Maatiyee 11:23 - New Testament

²³ Mɩ Kapɛrnayum ñɩma lɛ, ɩmaɣzɩɣ se ɩkpaɣ ɛsɔdaa yaa we? Meheyiɣ-mɩ se ɩɩkpaɣ kaʋ. Ɛlɛ́, itiki tɛtɛɛ ɖenɖe kʋñɔŋ maatɛŋ wɛɛ yɔ. Mbʋ́ pʋyɔɔ yɔ, yee Ɛsɔ hama lakasɩ nzɩ́ palabɩ mɩ-tɛ yɔ, paalabɩ-sɩ Sodom yɔ, tɛtʋ ńdʋ́ tɩɩwɛ halɩ nɛ sɔnɔ.

Maatiyee 11:23 ပူးပေါင်းရင်းမြစ်များ

Maatiyee 10:15

Toovenim lɛ, meheyiɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, Sodom nɛ Gomɔɔrɩ ñɩma mbá Ɛsɔ kʋ-wɛ nɛ miŋ pa-kɩwɛɛkɩm yɔɔ yɔ, pa-kʋñɔŋ ɛɛtalɩɣ tɛtʋ ńdʋ́ tɩ-taa ñɩma ñɩŋgʋ.»

Maatiyee 16:18

Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Maatiyee 17:24

Yesu nɛ ɛ-tɔmkpɛlɩkɩyaa patalɩ Kapɛrnayum lɛ, Ɛsɔ ɖɩɣa taa lambuu mʋyaa wolo Pɩyɛ cɔlɔ nɛ pɔpɔzɩ-ɩ se: «Mɩ-caa hɛyɩɣ Ɛsɔ ɖɩɣa lambuu yaa ɛɛhɛyɩɣ?»

Maatiyee 4:13

Ɛtalaa lɛ, ɛtacaɣ Nazarɛɛtɩ. Ɛlɛ́, ɛɖɛɛ Kapɛrnayum. Tɛtʋ ńdʋ́, tɩwɛ Galilee teŋgu nɔɔ, Zabulɔɔ nɛ Nɛftalii pɔ-hɔɔlɩŋ taa.

Maatiyee 8:5

Pʋwayɩ lɛ, Yesu kʋyɩ se ewoki Kapɛrnayum. Ɛsʋwaɣ tɛtʋ ńdʋ́ tɩ-taa lɛ, Room sɔɔja sɔsɔ nɔɔyʋ wolo ɛ-cɔlɔ nɛ etendi-i se:

Luka 10:15

Mɩ Kapɛrnayum ñɩma lɛ, ɩmaɣzɩɣ se ɩkpaɣ ɛsɔdaa yaa we? Ɩɩkpaɣ kaʋ. Ɛlɛ́, petisiɣ-mɩ tɛtɛɛ ɖenɖe kʋñɔŋ maatɛŋ wɛɛ yɔ.»

Luka 14:11

Mbʋ́ pʋyɔɔ yɔ, weyi ɛkpazɩɣ ɛ-tɩ yɔ, petisiɣ-i nɛ weyi ɛ́lɛ́ tisiɣ ɛ-tɩ yɔ, pakpazɩ-ɩ.»

Luka 16:23

nɛ ɛsʋʋ tɛtɛɛ ɖenɖe kʋñɔŋ maatɛŋ wɛɛ yɔ. Ɛwɛ peeɖe ḿbʋ́ lɛ, ɛkʋsɩ ɛ-ɛsɛ nɛ elosi Abraham poliŋ taa, Lazaarɩ wɛ ɛ-cɔlɔ.

