Maatiyee 11:12 - New Testament

¹² Pɩkpaɣʋnɩ alɩwaatʋ ndʋ́ Yohanɛɛsɩ ɛnʋ esusi tɔm nɛ pʋkɔɔ pɩsɩɩnɩ lɛɛlɛɛyɔ yɔ, ɛyáa wɛɛ pɛtɛzɩɣ kʋyʋʋ Ɛsɔ Kewiyaɣ yɔɔ nɛ pañɩnɩɣnɩ ɖoŋ se pehiɣ-kɛ.

Maatiyee 11:12 ပူးပေါင်းရင်းမြစ်များ

Maatiyee 11:11

Yesu tasɩ yɔɔdʋʋ se: «Toovenim lɛ, mankaɖɩɣ-mɩ se ɖooo yɔ, patalʋlɩdɩ nɔɔyʋ nɛ ɛkɩlɩ Lɩm Sɔʋ Sɔnzɩ Laɖʋ Yohanɛɛsɩ. Paa ḿbʋ́ yɔ, weyi ɛwɛ Ɛsɔ Kewiyaɣ taa nɛ patakpaɣ-ɩ payaa pʋyʋ yɔ, ɛ́lɛ́ kɩlɩ-ɩ.

Maatiyee 11:13

Náyaa tɩŋa nɛ Mooyiizi pɔyɔɔdɩ Ɛsɔ Kewiyaɣ ŋ́gá kɔ-tɔm nɛ pʋkɔɔ pɩsɩɩnɩ alɩwaatʋ ndʋ́ Yohanɛɛsɩ ɛnʋ ɛkɔma yɔ.

Maatiyee 3:15

Ɛlɛ́, Yesu cosi-i se: «Yele pɩla ḿbʋ́ lɛɛlɛɛyɔ. Ḿbʋ́ pʋmʋnaa se ɖɩla mbʋ́ pɩtɩŋa payɩ pʋtʋʋzaa yɔ.» Eheyi Yohanɛɛsɩ ḿbʋ́ lɛ, ɛ́lɛ́ tisi nɛ ɛlabɩ-ɩ lɩm sɔʋ sɔnzɩ.

Luka 13:24

«Meheyiɣ-mɩ se: ɩñaɣ pana nɛ ɩtɩŋnɩ ɖɛɛmɛnɖɛɛ taa nɛ ɩsʋʋ nɛ ihiɣ wezuu. Mbʋ́ pʋyɔɔ yɔ, ɛyáa sakɩyɛ kɔŋ ñɩnʋʋ se pasʋʋ, ɛlɛ́, paapɩzɩɣ.

Luka 16:16

Paawɩlɩ Mooyiizi paɣtʋ nɛ náyaa takayɩsɩ taa tɔm nɛ pʋkɔɔ pɩtalɩ Lɩm Sɔʋ Sɔnzɩ Laɖʋ Yohanɛɛsɩ alɩwaatʋ. Đooo alɩwaatʋ ńdʋ́ʋ́ papazɩ Ɛsɔ Kewiyaɣ Laŋhɛzɩyɛ Tɔm susuu nɛ paa weyi ɛlʋkɩ se ɛsʋʋ ka-taa.

Yohanɛɛsɩ 5:4

Mbʋ́ pʋyɔɔ yɔ, Kɩpaɣlʋ tiyiyu nɔɔyʋ lɩɣaɣnɩ ɛsɔdaa wiɖiyi wiɖiyi nɛ etiki kɩ-taa nɛ eciɣdiɣ lɩm nɛ kʋdɔndʋ weyi ɛcalɩɣ tibu pɩ-taa alɩwaatʋ ńdʋ́ yɔ, ɛ-yɔɔ cɛkɩ. Paa ɛ-kʋdɔŋ ɛɛwɛ ɛzɩma.]

Yohanɛɛsɩ 6:27

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.