Maarkɩ 8:34 - New Testament

³⁴ Pʋwayɩ lɛ, Yesu yaa ɛyáa samaɣ nɛ ɛ-tɔmkpɛlɩkɩyaa nɛ eheyi-wɛ se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ nɛ etisi nɛ ɛtɔɔ kʋñɔŋ siŋŋ.

Maarkɩ 8:34 ပူးပေါင်းရင်းမြစ်များ

Maatiyee 10:38

Weyi etetisi nɛ ɛtɔɔ kʋñɔŋ siŋŋ ɛzɩ ma yɔ yɔ, ɛtamʋna se ɛkɛ mɔn-tɔmkpɛlɩkɩyʋ.

Maatiyee 16:24

Pʋwayɩ lɛ, Yesu heyi ɛ-tɔmkpɛlɩkɩyaa se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ, etisi nɛ ɛtɔɔ kʋñɔŋ siŋŋ.

Maatiyee 27:32

Palɩɣaɣnɩ Yesu tɛtʋ wayɩ se pakam-ɩ lɛ, pakatɩ Siirɛɛnɩ abalʋ nɔɔyʋ nɛ pakpa-ɩ se ɛsɩɣlɩ Yesu kaamaŋkaɣ, payaɣ-ɩ se Siimɔɔ.

Maarkɩ 10:21

Yesu cɔnɩ-ɩ pɩŋŋ lɛ, ɛ-tɔm kɛdɩnɩ-ɩ nɛ eheyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Maarkɩ 7:14

Pʋwayɩ lɛ, Yesu tasɩ ɛyáa samaɣ kpeɣluu nɛ eheyi-kɛ se: «Mɩtɩŋa payɩ iwelesi nɛ ɩnɩɩ mɔn-tɔm camɩyɛ.

Luka 13:24

«Meheyiɣ-mɩ se: ɩñaɣ pana nɛ ɩtɩŋnɩ ɖɛɛmɛnɖɛɛ taa nɛ ɩsʋʋ nɛ ihiɣ wezuu. Mbʋ́ pʋyɔɔ yɔ, ɛyáa sakɩyɛ kɔŋ ñɩnʋʋ se pasʋʋ, ɛlɛ́, paapɩzɩɣ.

Luka 14:33

Peeɖe Yesu heyi-wɛ se: «Ḿbʋ́ ɖɔɖɔ mɩ-taa nɔɔyʋ ɛɛpɩzɩɣ ɛkɛ mɔn-tɔmkpɛlɩkɩyʋ nɛ eteyele mbʋ́ pɩtɩŋa payɩ ɛwɛna yɔ.»

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 20:45

Ɛyáa samaɣ tɩŋa welesaɣ Yesu tɔm ḿbʋ́ lɛ, eheyi ɛ-tɔmkpɛlɩkɩyaa se:

Luka 9:23

Pʋwayɩ lɛ, eheyi patɩŋa payɩ se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ nɛ etisi nɛ ɛtɔɔ kʋñɔŋ siŋŋ paa ɖooye.

Yohanɛɛsɩ 10:27

Me-heŋ nɩɣ mɔ-nɔɔ. Ma mansɩm-ɩ nɛ ɛ́lɛ́ ñatɩŋɩɣ-m.

Yohanɛɛsɩ 19:17

nɛ palɩzɩ-ɩ nɛ tɛtʋ wayɩ nɛ pasʋʋ ɛ-maɣmaɣ kaamaŋkaɣ. Powokaɣnɩ-ɩ se pakam-ɩ ɖenɖe payaɣ se Ñʋmbɔɔyaɣ lone yɔ. Payaɣ peeɖe nɛ Ebree taa se Goligota.

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Room 6:6

Đɩsɩm ɖeu se: wɛtʋ ndʋ́ ɖɩɩwɛna ɖooo lɔŋ yɔ, alɩwaatʋ ndʋ́ pakam Krɩstʋ kaamaŋkaɣ yɔɔ yɔ, pɛkpɛndɩnɩ-tʋ nɛ paka. Pɩlabɩ ḿbʋ́ se ɖɛ-wɛtʋ ńdʋ́, tɩtaatasɩ wɛnaʋ ɖoŋ ɖɔ-yɔɔ nɛ ɖɩtasɩ kɛʋ kɩwɛɛkɩm yomaa.

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

1 Kɔrɛntɩ 15:31

Taabalaa, ɛzɩma mbʋ́ mankʋndʋʋnɩ-mɩ ma nɛ Kɩpaɣlʋ Yesu Krɩstʋ ɖɛ-kpɛndʋʋ taa yɔ, ḿbʋ́ ɖɔɖɔ mɛwɛ sɩm nɔɔ taa paa ɖooye.

