Maatiyee 10:15 - New Testament

¹⁵ Toovenim lɛ, meheyiɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, Sodom nɛ Gomɔɔrɩ ñɩma mbá Ɛsɔ kʋ-wɛ nɛ miŋ pa-kɩwɛɛkɩm yɔɔ yɔ, pa-kʋñɔŋ ɛɛtalɩɣ tɛtʋ ńdʋ́ tɩ-taa ñɩma ñɩŋgʋ.»

Maatiyee 10:15 ပူးပေါင်းရင်းမြစ်များ

Maatiyee 12:36

Mankaɖɩɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, ɛyáa kɔŋ heyuu Ɛsɔ nɛ pa-maɣmaɣ pɔ-nɔsɩ mbʋ́ piyeba nɛ pɔyɔɔdɩ tɔm ndʋ́ tɩfɛyɩ wazaɣ yɔ.

Maatiyee 5:18

Toovenim lɛ, meheyiɣ-mɩ se alɩwaatʋ ndʋ́ ɛsɔdaa nɛ tɛtʋ pɛwɛɣ yɔ, mayaɣ nakɛyɛ yaa cacayaɣ nakɛyɛ fɛyɩ se kalɩɣ paɣtʋ ńdʋ́ tɩ-taa nɛ pʋkɔɔ pɩsɩɩnɩ alɩwaatʋ ndʋ́ pɩtɩŋa payɩ pɩlaba yɔ.

Maatiyee 7:22

Kɩyakʋ ŋgʋ́ Ɛsɔ hʋʋnɩ ɛyáa yɔ, ɛyáa sakɩyɛ kɔŋ-m pɔzʋʋ se: ‹Kɩpaɣlʋ! Kɩpaɣlʋ! Pɩtɛkɛ ɖa lɛ náyaa mbá posusi tɔm nɛ ñɔ-nɔɔ nɛ pɔɖɔɔnɩ aleewaa nɛ pala hama lakasɩ sakɩyɛ yɔ yaa we?›

Maarkɩ 6:11

Yee nabɛyɛ ɛtamʋ-mɩ ɖoli yaa patanɩɩnɩ-mɩ lɛ, ikpizi-wɛ mɩ-naŋgbanzɩ yɔɔ mʋzʋʋ nɛ ɩɖɛɛ nɛ pɩwɩlɩ se ɩkɔɔlɩ-wɛ nɛ iyebi-wɛ nɛ pa-sʋʋtʋ.»

Yohanɛɛsɩ 12:48

Weyi ɛlɔʋ-m nɛ ekizi mɔn-tɔm yɔ, ɛnaɣ mbʋ́ pʋkʋʋ ɛ-tɔm yɔ: tɔm ndʋ́ mawɩlaa yɔ, ńdʋ́ kʋʋnɩ ɛ-tɔm kɛtɛzaɣ kɩyakʋ wiye.

Yohanɛɛsɩ 6:39

Ɩɩnaɣ mbʋ́ weyi etiyi-m yɔ e-liu wɛɛ yɔ. Ḿbʋ́ lɛ se: mantaalesi mbá ɛcɛlɩ-m yɔ pa-taa nɔɔyʋ. Ɛlɛ́, menfezi patɩŋa payɩ kɛtɛzaɣ kɩyakʋ wiye nɛ sɩm taa nɛ pɛwɛɛ wezuu.

Yohanɛɛsɩ 6:40

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

Tʋma Labʋ 17:31

Mbʋ́ pʋyɔɔ yɔ, ɛtɛm ɖʋʋ kɩyakʋ ŋgʋ́ ɛkɔŋ hʋnaʋ kedeŋa kpeekpe yɔɔ ɛyáa nɛ toovenim yɔ. Ɛyʋ weyi ɛlɩzaa yɔ, ɛ-yɔɔ ɛtɩŋɩɣna nɛ ɛhʋʋnɩ-wɛ tɔm. Mbʋ́ ɛwɩlɩnɩ paa weyi se ɛkɔŋ-pʋ labʋ yɔ lɛ se efezi-i nɛ sɩɖaa taa.»

1 Kɔrɛntɩ 3:13

pɔkɔŋ ɛ-tʋmɩyɛ naʋ. Mbʋ́ pʋyɔɔ yɔ, tɔm hʋʋ kɩyakʋ wiye lɛ, Ɛsɔ ɖʋʋ paa weyi ɛ-tʋmɩyɛ miŋ taa. Miŋ ɛnʋ ɛwɩlɩɣna se ɖɩwɛ ɖeu naa ɖɩfɛyɩ ɖeu nɛ pasɩm-ɖɩ.

1 Tesalooniki 5:4

Ɛlɛ́, taabalaa! Mɩ lɛ, ɩfɛyɩ cɩkpɛndʋʋ taa se paatɔ se kɩyakʋ ŋ́gʋ́ kutuduu-mɩ ɛzɩ mɩ́lʋ́ yɔ.

