Maatiyee 13:11 - New Testament

¹¹ Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Maatiyee 13:11 ပူးပေါင်းရင်းမြစ်များ

Maatiyee 13:10

Peeɖe ɛ-tɔmkpɛlɩkɩyaa woba ɛ-cɔlɔ nɛ pɔpɔzɩ-ɩ se: «Pɩlabɩ ɛzɩma ŋyɔɔdʋʋnɩ ɛyáa nɛ aduwa ḿbʋ́?»

Maatiyee 16:17

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.

Maatiyee 19:11

Ecosi-wɛ se: «Pɩtɛkɛ ɛyáa tɩŋa pɩzɩɣna petisi tɔm tʋnɛ. Ɛlɛ́, mbá Ɛsɔ yeba se petisi yɔ, pe-ɖeke petisiɣni-tʋ.

Maatiyee 20:23

Yesu pɩsɩnɩ-wɛ se: «Toovenim ɩkɔŋ tɔɔʋ kʋñɔŋ ŋgʋ́ mɔntɔkɩ yɔ. Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá man-Caa liu wɛɛ se pacaɣ lona ana a-taa yɔ, ḿbá cakɩna.»

Maarkɩ 10:40

Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá Ɛsɔ liu wɛɛ se pacaɣ lona ana a-taa yɔ, ḿbá cakɩna.»

Maarkɩ 4:11

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, pɛfɛyɩ Ɛsɔ Kewiyaɣ taa. Panɩɣ tɔm ńdʋ́ lɛ, tɩkɛnɩ-wɛ aduwa.

Luka 8:10

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́ mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, panɩɣ-tʋ lɛ, tɩkɛnɩ-wɛ aduwa. Pɩlakɩ ḿbʋ́ se: ‹Pɔcɔnɩ camɩyɛ, ɛlɛ́, pataana nɛ pewelesi camɩyɛ, ɛlɛ́, pataanɩɩ pʋ-tɔbʋʋ.› »

Yohanɛɛsɩ 6:65

Ɛtasɩ yɔɔdʋʋ se: «Pʋ-yɔɔ meheyi-mɩ se nɔɔyʋ fɛyɩ se ɛkɔŋ mɔn-cɔlɔ nɛ man-Caa taha-ɩ nʋmɔʋ.»

Yohanɛɛsɩ 7:17

Weyi ɛcaɣ se ɛla mbʋ́ Ɛsɔ liu wɛɛ yɔ, ɛkɔŋ naʋ se mbʋ́ mawɩlɩɣ yɔ, Ɛsɔ cɔlɔ pɩlɩnaa yaa ma-maɣmaɣ mɔn-cɔlɔ pɩlɩnaa.

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

Room 11:25

Man-taabalaa, mancaɣ se mawɩlɩ-mɩ mbʋ́ pɩɩwɛ mɛsaɣ tɛɛ yɔ nɛ ɩtaakpaɣ mɩ-tɩ se ɩkɛ lɔŋsɩnɖaa: Izrɛɛlɩ ñɩma lɛlaa tamaa, paapɩzɩɣ panɩɩ. Ɛlɛ́, pɛwɛɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ mbá Ɛsɔ lɩzɩ mbá pɛtɛkɛ Yuda ñɩma yɔ pa-taa yɔ patɩŋa payɩ pehiɣ ñʋʋ yabʋ yɔ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Kɔrɛntɩ 15:51

Iwelesi nɛ ɩnɩɩ: mancɩkɩ-mɩ cɩkpalʋʋ mɛsaɣ tɛɛ tɔm natʋyʋ. Ńdʋ́ lɛ se: ɖɩɩkɔŋ ɖatɩŋa sɩbʋ. Ɛlɛ́, pɔkɔŋ ɖatɩŋa payɩ lɛɣzʋʋ tomnaɣ

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

1 Kɔrɛntɩ 2:7

Ɛsɔ lɔŋsɩnɖɛ nɖɩ́ ɖɩɩwɛ ɛyáa mɛsaɣ tɛɛ yɔ, ɖɩ-tɔm ɖisusuu. Tɩ-taa wɛ cukaŋ. Pʋcɔ Ɛsɔ la kedeŋa lɛ, ɛɛɖʋwa se pɩtɩŋnɩ ɖɩ-yɔɔ nɛ ɖɩwɛɛ e-koboyaɣ taa.

