Maarkɩ 6:2 - New Testament

² Pɩtalɩ kɩyakʋ kɩhɛzʋʋ wiye lɛ, ɛpazɩ Ɛsɔtɔm susuu Ɛsɔ ɖɩsɛyɛ taa. Ɛyáa sakɩyɛ nɩ-tʋ lɛ, pɩlabɩ-wɛ piti nɛ pɔtɔŋ se: «Le ɛlɩ lɔŋ ɛnʋ ɛ-yɔɔ nɛ ɛwɩlɩɣnɩ ɛyáa nɛ ɛlakɩ Ɛsɔ hama lakasɩ?

Maarkɩ 6:2 ပူးပေါင်းရင်းမြစ်များ

Maatiyee 4:23

Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 7:28

Yesu tɛm ɛ-tɔmkpɛlɩkɩyaa sakɩyɛ yɔɔdɩnaʋ ḿbʋ́ lɛ, pɩlabɩ-wɛ piti pɩŋŋ nɛ ɛzɩma mbʋ́ ɛwɩlaɣ-wɛ yɔ.

Maarkɩ 1:39

Peeɖe ɛpazɩ cɔʋ Galilee egeetiye tɩŋa taa nɛ esusuu Ɛsɔtɔm Ɛsɔ ɖɩsɛyɛ ndɩ ndɩ taa nɛ ɛɖɔɔnʋʋ aleewaa ɖɔɖɔ ɛyáa wayɩ.

Maarkɩ 10:1

Yesu tɛm-wɛ wɩlʋʋ ḿbʋ́ lɛ, ɛkʋyɩ ewolo Yudee egeetiye taa nɛ ɛtɛzɩ Yɔɔrdaŋ pɔɔ wayɩ. Ɛtɛzaa lɛ, ɛyáa samaɣ tasɩ kpeɣluu ɛ-cɔlɔ nɛ ɛpazɩ-wɛ wɩlʋʋ ɛzɩ ɛtɩɩlakʋʋ yɔ.

Luka 2:47

Ɛyáa mbá paawɛ peeɖe nɛ pewelesiɣ yɔ, panɩ ḿbʋ́ lɛ, pɩla patɩŋa piti nɛ ɛ-lɛɣtʋ nɛ ɛ-tɔm cosuu.

Luka 4:15

Ɛwɩlaɣ Ɛsɔtɔm Ɛsɔ ɖɩsɛyɛ ndɩ ndɩ taa nɛ ɛyáa tɩŋa payɩ yɩɣyɩɣ-ɩ.

Yohanɛɛsɩ 6:42

Peeɖe pɔpɔzaɣ pa-tɩ se: «Pɩtɛkɛ ɛnʋ lɛ Yozɛɛfʋ pɩyalʋ Yesu? Đɩsɩm ɛ-caa nɛ e-ɖoo, ɛzɩma ɛpɩzɩɣ ɛyɔɔdɩ lɛɛlɛɛyɔ se ɛlɩnɩ ɛsɔdaa nɛ etii» yɔ?

Yohanɛɛsɩ 7:15

Peeɖe pɩɖɩɣzɩ Yuda ñɩma nɛ pɔtɔŋ se: «Ɛnɛ, pɛtɛkpɛlɩkɩ-ɩ lɛ, ɛzɩma ɛlaba nɛ ɛtɩlɩ ḿbʋ́?»