Ebree 10:25

Nabɛyɛ wɛ ɖa-taa, pɩpɩsɩ-wɛ sɔnzɩ se pataakpeɣli nɛ poluŋ Ɛsɔ tɛɛ. Pɩfɛyɩ se ɖɩla ḿbʋ́. Ɛlɛ́, ɖɩsazɩ ɖama nɛ pɩlabɩ-ɖʋ hʋnʋm. Đɩwɛɛ pʋ-yɔɔ ḿbʋ́, mbʋ́ pʋyɔɔ yɔ, mɩ-maɣmaɣ ɩtɛm naʋ se kɩyakʋ ŋgʋ́ Kɩpaɣlʋ kɔŋ yɔ, kɩwɩzɩ talʋʋ.

2 Pɩyɛ 2:6

Pʋwayɩ lɛ, ɛhʋʋnɩ Sodom ñɩma nɛ Gomɔɔrɩ ñɩma nɛ ɛkʋ pɔ-tɔm nɛ ɛñaɣzɩ pa nɛ pɛ-tɛtʋ miŋ nɛ papɩsɩ tɔlɩma. Ḿbʋ́ ɛwɩlɩnɩ mbá paañaŋ-ɩ yɔ se ḿbʋ́ pʋkɔŋ-wɛ tɛmnaʋ.

2 Pɩyɛ 2:9

Ḿbʋ́ wɩlɩɣnɩ-ɖʋ se Kɩpaɣlʋ sɩm nʋmɔʋ ŋgʋ́ ɛtɩŋɩɣna nɛ ɛlɩzɩ mbá pañaŋ-ɩ yɔ takʋʋ taa yɔ. Pɩwɩlɩɣ-ɖʋ ɖɔɖɔ se ɛsɩm ɛzɩma mbʋ́ ɛsɩɣ azaɣ́a nɛ ɛɖʋ-wɛ kʋñɔŋ tɔm hʋʋ kɩyakʋ wiye yɔ.

2 Pɩyɛ 3:7

Ɛsɔ kɔyɔɔdɩ kʋyɔɔdʋ ɖɔɖɔ se ɛsɔdaa nɛ tɛtʋ mbá ɖɩnaɣ lɛɛlɛɛyɔ yɔ, pɛwɛɛ ḿbʋ́ nɛ pʋkɔɔ pɩsɩɩnɩ kɩyakʋ ŋgʋ́ paɖʋʋ-wɛ miŋ nɛ pañaɣ lusa yɔ. Puwiye ńɖɩ́ Ɛsɔ kɔŋ kañadɩnaa tɔm hʋnaʋ nɛ eyele pɛtɛŋɛlɩ.

1 Yohanɛɛsɩ 4:17

Mbʋ́ pɩwɩlɩɣ se sɔɔlɩm tɛzɩ ɖa-taa wɛʋ yɔ lɛ se ɖɩsɩŋɩɣ Ɛsɔ ɛsɩndaa kaalɛyɩtʋ kɩyakʋ ŋgʋ́ ɛkɔŋ ɛyáa tɔm hʋnaʋ yɔ. Mbʋ́ pʋyɔɔ yɔ, ɖe-wezuu caɣʋ kedeŋa yɔɔ cɩnɛ nɩɣzɩnɩ Yesu ñɩmbʋ.

Yuudi 1:6

Ɩtɔzɩ ɖɔɖɔ se Ɛsɔ tiyiyaa mbá pa-taa fɛyɩ leleŋ nɛ lone nɖɩ́ ɖɩ-taa Ɛsɔ sɩ-wɛ yɔ, pɛlɛɣzɩ ɖɩjaɣyɛ pa-maɣmaɣ nɛ ɛkpa-wɛ ɛhɔkɩ-wɛ yoŋgbasɩ nɛ ɛɖʋ-wɛ ɖooo cɩkpɛndʋʋ taa. Ɛɖʋ-wɛ se pɛwɛɛ sɩ-taa peeɖe ḿbʋ́ nɛ pʋkɔɔ pɩsɩɩnɩ kɩyakʋ sɔsɔʋ ŋgʋ́ ɛkɔŋ ɛhʋʋnɩ-wɛ yɔ.

Yuudi 1:7

Ɩtɔzɩ ɖɔɖɔ se Sodom tɛtʋ nɛ Gomɔɔrɩ ñɩndʋ nɛ ndʋ́ ndʋ́ tɩñɔtɩnɩ-tʋ yɔ, tɩ-taa ñɩma kalaba ɖɔɖɔ ɛzɩ Ɛsɔ tiyiyaa ḿbá yɔ. Palakaɣ acɛyɛ, halɩ pañɩnɩɣ se pala mbʋ́ pɩfɛyɩ ɛyáa ñɩndʋ taa kpem yɔ. Pʋ-yɔɔ Ɛsɔ hɔm pa-nɩŋgbaaŋ nɛ ɛɖʋ-wɛ miŋ weyi eeɖeŋ kaʋ yɔ ɛ-taa. Ɛlabɩ ḿbʋ́ se ɛyáa tɩŋa ɛna nɛ pakpa pa-tɩ.