Maatiyee 13:15 - New Testament

¹⁵ Mbʋ́ pʋyɔɔ yɔ ɛjaɖɛ ńɖɩ́, Ɖɩ-taa ñɩma laŋa wɛ kpɩzɩŋ. Pɔtɔ pa-nɩŋgbaaŋ se pataanɩɩ, nɛ Pohuuzi pɛ-ɛsɛ yɔɔ se pataana. Pataasɔɔlɩ se pana nɛ pɛ-ɛsɛ, Nɛ panɩɩ nɛ pa-nɩŋgbaaŋ, Nɛ pɛlɛɣzɩ pa-laŋa. Pataasɔɔlɩ se pɛlɛɣzɩ pa-lakasɩ pe-wezuu caɣʋ taa, Pʋyɔɔ mantapɩzɩ mala nɛ pɔ-yɔɔ cɛ.›

Maatiyee 13:15 ပူးပေါင်းရင်းမြစ်များ

Maarkɩ 4:12

Pɩlakɩ ḿbʋ́ se: Pɔcɔnɩ camɩyɛ, ɛlɛ́, pataana. ‹Pewelesi nɛ panɩɩ camɩyɛ, ɛlɛ́ pataanɩɩ pʋ-tɔbʋʋ. Mbʋ́ pʋyɔɔ yɔ, yee panɩ pʋ-tɔbʋʋ yɔ, pɛlɛɣzɩ wɛtʋ nɛ powolo Ɛsɔ cɔlɔ, nɛ Ɛsɔ kpeɣ-wɛ pa-kɩwɛɛkɩm.› »

Luka 19:42

nɛ ɛtɔ se: «Yee ɩɩtɩɩsɩm mbʋ́ pɩhaɣ-mɩ laŋhɛzɩyɛ sɔnɔ kɩyakʋ kʋnɛ yɔ paa ñɩɩɩ yɔ, iihiɣ-ɖɩ! Ɛlɛ́, lɛɛlɛɛyɔ, pʋwɛ-mɩ mɛsaɣ tɛɛ.

Tʋma Labʋ 28:27

Mbʋ́ pʋyɔɔ yɔ, ɛjaɖɛ ńɖɩ́ ɖɩ-taa ñɩma laŋa wɛ kpɩzɩŋ nɛ pɔtɔ pa-nɩŋgbaaŋ se pataanɩɩ, nɛ pohuuzi pɛ-ɛsɛ yɔɔ se pataana. Pataasɔɔlɩ se pana nɛ pɛ-ɛsɛ, panɩɩ nɛ pa-nɩŋgbaaŋ, nɛ paɖʋ sɔɔlɩm nɛ panɩɩ pɩ-taa. Pataasɔɔlɩ se papɩsɩnɩ ma Ɛsɔ mɔ-yɔɔ. Ḿbʋ́ labɩna mantapɩzɩ mala nɛ pɔ-yɔɔ cɛ.› »

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

Tʋma Labʋ 7:57

Ɛyɔɔdɩ ḿbʋ́ lɛ, papazɩ kou nɛ paɖɩɣ pa-nɩŋgbaaŋ! Peeɖe pakʋyɩ patɩŋa pekpibi-i

2 Timootee 4:4

Pɔkɔŋ nɩnaʋ mʋya welesuu yem. Ŋgʋ́, pɔtɔʋ pa-nɩŋgbaaŋ taa se pataawelesi toovenim tɔm.

Ebree 5:11

Đɩwɛnɩ tɔm sakɩyɛ se ɖɩyɔɔdʋʋ Mɛlkisedɛɛkɩ ɛnʋ ɛ-yɔɔ. Ɛlɛ́, pʋwɛ-ɖʋ kaɖɛ se ɖɩlɩzɩ-mɩ tɩ-tɔbʋʋ. Mbʋ́ pʋyɔɔ yɔ, ɩpɩsɩ mbá paanɩɣ lɔŋ yɔ.

Wɩlʋʋ 22:2

Pɔɔ ŋ́gá, kekpeŋaɣ tɛtʋ taa samaɣ ɖikpeɣliye hɛkʋ taa. Tɩŋ weyi ɩhaɣ wezuu yɔ, ɩɩwɛ ke-kidiilimiŋ yɔɔ nɛ ɩlʋlʋʋ pee tam hiu nɛ naalɛ pɩnaɣ taa. Ɩlʋlʋʋ tam kʋɖʋm fenaɣ taa. Pakpakɩɣ ɩ-hatʋ nɛ pawazɩɣnɩ ajɛya taa ɛyáa pa-kʋdɔmɩŋ.