Maatiyee 1:16 - New Testament

¹⁶ nɛ Yakɔɔbʋ ñalʋlɩ Yozɛɛfʋ nɛ ɛ́lɛ́ kpaɣ Maarɩɩ. Maarɩɩ ɛnʋ ɛlʋlɩnɩ Yesu weyi payaɣ se Krɩstʋ yɔ, pʋ-tɔbʋʋ se Weyi Ɛsɔ Lɩzaa Yɔ.

Maatiyee 1:16 ပူးပေါင်းရင်းမြစ်များ

Maatiyee 1:15

Eliyudi ñalʋlɩ Eleyazaarɩ, Eleyazaarɩ ñalʋlɩ Maataɣ, Maataɣ ñalʋlɩ Yakɔɔbʋ

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Maatiyee 16:20

Peeɖe Yesu paɣ́ ɛ-tɔmkpɛlɩkɩyaa se pataala nɛ nɔɔyʋ nɩɩ se ɛnʋ lɛ Weyi Ɛsɔ Lɩzaa Yɔ.

Maatiyee 2:13

Lɔŋsɩnɖaa ḿbá pɛɖɛwa lɛ, Kɩpaɣlʋ tiyiyu nɔɔyʋ lɩɩ Yozɛɛfʋ yɔɔ ɖoziye taa nɛ eheyi-i se: «Eroodi caɣ se ɛkʋ pɩɣa ŋ́gá. Pʋ-yɔɔ lɛ, kʋyɩ ŋkpaɣ ka nɛ ko-ɖoo nɛ ña nɛ wɛ ise iwolo Ejiptɩ nɛ ɩcaɣ peeɖe nɛ pʋkɔɔ pɩsɩɩnɩ alɩwaatʋ ndʋ́ meheyiɣ-ŋ se ɩpɩsɩ yɔ.»

Maatiyee 27:17

Pʋ-yɔɔ Pilaatɩ pɔzɩ ɛyáa samaɣ ŋgá kekpeɣlaa yɔ se: «[Yesu] Baraabaasɩ nɛ Yesu weyi payaɣ se Krɩstʋ yɔ, pa-taa weyi mi-liu wɛɛ se meyele?»

Maatiyee 27:22

Ɛlɛ́, ɛpɔzɩ-wɛ se: «Mala Yesu weyi payaɣ se Krɩstʋ yɔ ɛzɩma?» Pocosi-i patɩŋa se: «Kam-ɩ kaamaŋkaɣ yɔɔ!»

Maarkɩ 6:3

Pɩtɛkɛ ɛnʋ lɛ kuduyiŋ kanɖʋ naa we? Pɩtɛkɛ ɛnʋ lɛ Maarɩɩ pɩyalʋ? Yaa pɩtɛkɛ e-newaa lɛ Yakubu nɛ Yoosi nɛ Yuudi nɛ Siimɔɔ? Pɩtɛkɛ ɖa nɛ e-newaa halaa ñɩma ɖɩwɛnɩ cɩnɛ yɔ?» Pa-lɩmaɣza ana ayebina nɛ pa-laŋa wɛɛ kpɩzɩŋ nɛ petetisi Yesu tɔm.

Luka 1:27

Etiyi-i pɛlɛ nɔɔyʋ cɔlɔ. Pɛlɛ ɛnʋ, weyi esu-i yɔ, payaɣ-ɩ se Yozɛɛfʋ. Yozɛɛfʋ kɛ wiyaʋ sɔsɔ Daaviidi liɖe taa tʋ. Pɛlɛ ɛnʋ lɛ, payaɣ-ɩ se Maarɩɩ.

Luka 2:48

Ɛ-ñɩma na-ɩ ḿbʋ́ lɛ, pɩɖɩɣzɩ-wɛ ɖɩɣ ɖɩɣ nɛ e-ɖoo pɔzɩ-ɩ se: «Man-pɩɣa! Pɩlabɩ ɛzɩma nɛ ŋlabɩ-ɖʋ ḿbʋ́? Sɔɔndʋ kpa ma nɛ ña-caa siŋŋ nɛ ɖɩwɛ-ŋ ñɩnʋʋ yɔɔ.»

Luka 2:7

Peeɖe ɛlʋlɩ ɛ-kajalaɣ pɩɣa, kɛkɛ abalɩbɩɣa. Ɛlʋlɩ-kɛ wondu kalakʋ taa nɛ ɛɖʋ-kɛ pɩsaʋ taa nɛ ɛhɛzɩ-kɛ ɖenɖe paɖʋʋ wondu tɔɔnaɣ yɔ. Mbʋ́ pʋyɔɔ yɔ, pataahiɣ ɖɩsʋyɛ agɔmaa ɖɩɣa taa.

Luka 3:23

Yesu kɛwɛnɩ ɛzɩ pɩnzɩ niidozo yɔ nɛ pʋcɔ ɛpazɩ ɛ-tʋmɩyɛ. Ɛyáa maɣzaɣ se ɛkɛ Yozɛɛfʋ pɩyalʋ. Yozɛɛfʋ ñɛkɛ Helii pɩyalʋ,

Luka 4:22

Ɛyɔɔdɩ ḿbʋ́ lɛ, patɩŋa payɩɣyɩ-ɩ nɛ pɩlabɩ-wɛ piti nɛ lootiye tɔm ndʋ́ eheyi-wɛ yɔ nɛ pɔtɔŋ se: «Pɩtɛkɛ Yozɛɛfʋ pɩyalʋ yɔ?»

Yohanɛɛsɩ 4:25

Ɛlɛ́, halʋ ɛnʋ eheyi Yesu se: «Manawa se Weyi Ɛsɔ Lɩzaa yɔ ɛkɔŋ, ɛnʋ payaɣ se Krɩstʋ. Ɛkɔŋ lɛ, ɛlɩzɩ-ɖʋ pɩtɩŋa payɩ pʋ-tɔbʋʋ.»