Maatiyee 11:5 - New Testament

⁵ yʋlʋmaa naɣ, tala tɩnaa ɖɔŋ camɩyɛ, canasɩ yɔɔ cɛkɩ, ndamaa nɩɣ, sɩɖaa feŋ nɛ posusuu kʋñɔndɩnaa Laŋhɛzɩyɛ Tɔm.

Maatiyee 11:5 ပူးပေါင်းရင်းမြစ်များ

Maatiyee 10:8

Ɩla nɛ kʋdɔndɩnaa yɔɔ cɛ. Ifezi sɩɖaa nɛ ɩla nɛ canasɩ pɩsɩ ɛyáa mbá pamʋnaa yɔ nɛ ɩɖɔɔnɩ aleewaa ɛyáa wayɩ. Maha-mɩ ɖoŋ falaa, pʋwɛɛ se ɩha falaa ɖɔɖɔ.

Maatiyee 11:4

Peeɖe Yesu cosi-wɛ se: «Iwolo iheyi-i mbʋ́ ɩnawa nɛ ndʋ́ ɩnɩwa yɔ:

Maatiyee 12:13

Ɛlɛ́, Yesu heyi abalʋ ɛnʋ se: «Losi ñe-nesi!» Peeɖe ɛ́lɛ́ losi-sɩ nɛ sɩ-yɔɔ cɛ nɛ sɩwɛɛ ɛzɩ lɛɛsɩ yɔ.

Maatiyee 21:14

Ɛwɛ peeɖe ḿbʋ́ lɛ, yʋlʋmaa nɛ kalɩkalasɩ powolo ɛ-cɔlɔ nɛ ɛla nɛ pɔ-yɔɔ cɛ.

Maatiyee 5:3

«Ɛyáa mbá pasɩm pa-tɩ se pɛtɛkɛ pʋyʋ Ɛsɔ ɛsɩndaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Maatiyee 9:30

Ɛyɔɔdɩ ḿbʋ́ lɛ, pɛ-ɛsɛ kuli. Ɛlɛ́ ɛka pa-ñʋŋ taa se: «Ɩkpa mɩ-tɩ ɖeu, ɩtaaheyi-tʋ nɔɔyʋ.»

Maarkɩ 7:37

Ḿbʋ́ labɩnɩ ɛyáa piti pɩŋŋ nɛ pɔtɔŋ se: «Mbʋ́ ɛlakɩ yɔ, pɩtɩŋa pʋwɛ ɖeu. Ɛlakɩ nɛ ndamaa nɩɣ nɛ kaayɔɔdasɩ yɔɔdʋʋ.»

Maarkɩ 9:25

Yesu na ɛyáa samaɣ seɣaɣ powoki ɛ-cɔlɔ lɛ, eholini eleeu ɛnʋ se: «Weyi ña ŋwɛ pɩɣa ŋ́gá ka-wayɩ nɛ ŋpɩsɩ-kɛ kaayɔɔdaɣ nɛ ŋtɔ ka-nɩŋgbaaŋ taa yɔ, se! Wiɖiyi mantaatasɩ-ŋ naʋ ka-wayɩ.»

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

Yohanɛɛsɩ 10:25

Yesu cosi-wɛ se: «Mɛntɛm-mɩ heyuu ḿbʋ́, ɛlɛ́, iitisiɣ. Tʋma wena malakɩ man-Caa ɖoŋ taa yɔ, ana lɩzɩɣnɩ ma-aseɣɖe.

Yohanɛɛsɩ 10:38

Ɛlɛ́, paa malakɩ-yɛ nɛ ɩfɛyɩnɩ lidaʋ mɔ-yɔɔ yɔ, itisi tʋma wena malakɩ yɔ a-yɔɔ. Peeɖe ɩnaɣ nɛ ɩtɩlɩ kpaagbaa se ma nɛ Caa ɖɩwɛ ɖama taa.»

Yohanɛɛsɩ 2:23

Paska Kazandʋ talaa lɛ, ɛyáa na hama lakasɩ nzɩ́ Yesu labɩ Yeruusalɛm yɔ nɛ pɛwɛnɩ lidaʋ ɛ-yɔɔ.

Yohanɛɛsɩ 3:2

Abalʋ ɛnʋ, ɛkʋyɩ ɖoó naayɛ taa nɛ ewolo Yesu cɔlɔ nɛ eheyi-i se: «Wɩlɩyʋ! Đɩnawa se Ɛsɔ tiyini-ŋ se ŋkɔɔ ŋwɩlɩ-ɖʋ ɛ-tɔm. Mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nzɩ́ ŋlaba yɔ nɛ Ɛsɔ fɛyɩ ɛ-cɔlɔ.»

Yohanɛɛsɩ 5:36

Ma lɛ, malɩzɩɣ aseɣɖe nɖɩ́ ɖɩkɩlɩ Yohanɛɛsɩ ñɩnɖɛ yɔ. Mbʋ́ pʋyɔɔ yɔ, tʋma wena man-Caa ɖʋ-m nɛ malakɩ yɔ, a-maɣmaɣ alɩzɩɣnɩ ma-aseɣɖe se Caa Ɛsɔ tiyini-m.

Yohanɛɛsɩ 9:7

nɛ eheyi-i se: «Wolo ŋkɔ lɩm Siloowee kujomuu taa.» Siloowee tɔbʋʋ se Tiyiyu. Ewobi ɛkɔ ḿbʋ́ nɛ ɛpɩsɩ lɛ, ɛ-ɛsɛ kuli.

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.