Maatiyee 10:5 - New Testament

⁵ Yesu tiyi ɛ-tɔmkpɛlɩkɩyaa hiu nɛ naalɛ ɛjaɖɛ taa. Pʋcɔ pɛɖɛɛ lɛ, ɛkam pa-ñʋŋ taa siŋŋ se: «itaawolo hɔɔlɩŋ weyi ɩ-taa mbá pɛtɛkɛ Yuda ñɩma yɔ, pɛwɛɛ yɔ. Ɩtaasʋʋ Samaarɩɩ egeetiye hɔɔlʋʋ nakʋyʋ taa ɖɔɖɔ.

Maatiyee 10:5 ပူးပေါင်းရင်းမြစ်များ

Maatiyee 22:3

Pɩkɛdaa lɛ, etiyi ɛ-tʋmlaɖaa se powolo payaa mbá paaya-wɛ ti-ɖeɖe yɔ. Paya-wɛ lɛ, paba kizi se paawoki.

Maatiyee 4:15

«Ɩnaɣ, Zabulɔɔ nɛ Nɛftalii pɔ-hɔɔlɩŋ taa ñɩma mɩ nɛ mbá mɩ mɩwɛ ɖɔɖɔ teŋgu habɩyɛ nɔɔ nɛ Yɔɔrdaŋ pɔɔ wayɩ yɔ! Mbá mɩ ɩkɛ Galilee ñɩma nɛ mbá pɛtɛkɛ Yuda ñɩma yɔ pɛwɛɛ mɩ-tɛ yɔ!

Maarkɩ 6:7

Peeɖe ɛya ɛ-tɔmkpɛlɩkɩyaa hiu nɛ naalɛ nɛ ɛha-wɛ ɖoŋ se papɩzɩ pɔɖɔɔnɩ aleewaa nɛ etiyi-wɛ naalɛ naalɛ.

Luka 10:1

Pʋwayɩ lɛ, Kɩpaɣlʋ tasɩ lɩzʋʋ ɛ-tɔmkpɛlɩkɩyaa taa ɛyáa nɩɩnʋwa nɛ nɩɩlɛ nɛ naalɛ nɛ etiyi-wɛ naalɛ naalɛ se pɛɖɛɛ-ɩ nɔɔ nɛ powolo tɛtʋ ndɩ ndɩ nɛ hɔɔlɩŋ weyi ɩ-taa ɛɖʋwa se ewoki yɔ pa-taa.

Luka 10:33

Ɛ́lɛ́ ɖɛwa lɛ, Samaarɩɩ tʋ nɔɔyʋ wokaɣ nʋmɔʋ. Ɛtalɩ abalʋ ɛnʋ ɛ-cɔlɔ nɛ ɛna-ɩ ḿbʋ́ lɛ, pɩlabɩ-ɩ pʋtɔdɩyɛ pɩŋŋ.

Luka 17:16

Katalɩ Yesu cɔlɔ lɛ, koluŋ ɛ-tɛɛ nɛ kɛsɛɛ-ɩ. Ŋgʋ́, kaakɛ Samaarɩɩ tʋ.

Luka 9:1

Nakʋyʋ wiye Yesu kpeɣli ɛ-tɔmkpɛlɩkɩyaa hiu nɛ naalɛ nɛ ɛha-wɛ ɖoŋ nɛ abalɩtʋ se pɔɖɔɔnɩnɩ aleewaa tɩŋa nɛ pala nɛ kʋdɔndɩnaa yɔɔ cɛ.

Luka 9:2

Pʋwayɩ lɛ, etiyi-wɛ se powolo posusi Ɛsɔ Kewiyaɣ tɔm nɛ pala nɛ kʋdɔndɩnaa yɔɔ cɛ.

Yohanɛɛsɩ 17:18

Mentiyi-wɛ kedeŋa yɔɔ ñɩma hɛkʋ taa ɛzɩ ŋtiyuu-m kɔ-yɔɔ ñɩma hɛkʋ taa yɔ.

Yohanɛɛsɩ 20:21

Peeɖe Yesu tasɩ yɔɔdʋʋ se: «Ɩwɛɛ laŋhɛzɩyɛ taa! Mentiyiɣ-mɩ ɖɔɖɔ ɛzɩ man-Caa tiyuu-m yɔ.»

