Maarkɩ 7:4 - New Testament

⁴ Yee palɩnɩ kɩyakʋ nɛ pɔtɔsɔ lɩm yɔ, paatɔkɩ. Pañalɩɣ caɖasɩ nɛ ɖeɣsi nɛ ñɩɣtʋ wondu nɛ palakɩ lakasɩ lɛɛsɩ sakɩyɛ ɛzɩ caánaʋ́ taa ñɩma yɔ.

Maarkɩ 7:4 ပူးပေါင်းရင်းမြစ်များ

Maatiyee 23:25

«Paɣtʋ wɩlɩyaa nɛ Farɩsɩ ñɩma mɩ, ɩkɛ tɛɛ nɛ pʋ-yɔɔ ñɩma, pʋtɔɔ-mɩ! Mbʋ́ pʋyɔɔ yɔ, ɩwɛ ɛzɩ mbá pañalɩɣ pa-ñanzɩ nɛ pe-eyisi sɩ-wayɩ ɖeke nɛ paañalɩɣ sɩ-taa yɔ. Ɩcaɣ se mɩ-yɔɔ ɛwɛɛ ɖeu, ŋgʋ́, mɩlɩm nɛ pɩtɩŋa pɩ-taa niye ɖɛlɛsʋʋ pa-lɩmaɣza suni mɩ-taa ɖo.

Maatiyee 23:26

Farɩsɩ ñɩma, yʋlʋmaa mɩ! Ɩcalɩnɩ mɩ-ñanzɩ nɛ mi-eyisi pa-taa ñalʋʋ, pʋbʋ pa-wayɩ wɛɣ cɩɖɩcɩɖɩ ɖɔɖɔ.

Maatiyee 27:24

Pilaatɩ nawa se paa ɛwɛɛ ɛyɔɔdʋʋ, pɩɩlɛɣzɩɣ pʋyʋ, ɛlɛ́, pɩtɛzɩɣ miŋ saʋ kɩsaʋ. Alɩwaatʋ ńdʋ́ʋ́ etiyaa se pɔkɔnɩ-ɩ lɩm. Pɔkɔnɩ-pʋ lɛ, ɛsɩŋ ɛyáa ɛsɩndaa nɛ ɛsaŋ e-nesi nɛ ɛtɔ se: «Pɩtɛkɛ mɔntɔmna se pakʋ ɛyʋ kʋtʋʋzʋ ɛnɛ! Mɩ-cɔlɔ lɛ!»

Maarkɩ 7:8

Peeɖe Yesu heyi-wɛ se: «Iyebi Ɛsɔ paɣtʋ nɛ ɩnɩɣnɩ ndʋ́ ɛyáa maɣmaɣ ɖʋwa yɔ.»

Yohanɛɛsɩ 2:6

Pulona naayɛ loɖo kɛwɛ peeɖe nɛ Yuda ñɩma ɖʋʋ a-taa lɩm nɛ palakɩna pa-cɩɖɩcɩɖɩ wɛtʋ sɔnzɩ. Papɩzaɣ se paɖʋ paa nɖɩ́ ɖɩ-taa ɛzɩ lɩm litanaa mɩnʋʋ yɔ.

Yohanɛɛsɩ 3:25

Yohanɛɛsɩ tɔmkpɛlɩkɩyaa taa nabɛyɛ nɛ Yuda tʋ nɔɔyʋ, pɔhɔŋaɣnɩ ɖama tɔm cɩɖɩcɩɖɩ wɛtʋ sɔnzɩ yɔɔ.

Ebree 9:10

Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

Yakubu 4:8

Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.