Maatiyee 12:42 - New Testament

⁴² Kɩyakʋ ŋ́gʋ́ lɛ, abiɖe nɖɩ́ ɖɩɩcɔnɩ Seba ɛjaɖɛ yɔɔ ɖooo lɔŋ yɔ, ɖɩkʋyʋʋ ɖɔɖɔ lɛɛlɛɛyɔ ɛyáa ḿbá pɔ-yɔɔ nɛ ɖɩkʋ pɔ-tɔm. Mbʋ́ pʋyɔɔ yɔ, ɖɩɩlɩnɩ ɖooo poliŋ nɛ ɖɩkɔɔ ɖɩnɩɩ lɔŋsɩnɖɛ tɔm ndʋ́ Salomɔɔ kɔyɔɔdaɣ yɔ. Ŋgʋ́, nɔɔyʋ ñɛwɛ cɩnɛ, ɛ́lɛ́ kɩlɩ Salomɔɔ!»

Maatiyee 12:42 ပူးပေါင်းရင်းမြစ်များ

Maatiyee 12:41

Kɩyakʋ ŋgʋ́ Ɛsɔ hʋʋnɩ ɛyáa tɔm yɔ, Niniivi ñɩma kʋyʋʋ lɛɛlɛɛyɔ ɛyáa ḿbá pɔ-yɔɔ nɛ pakʋ pɔ-tɔm. Mbʋ́ pʋyɔɔ yɔ, Niniivi ñɩma lɛɣzɩ wɛtʋ alɩwaatʋ ndʋ́ panɩ Yoonaasɩ susi Ɛsɔtɔm yɔ. Ŋgʋ́, nɔɔyʋ ñɛwɛ cɩnɛ, ɛ́lɛ́ kɩlɩ Yoonaasɩ!

Maatiyee 12:6

Ɖɔɖɔ lɛ, meheyiɣ-mɩ se weyi ɛwɛ cɩnɛ yɔ, ɛkɩlɩ Ɛsɔ ɖɩɣa.

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Maatiyee 3:17

nɛ pʋyɔɔdʋʋnɩ ɛsɔdaa se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ.»

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.