Yohanɛɛsɩ 4:20

Samaarɩɩ ñɩma ɖa, ɖɔ-cɔzɔnaa luŋaɣ Ɛsɔ tɛɛ pʋʋ kʋnɛ kʋ-yɔɔ nɛ mɩ Yuda ñɩma mɩtɔŋ se Yeruusalɛm pʋwɛɛ se poluŋ ɛ-tɛɛ. Ña ñamaɣzɩɣ se we?»

Yohanɛɛsɩ 4:5

Ɛɖɛɣaɣ lɛ, ɛtalɩ Samaarɩɩ egeetiye taa tɛtʋ ndʋ́ payaɣ se Siicaarɩ yɔ tɩ-taa. Tɩwɛ hayɩm mbʋ́ Yakɔɔbʋ ha ɛ-pɩyalʋ Yozɛɛfʋ yɔ pʋ-cɔlɔ.

Yohanɛɛsɩ 4:9

Peeɖe halʋ ɛnʋ ɛpɔzɩ-ɩ se: «Ŋkɛ Yuda tʋ lɛ, ŋcalɩ se we nɛ ŋsʋlʋmʋʋ-m lɩm?» Halʋ ɛnʋ, ɛpɔzɩ-ɩ ḿbʋ́, mbʋ́ pʋyɔɔ yɔ, Samaarɩɩ ñɩma nɛ Yuda ñɩma paacaɣ ɖama.

Yohanɛɛsɩ 7:35

Ɛlɛ́, Yuda ñɩma pɔzʋʋ ɖama se: «Le ewoki nɛ ɖɩɩpɩzɩɣ se ɖɩna-ɩ? Yaa ewoki Yuda ñɩma mbá pamɩzɩ ɖama Grɛɛkɩ ñɩma ɛjaɖɛ taa yɔ pɛ-tɛ se ɛwɩlɩ-wɛ?

Yohanɛɛsɩ 8:48

Yesu yɔɔdɩ ḿbʋ́ lɛ, Yuda ñɩma pɔzɩ-ɩ se: «Đɩfɛyɩnɩ toovenim se ɖɩyɔɔdɩ se ŋkɛ Samaarɩɩ tʋ nɛ ŋtɛ ŋke aleewaa naa we?»

Tʋma Labʋ 1:8

Ɛlɛ́, alɩwaatʋ ndʋ́ Fezuu Kiɖeɖeu tiki mɩ-yɔɔ yɔ, ihikiɣ ɖoŋ nɛ ɩkɛ ma-aseɣɖe tɩnaa Yeruusalɛm tɛtʋ taa nɛ Yudee nɛ Samaarɩɩ pa-ageeta taa nɛ kedeŋa kpeekpe yɔɔ.»

Tʋma Labʋ 10:45

Peeɖe pɩlabɩ Yuda ñɩma mbá pɛwɛnɩ lidaʋ Krɩstʋ yɔɔ nɛ paatɩŋ Pɩyɛ wayɩ yɔ piti pɩŋŋ nɛ ɛzɩma mbʋ́ Ɛsɔ ha e-Fezuu Kiɖeɖeu mbá pɛtɛkɛ Yuda ñɩma nɛ eyele kitii pɔ-yɔɔ yɔ.

Tʋma Labʋ 8:1

Ɛlɛ́, Etiyɛɛnɩ sɩm ḿbʋ́, pɩkɛdɩnɩ Sɔɔlɩ. Puwiye ńɖɩ́, Yeruusalɛm Krɩstʋ ŋgbɛyɛ sʋ kʋñɔŋ sɔsɔʋ taa. Lidaʋ tayaa tɩŋa se nɛ pɛɖɛɛnɩ Yudee nɛ Samarɩɩ ageeta taa. Yesu tiyiyaa ɖeke pɩɩkazaa.

1 Tesalooniki 2:16

Paɖɩkɩ-ɖʋ nʋmɔʋ se ɖitaasusi mbá pɛtɛkɛ Yuda ñɩma yɔ ñʋʋ yabʋ tɔm. Ḿbʋ́ pɛwɛɛ pɛtɛzɩɣ kɩwɛɛkɩm labʋ. Ɛlɛ́, Ɛsɔ pana tɛmnɩ-wɛ kpanaʋ.