɔɔ ɖenɖe pee tɔlaa yɔ. Satanɩ kɔŋ ɛhɔɔzɩ-tʋ pa-taa.

Maatiyee 13:19 ပူးပေါင်းရင်းမြစ်များ

Maatiyee 12:26

Ḿbʋ́ ɖɔɖɔ yee Satanɩ ɛɖɔɔnʋʋ aleewaa yɔ, pʋbʋ ɛlakɩ you nɛ ɛ-maɣmaɣ ɛ-tɩ. E-kewiyaɣ ɛɛpɩzɩɣ katasɩ wɛʋ ɖɔɖɔ.

Maatiyee 13:20

Lɛlaa ñɛwɛ ɛzɩ ɛwaɣ yɔɔ ɖenɖe pee tɔlaa yɔ. Paba nɩ Ɛsɔtɔm lɛ, petisi-tʋ kpaagbaa nɛ laŋhʋlʋmɩyɛ.

Maatiyee 13:38

Hayɩm lɛ kedeŋa. Đomaɣ kɩbaŋga lɛ Ɛsɔ Kewiyaɣ taa ñɩma. Piyele ñɩyʋʋ ɛzaɣ́ʋ lɛ mbá patɩŋɩɣ Satanɩ wayɩ yɔ.

Maatiyee 4:23

Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 5:37

Yee nabʋyʋ ɛkɛ toovenim yɔ, ɩtɔ yem se: ‹Ɛɛɛ!› Yee pɩtɛkɛ toovenim yɔ, ɩtɔ yem se: ‹Aayɩ!› Yee ɩtasɩ natʋyʋ sɔzʋʋ yɔ, tʋtʋ kɛnɩ Satanɩ ñɩndʋ.»

Maarkɩ 4:15

Ɛyáa nabɛyɛ wɛɛ, panɩɣ Ɛsɔtɔm ńdʋ́ lɛ, Satanɩ tɩŋ ɛhɔɔzɩ-tʋ pa-taa. Ḿbá wɛna ɛzɩ nʋmɔʋ nɔɔ ɖenɖe pee tɔlaa yɔ.

Luka 10:9

Ɩla nɛ kʋdɔndɩnaa mbá pɛwɛ peeɖe yɔ pɔ-yɔɔ cɛ nɛ iheyi-wɛ se Ɛsɔ Kewiyaɣ talɩ mɩ-cɔlɔ kpam.

Luka 9:2

Pʋwayɩ lɛ, etiyi-wɛ se powolo posusi Ɛsɔ Kewiyaɣ tɔm nɛ pala nɛ kʋdɔndɩnaa yɔɔ cɛ.

Yohanɛɛsɩ 18:38

Peeɖe Pilaatɩ pɔzɩ-ɩ se: «Ɛbɛ ŋtɩɩyaɣ kpem se toovenim?» Pilaatɩ tɛm Yesu pɔzʋʋ ḿbʋ́ lɛ, ɛtasɩ lɩʋ Yuda ñɩma cɔlɔ nɛ ɛkaɖɩ-wɛ se: «Ma lɛ, maanaɣ mbʋ́ pʋ-yɔɔ pʋpɔzʋʋ se pakʋ abalʋ ɛnɛ ɛ-tɔm yɔ.

Yohanɛɛsɩ 8:43

Pɩlabɩ ɛzɩma nɛ ɩɩnɩɣ tɔm ndʋ́ meheyiɣ-mɩ yɔ tɩ-tɔbʋʋ? Pʋwɛ ḿbʋ́, mbʋ́ pʋyɔɔ yɔ, ɩɩpɩzɩɣ iwelesi mɔn-tɔm.

Tʋma Labʋ 17:32

Mbá pɛwɛ peeɖe yɔ, panɩ Pɔɔlɩ yɔɔdaɣ sɩɖaa fem tɔm ḿbʋ́ lɛ, pa-taa lɛlaa woŋ-i nɛ lɛlaa ñɔtɔŋ se: «Wiɖiyi lɛ, ŋŋtasɩ kɔm nɛ ŋheyi-ɖʋ-tʋ.»

Tʋma Labʋ 18:15

Ɛlɛ́, ɖenɖe pɩkɛnɩ tɔm hɔm yem tɔm pee nɛ hɩla nɛ mɩ-maɣmaɣ mɩ-paɣtʋ pɔ-yɔɔ yɔ, mɩ-cɔlɔ lɛ. Maahʋʋ pɩtɛ tɔm ńdʋ́!»

Tʋma Labʋ 20:25

Lɛɛlɛɛyɔ, manawa se mbá mɩ mɩtɩŋa payɩ mɔnkɔm mɩ-hɛkʋ taa nɛ monsusi Ɛsɔ Kewiyaɣ tɔm yɔ, mɩ-taa nɔɔyʋ ɛɛtasɩɣ naʋ mɛ-ɛsɩbiye taa kaʋ.

Tʋma Labʋ 28:23

Peeɖe Pɔɔlɩ nɛ ɛyáa ḿbá paɖʋ kɩyakʋ se pakatɩ ɖama. Pɩtalɩ ki-wiye lɛ, powolo sakɩyɛ ɛ-tɛ nɛ ɛkɛdɩ-wɛ Ɛsɔ Kewiyaɣ tɔm wɩsɩ nɛ sikpem: ɛtɩŋaɣnɩ Mooyiizi paɣtʋ nɛ náyaa takayɩsɩ taa tɔm pɔ-yɔɔ nɛ ɛñɩnɩɣ se petisi Yesu tɔm.

Room 1:28

Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

Room 14:17

Mbʋ́ pʋyɔɔ yɔ, Ɛsɔ Kewiyaɣ tɔm tɛkɛ tɔɔnaɣ nɛ sʋlʋm pa-ñɩndʋ. Ɛlɛ́, pɩkɛ mbʋ́ Fezuu Kiɖeɖeu haɣ yɔ. Ḿbʋ́ yɔ: tʋʋzʋʋ nɛ laŋhɛzɩyɛ nɛ laŋhʋlʋmɩyɛ.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

2 Tesalooniki 2:12

Pɩlakɩ ḿbʋ́ se pahʋʋnɩ mbá patɩŋa payɩ petetisi toovenim tɔm nɛ panɩɩnɩ mbʋ́ pɩtatʋʋzɩ yɔ.

Ebree 2:1

Pʋyɔɔ pʋwɛɛ se ɖɛ-ɛsɩyɛ ɛsɛɛnɩ tɔm ndʋ́ ɖɩnɩwa yɔ nɛ pɩkɩlɩ ɛzɩ pɩtɩɩ yɔ nɛ ɖɩtaakɔɔ ɖile nʋmɔʋ.

1 Yohanɛɛsɩ 3:12

Pɩtamʋnɩ se ɖɩwɛɛ ɛzɩ Satanɩ ñɩnʋ Kayɛnɩ weyi ɛkʋ e-neu yɔ. Ɛkʋ-ɩ, mbʋ́ pʋyɔɔ yɔ, e-neu lakasɩ tʋʋzaa nɛ ɛnʋ ñɩnzɩ fɛyɩ ɖeu.

1 Yohanɛɛsɩ 5:18

Đɩnawa se paa Ɛsɔ pɩɣa ŋgá, kaawɛɣ kɩwɛɛkɩm labʋ yɔɔ. Mbʋ́ pʋyɔɔ yɔ, Ɛsɔ Pɩyalʋ huuzuu kɔ-yɔɔ nɛ kaasʋʋ Satanɩ nesi taa.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.