1 Kɔrɛntɩ 8:13

Pʋ-yɔɔ lɛ, yee tɔɔnaɣ ŋgá ka-taa wɛ kɩlaʋ nandʋ yɔ kɔ-tɔɔʋ eyekina se man-taabalʋ ɛtɔlɩ Ɛsɔ nʋmɔʋ taa yɔ, maatasɩɣ nandʋ tɔɔʋ kaʋ.

1 Kɔrɛntɩ 9:19

Paa mɛnkɛ weyi ɛwɛ ɛ-tɩ yɔɔ ɛyáa tɩŋa ɛsɩndaa yɔ, manpɩsɩ man-tɩ patɩŋa payɩ po-yom se manpɩzɩ mansɩnɩ ɛyáa sakɩyɛ nɛ pɛwɛnɩ lidaʋ Krɩstʋ yɔɔ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Galaatɩ 5:24

Mbá pɛkɛ Krɩstʋ Yesu ñɩma yɔ, pɛtɛm kpaɣʋ pa-lakasɩ kɩdɛkɛdɩsɩ nzɩ́ paasɔɔlɩ labʋ kpem yɔ sɩtɩŋa payɩ nɛ paka kaamaŋkaɣ yɔɔ.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.

Filiipu 3:10

Mbʋ́ pɩtɩŋa me-liu wɛɛ yɔ lɛ se: me-wezuu caɣʋ taa lɛ, mantɩlɩ Krɩstʋ nɛ mana ɖoŋ weyi efemnaa yɔ, nɛ mɔntɔɔ kʋñɔŋ ŋgʋ́ ɛtɔwaa yɔ nɛ mansɩ ɛzɩ ɛnʋ yɔ,

Filiipu 3:7

Ɛlɛ́, mbʋ́ pɩɩkɛnɩ-m kɛzɛɣa yɔ, Krɩstʋ yɔɔ lɛ, mankpakɩɣ-pʋ lɛɛlɛɛyɔ se pʋɖʋzɩ-m.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

2 Tesalooniki 3:11

Ŋgʋ́, ɖɩnɩɣ naɣ yɔ se mɩ-taa nabɛyɛ lakɩ fendu, mbʋ́ ɛzɩ paala tʋmɩyɛ lɛ, peyele panɩɣnɩ mbʋ́ pɩɩwazɩɣ pʋyʋ yɔ.

Tiiti 2:12

Eyebi ḿbʋ́ se ɛwɩlɩnɩ-ɖʋ se ɖiyele mbʋ́ e-liu fɛyɩ yɔ pɩ-labʋ nɛ kedeŋa yɔɔ ñɩm sɔɔlʋʋ. Peeɖe ɖɩɖɔkʋʋ ɖa-tɩ nɛ ɖɩcaɣ wezuu ŋgʋ́ kʋtʋʋzaa nɛ kɩkɛdɩnɩ Ɛsɔ ɛnʋ yɔ.

Ebree 13:13

Pʋ-yɔɔ lɛ, ɖɩlɩɩ ɖiwolo ɛ-cɔlɔ tɛtʋ koloŋa wayɩ peeɖe nɛ ɖa nɛ ɩ ɖɩkpɛndɩ ɖɩtɔɔ ɛ-fɛyɛ.

1 Pɩyɛ 4:1

Ɩtɛm naʋ se Krɩstʋ nɩ siziŋ e-tomnaɣ taa. Ɩmaɣzɩ pʋ-yɔɔ nɛ ɩkpa ɖoŋ. Mbʋ́ pʋyɔɔ yɔ, weyi ɛnɩ siziŋ e-tomnaɣ taa yɔ, ɛha kɩwɛɛkɩm siɣ́ye

1 Pɩyɛ 4:13

Ɛlɛ́, pʋwɛɛ se mɩ-laŋa ɛhʋlʋmɩ se mɩ nɛ Krɩstʋ ɩtɔkɩnɩ kʋñɔŋ. Mbʋ́ pʋyɔɔ yɔ, ḿbʋ́ yekina nɛ mɩ-laŋa tɛzɩ hʋlʋmʋʋ ɖɔɖɔ siŋŋ puwiye nɖɩ́ ɛlɩzɩɣ e-koboyaɣ nɛ ɛwɩlɩ ɛyáa yɔ.

2 Pɩyɛ 1:14

Mbʋ́ pʋyɔɔ yɔ, manawa se pɩkazɩ pazɩ yem mankʋyʋʋ kedeŋa yɔɔ cɩnɛ ɛzɩ ɖa-Kɩpaɣlʋ Yesu Krɩstʋ heyuu-m yɔ.

1 Yohanɛɛsɩ 3:16

Mbʋ́ pɩwɩlɩɣ-ɖʋ sɔɔlɩm yɔ lɛ se: Yesu Krɩstʋ tisaa nɛ ɛsɩ ɖɔ-yɔɔ. Pʋ-yɔɔ lɛ, pʋwɛɛ se ɖa ɖɔɖɔ ɖɩsɩ ɖa-taabalaa yɔɔ.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.