Maarkɩ 6:12 - New Testament

¹² Peeɖe Yesu tɔmkpɛlɩkɩyaa ḿbá pɛɖɛwa nɛ papazɩ ɛyáa Ɛsɔtɔm susuu se pɛlɛɣzɩ wɛtʋ.

Maarkɩ 6:12 ပူးပေါင်းရင်းမြစ်များ

Maatiyee 11:1

Yesu tɛm ɛ-tɔmkpɛlɩkɩyaa hiu nɛ naalɛ kɛdʋʋ mbʋ́ etiyiɣ-wɛ se pala yɔ lɛ, ɛɖɛɛ nɛ ɛcɔʋ tɛtʋ ndɩ ndɩ ndʋ́ tɩwɛ egeetiye ńɖɩ́ ɖɩ-taa yɔ tɩ-taa nɛ ɛwɩlɩɣ nɛ esusuu ɛyáa Ɛsɔtɔm.

Maatiyee 11:20

Pʋwayɩ lɛ, Yesu pazɩ kalʋʋ tɛtʋ ndɩ ndɩ ndʋ́ tɩ-taa ɛɛkɩlɩ labʋ hama lakasɩ yɔ tɩ-taa ñɩma. Mbʋ́ pʋyɔɔ yɔ, pɛtɛlɛɣzɩ wɛtʋ, ɛkalɩ-wɛ se:

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 3:8

Ɩla lakasɩ nzɩ́ sɩwɩlɩɣ se ɩlɛɣzɩ wɛtʋ yɔ.

Maatiyee 4:17

Yesu talɩ Kapɛrnayum lɛ, ɛpazɩ Ɛsɔtɔm susuu nɛ eheyiɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ!»

Maatiyee 9:13

Iwolo ɩñɩnɩ Ɛsɔtɔm Takayaɣ taa tɔm ndʋ́ pamawa yɔ tɩ-tɔbʋʋ. Ńdʋ́ lɛ se: ‹Ma Ɛsɔ mɔntɔsɔɔlɩ mɩ-kɩlaŋ, ɛlɛ́, me-liu wɛɛ se ɩna ɖama pʋtɔdɩyɛ.› » Yesu tasɩ yɔɔdʋʋ se: «Pɩtɛkɛ mbá pamaɣzɩɣ se pɛkɛ kʋtʋʋzaa yɔ pa-wayɩ mɔnkɔma. Ɛlɛ́, mbá pasɩm pa-tɩ se pɛkɛ kɩwɛɛkɩm laɖaa yɔ pa-wayɩ mɔnkɔm se pɛlɛɣzɩ wɛtʋ.»

Maarkɩ 1:15

Ɛtɔŋaɣ se: «Lɛɛlɛɛyɔ, alɩwaatʋ talaa se Ɛsɔ Kewiyaɣ ɛkɔɔ. Pʋ-yɔɔ lɛ, ɩlɛɣzɩ wɛtʋ nɛ itisi ɛ-Laŋhɛzɩyɛ Tɔm.»

Maarkɩ 1:3

Tɩpazɩ ɖɔɖɔ ɛzɩ pamaʋ ka-taa se nɔɔyʋ susuu lakʋ taa se: Pɔñɔɔzɩ Kɩpaɣlʋ nʋmɔʋ! Pala nɛ kʋtʋʋzɩ camɩyɛ» yɔ.

Luka 13:3

Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩsɩkɩ mɩtɩŋa ɛzɩ pasɩbʋ ɖɔɖɔ yɔ.

Luka 13:5

Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩkɔŋ sɩbʋ mɩtɩŋa payɩ ɛzɩ ḿbá yɔ.»

Luka 15:10

Meheyiɣ-mɩ se ḿbʋ́ ɖɔɖɔ pʋwɛɛ: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ tiyiyaa laŋa hʋlʋmʋʋ ɖeu.»

Luka 15:7

Meheyiɣ-mɩ se ḿbʋ́ ɖɔɖɔ pʋwɛ ɛsɔdaa: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ nɛ e-tiyiyaa pa-laŋa hʋlʋmʋʋnɩ-ɩ nɛ pɩkɩlɩ ɛyáa kʋɖʋm fɛyɩ mɩnʋʋ mbá pamaɣzɩɣ se pɛkɛ kʋtʋʋzaa nɛ pʋtɔpɔzɩ se pɛlɛɣzɩ wɛtʋ yɔ.»

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Luka 9:6

Peeɖe tɔmkpɛlɩkɩyaa ḿbá pɛɖɛwa nɛ pɔcɔʋ tɛtʋ cikpetu ndɩ ndɩ taa nɛ posusuu Laŋhɛzɩyɛ Tɔm nɛ palakɩ nɛ kʋdɔndɩnaa yɔɔ cɛkɩ paa le.»

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 2:38

Ɛ́lɛ́ cosi-wɛ se: «Ɩlɛɣzɩ wɛtʋ nɛ pala paa mɩ-taa weyi lɩm sɔʋ sɔnzɩ Yesu Krɩstʋ hɩɖɛ taa nɛ pekpeɣ-mɩ mɩ-kɩwɛɛkɩm. Peeɖe Ɛsɔ haɣ-mɩ e-Fezuu Kiɖeɖeu.

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

Tʋma Labʋ 26:20

Ɛlɛ́, Damaasɩ ñɩma manpazɩnɩ Ɛsɔtɔm susuu. Pʋwayɩ lɛ, monsusi-tʋ ɖɔɖɔ Yeruusalɛm ñɩma nɛ Yudee egeetiye taa ñɩma tɩŋa nɛ ajɛya lɛɛna taa ñɩma. Meheyi-wɛ se pɛlɛɣzɩ wɛtʋ nɛ papɩsɩnɩ Ɛsɔ yɔɔ nɛ pala mbʋ́ pɩwɩlɩɣ se toovenim pɛlɛɣzɩ wɛtʋ yɔ.

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.