Luka 4:23

Ɛlɛ́, Yesu heyi-wɛ se: «Toovenim lɛ, ɩkaɣ-m tuuu eduuye se: ‹Fɛɖʋ, fɛ ña-tɩ ña-maɣmaɣ.› Halɩ ɩkaɣ-m tɔm ɖɔɖɔ se: ‹Đɩnɩ mbʋ́ pɩtɩŋa ŋlabɩ Kapɛrnayum yɔ, la ḿbʋ́ ña-tɩ tɩŋa ñɛ-tɛ cɩnɛ.› »

Tʋma Labʋ 2:27

Mbʋ́ pʋyɔɔ yɔ, ña Kɩpaɣlʋ ŋŋyeki-m sɩɖaa taa nɛ mɛntɛŋɛlɩ. Ŋŋyeki ma ña-ñɩnʋ nɛ manɖazɩ.

Tʋma Labʋ 2:31

Ɛɛnawa se Krɩstʋ kaɣ fem nɛ ɛlɩɩnɩ sɩɖaa taa. Pʋ-yɔɔ ɛyɔɔdaa se: ‹Ɛsɔ ɛɛkaɣ-ɩ yebu nɛ ɛtɛŋɛlɩ sɩɖaa taa, e-tomnaɣ ɛɛkaɣ ɖazʋʋ pɩlaʋ taa.›

Yuudi 1:7

Ɩtɔzɩ ɖɔɖɔ se Sodom tɛtʋ nɛ Gomɔɔrɩ ñɩndʋ nɛ ndʋ́ ndʋ́ tɩñɔtɩnɩ-tʋ yɔ, tɩ-taa ñɩma kalaba ɖɔɖɔ ɛzɩ Ɛsɔ tiyiyaa ḿbá yɔ. Palakaɣ acɛyɛ, halɩ pañɩnɩɣ se pala mbʋ́ pɩfɛyɩ ɛyáa ñɩndʋ taa kpem yɔ. Pʋ-yɔɔ Ɛsɔ hɔm pa-nɩŋgbaaŋ nɛ ɛɖʋ-wɛ miŋ weyi eeɖeŋ kaʋ yɔ ɛ-taa. Ɛlabɩ ḿbʋ́ se ɛyáa tɩŋa ɛna nɛ pakpa pa-tɩ.

Wɩlʋʋ 1:18

Ma lɛ weyi ɛwɛ wezuu yɔ. Maasɩba, ɛlɛ́, ma yɔ, mɛwɛɣnɩ mɛ-ɛsɛ tam. Mɔnɖɔkɩ sɩm nɛ ɖenɖe sɩɖaa wɛɛ yɔ pɔ-nɔnɔɔ ñɩma.

Wɩlʋʋ 11:8

Po-tomnasɩ wɛɣ tɛtʋ sɔsɔtʋ ndʋ́ pamaɣzɩnɩ Sodom nɛ Ejiptɩ nɛ payaa-tʋ ḿbʋ́ yɔ tɩ-habɛɛ yɔɔ. Peeɖe pakam pa-Kɩpaɣlʋ kaamaŋkaɣ yɔɔ.

Wɩlʋʋ 20:13

Teŋgu lɩzɩ sɩɖaa mbá paawɛ kɩ-taa yɔ nɛ sɩm nɛ ɖenɖe sɩɖaa wɛɛ yɔ, paba ñɛcɛlɩ mbá paawɛ pɔ-cɔlɔ yɔ nɛ pahʋʋnɩ paa weyi mbʋ́ ɛlaba yɔ pʋ-yɔɔ.

Wɩlʋʋ 6:8

Mɔncɔnaa lɛ, mana kpaŋnɔ nɔɔyʋ, epiyaa ɛzɩ tɩŋ hatʋ yɔ. Weyi ɛcaɣ-ɩ yɔ, payaɣ-ɩ se Sɩm nɛ ɖenɖe sɩɖaa wɛɛ yɔ pɩtɩŋɩɣ ɛ-wayɩ. Patayɩ kedeŋa tam naanza yɔ, paha-wɛ hɔɔlʋʋ kʋɖʋmʋʋ se pakʋ kɩ-taa ɛyáa. Pakʋʋ-wɛ nɛ sɩɣa nɛ ñɔɔsɩ nɛ kʋdɔmɩŋ nɛ tɛtɛ kpɩna wena awɛ kedeŋa yɔɔ yɔ.