Maatiyee 10:10 - New Testament

¹⁰ Ɩtaakpaɣ huyuu yaa toko nakʋyʋ nɛ pɩtasɩnɩ mbá pɛwɛ mɩ-yɔɔ yɔ yaa naataŋgbala, ɩtaaɖɔkɩ ɖaʋ. Toovenim lɛ, pʋwɛɛ se pɛcɛlɩ tʋmlaɖʋ mbʋ́ ɛcakɩnɩ wezuu yɔ.

Maatiyee 10:10 ပူးပေါင်းရင်းမြစ်များ

Maatiyee 10:11

Ɩtalɩ tɛtʋ sɔsɔtʋ yaa cikpetu natʋyʋ taa lɛ, ɩñɩnɩ weyi etisiɣ nɛ ɛmʋ-mɩ yɔ. Yee ɛmʋ-mɩ lɛ, ɩcaɣ ɛ-tɛ nɛ pʋkɔɔ pɩsɩɩnɩ kɩyakʋ ŋgʋ́ ɩkʋyʋʋ yɔ.

Maarkɩ 6:8

Etiyaɣ-wɛ lɛ, eheyi-wɛ se: «Ɩɖɛɣ lɛ, ɩɖɔkɩ ɖaʋ nɛ ɩlɛɛ naataŋgbala nɛ isuu wonuu kʋɖʋmʋʋ kʋɖʋmʋʋ. Ɩtaakpaɣ nabʋyʋ nɛ pɩtasɩnɩ-pʋ. Ɩtaakpaɣ tɔɔnaɣ yaa huyuu yaa liidiye.»

Luka 3:11

Ecosi-wɛ se: «Nɔɔyʋ ɛwɛnɩ tokonaa naalɛ yɔ, ɛpasɩ lɛɛkʋ nɛ ɛha weyi ɛfɛyɩna yɔ. Yee nɔɔyʋ ɛwɛnɩ tɔɔnaɣ yɔ, ɛha ɖɔɖɔ weyi ɛfɛyɩna yɔ.»

Luka 9:3

Ɛlɛ́, eheyi-wɛ se: «Ɩɖɛɣ lɛ, ɩtaakpaɣ pʋyʋ: paa ɖaʋ yaa huyuu yaa tɔɔnaɣ yaa liidiye. Nɔɔyʋ ɛtaakpaɣ tokonaa naalɛ.

2 Timootee 4:13

Yee ŋkɔŋ lɛ, ŋkpɛndɩnɩ-m toko sɔsɔʋ ŋgʋ́ meyebi Karpuusi tɛ Trowaasɩ yɔ. Kɔnɩ-m ɖɔɖɔ takayɩsɩ, kɔzɩkɔzɩ nzɩ́ palabɩnɩ tɔna yɔ.