1 Kɔrɛntɩ 4:1

Pʋwɛɛ se ɛyáa ɛtɩlɩ se Krɩstʋ tiyiyaa ɖa, ɖɩkɛ ɛ-tʋmlaɖaa. Ɛsɔ ɖʋzɩ e-toovenim mbʋ́ pɩɩwɛ mɛsaɣ tɛɛ yɔ ɖe-nesi taa se ɖɩwɩlɩ ɛyáa.

1 Kɔrɛntɩ 4:7

Mbʋ́ pʋyɔɔ yɔ, aheyi-ŋ se ŋkɩlɩ lɛlaa? Pɩtɛkɛ Ɛsɔ hanɩ-ŋ mbʋ́ pɩtɩŋa payɩ ŋwɛna yɔ yaa we? Yee toovenim se ɛnʋ ɛhanɩ-ŋ-pʋ lɛ, pɩlabɩ ɛzɩma ŋkʋndʋʋnɩ-pʋ ɛzɩ pataha-ŋ-pʋ kɩhaʋ yɔ?

Efɛɛzɩ 1:18

Mentendiɣ-i ɖɔɖɔ se ekuli mɩ-lɩmaɣza yɔɔ nɛ ɩtɩlɩ mbʋ́ ɛya-mɩ se ɩɖaŋ kpam yɔ nɛ ɛzɩma mbʋ́ ɛ-ñɩm koboyaɣ ɖewa pɩtɩɩfɛyɩ yɔ. Ḿbʋ́ ɛsɩ ɛ-ñɩma.

Efɛɛzɩ 1:9

Pɩkɛdɩnɩ-ɩ nɛ eyele nɛ ɖɩtɩlɩ mbʋ́ ɛɛɖʋwa se ɛlakɩ nɛ pʋwɛɛ mɛsaɣ tɛɛ yɔ. Ɛ nɛ Krɩstʋ pɛ-kpɛndʋʋ taa ɛɛɖʋwa se ɛlakɩ-pʋ.

Efɛɛzɩ 5:32

Tɔm tʋnɛ, tɩkɛ mɛsaɣ tɛɛ tɔm, tɩ-taa wɛ cukaŋ. Krɩstʋ nɛ ɛ-ŋgbɛyɛ taa ñɩma mamaɣzɩnaa nɛ mɔyɔɔdɩ ḿbʋ́.

Efɛɛzɩ 6:19

Itendi-i ɖɔɖɔ mɔ-yɔɔ se eyele nɛ monkuli mɔ-nɔɔ lɛ, mantɩlɩ ndʋ́ maawɩlɩnɩ kaalɛyɩtʋ mbʋ́ pʋwɛ mɛsaɣ tɛɛ Laŋhɛzɩyɛ Tɔm taa yɔ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Timootee 3:9

Pʋwɛɛ se pɔ́ɖɔ́kɩ lidaʋ tɔm ndʋ́ Ɛsɔ lɩzaa ɛwɩlɩ ɛ-ñɩma yɔ. Ɛlɛ́, pa-lɩmaɣza ɛtaacɛyɩ-wɛ pe-wezuu caɣʋ taa.

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

1 Yohanɛɛsɩ 2:20

Mɩ lɛ, Ɛsɔ Ñɩnʋ ha-mɩ e-Fezuu Kiɖeɖeu ɛzɩ papɩyʋʋ ɛyʋ ñʋʋ taa num yɔ nɛ mɩtɩŋa payɩ ɩnaɣ mbʋ́ pɩkɛ toovenim yɔ.

1 Yohanɛɛsɩ 2:27

Mɩ lɛ, Fezuu ŋgʋ́ Yesu Krɩstʋ ha-mɩ ɛzɩ papɩyʋʋ ɛyʋ ñʋʋ taa num yɔ, kɩwɛ mɩ-cɔlɔ. Yee ḿbʋ́ pɩtatasɩ pɔzʋʋ se nɔɔyʋ ɛkpɛlɩkɩ-mɩ, mbʋ́ pʋyɔɔ yɔ, kɩwɩlɩɣ-mɩ pɩtɩŋa payɩ nɛ toovenim, cɛtɩm fɛyɩ pɩ-taa. Pʋ-yɔɔ lɛ, mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ ɛzɩ Fezuu Kiɖeɖeu ŋ́gʋ́ kɩwɩlʋʋ-mɩ yɔ.