Maarkɩ 5:23 - New Testament

²³ ewiini-i cɔɔɔ se ewolo ɛtɩnɩ ɛ-pɩɣa peliɣa yɔɔ nesi nɛ kɔ-yɔɔ cɛ. Mbʋ́ pʋyɔɔ yɔ, kacaɣ sɩbʋ.

Maarkɩ 5:23 ပူးပေါင်းရင်းမြစ်များ

Maatiyee 8:3

Peeɖe Yesu posi e-nesi nɛ etukuni-kɛ nɛ eheyi-kɛ se: «Mentisaa! Pɩsɩ ɛyʋ weyi ɛmʋnaa yɔ.» Ɛyɔɔdɩ ḿbʋ́ lɛ, kɔ-yɔɔ tɩcɛbʋ.

Maarkɩ 16:18

Papɩzɩɣ pakpa ɖʋmaa mbá pañasɩɣ ɛyáa nɛ pasɩkɩ yɔ nɛ pe-nesi nɛ pɔñɔɔ mbʋ́ pʋkʋʋ ɛyáa yɔ ɖɔɖɔ, ɛlɛ́, pɩɩlakɩ-wɛ pʋyʋ. Patɩnɩɣ kʋdɔndɩnaa yɔɔ nesi ɖɔɖɔ nɛ pɔ-yɔɔ cɛ.»

Maarkɩ 5:24

Peeɖe ɛ nɛ Yesu pakpaɣ nʋmɔʋ se powoki ɛ-tɛ. Pɛɖɛɣaɣ lɛ, ɛyáa sakɩyɛ tɩŋɩɣ pa-wayɩ nɛ pañɩkɩɣ ɖama nɛ pɛkpɛndɩɣnɩ Yesu.

Maarkɩ 6:13

Pɔɖɔɔnaɣ aleewaa ɛyáa sakɩyɛ wayɩ nɛ pataɣ kʋdɔndɩnaa sakɩyɛ num nɛ pa-kʋdɔmɩŋ cɛkɩ.

Maarkɩ 7:32

Peeɖe powoni ndam kaayɔɔdaɣ nakɛyɛ nɛ pewiini-i se ɛtɩnɩ nesi kɔ-yɔɔ nɛ kɔ-yɔɔ cɛ.

Maarkɩ 8:23

Ɛlɛ́, Yesu kpa e-nesi taa nɛ ɛhɔm-ɩ ɛlɩzɩ-ɩ tɛtʋ kɩjaʋ yɔɔ nɛ elii ndaatʋ nɛ ɛtaa yʋlʋm ɛnʋ ɛ-ɛsɛ nɛ ɛtɩnɩ e-nesi ɛ-yɔɔ nɛ ɛpɔzɩ-ɩ se: «Ɛbɛ ŋnaɣ?»

Luka 13:13

Peeɖe ɛtɩnɩ halʋ ɛnʋ ɛ-yɔɔ nesi nɛ ɛ́lɛ́ tɩsɩŋ yiɣ yiɣ nɛ ɛpazɩ Ɛsɔ sam.

Luka 4:38

Yesu lɩnɩ Ɛsɔ ɖɩsɛyɛ taa lɛ, ewolo Siimɔɔ tɛ. Kɩnamɩyɛ kɔɖɔkɩ Siimɔɔ yɔsɔ siŋŋ nɛ petendi Yesu se ɛla nɛ ɛ-yɔɔ cɛ.

Luka 4:40

Wɩsɩ ɖʋwa lɛ, mbá patɩŋa paawɛnɩ kʋdɔndɩnaa ndɩ ndɩ yɔ, powoni-wɛ Yesu cɔlɔ nɛ ɛtɩnɩ e-nesi paa weyi ɛ-yɔɔ nɛ ɛ-yɔɔ cɛ.

Luka 7:12

Pɔñɔtɩnɩ-tʋ lɛ, pakatɩ ɛyáa samaɣ nakɛyɛ, kowokaɣnɩ sɩɖʋ nɔɔyʋ pim, ɛɛkɛ lelu nɔɔyʋ pɩɣa ɛgbamɩyɛ.

Yohanɛɛsɩ 11:3

Pʋ-yɔɔ halaa ḿbá pa-naalɛ petiyaa se peheyi Yesu se: «Kɩpaɣlʋ! Pɩwɩɣ weyi ŋsɔɔlɩ-ɩ yɔ.»

Tʋma Labʋ 28:8

Alɩwaatʋ ńdʋ́ lɛ, kɩnamɩyɛ nɛ anɩza paakpa wiyaʋ Publiyuusi caa nɛ ɛhɛnɩ. Pɔɔlɩ nɩ ḿbʋ́ lɛ, ɛsʋʋ ɛ-cɔlɔ nɛ ɛtɩnɩ ɛ-yɔɔ nesi nɛ ɛsɛɛ Ɛsɔ nɛ ɛ-yɔɔ cɛ.

Tʋma Labʋ 6:6

Pɛtɛm-wɛ lɩzʋʋ ḿbʋ́ lɛ, powoni-wɛ tiyiyaa ḿbá pɔ-cɔlɔ nɛ paba sɛɛ pɔ-yɔɔ Ɛsɔ nɛ patɩnɩ pɔ-yɔɔ nesi.

Tʋma Labʋ 8:17

Peeɖe Pɩyɛ nɛ Yohanɛɛsɩ patɩnɩ pɔ-yɔɔ nesi nɛ petendi Ɛsɔ nɛ ɛ́lɛ́ ha-wɛ e-Fezuu Kiɖeɖeu.

Tʋma Labʋ 9:12

Ɛsɛɣaɣ ḿbʋ́ lɛ, pɩwɩlɩ-ɩ ɖoziye taa abalʋ nɔɔyʋ, payaɣ-ɩ se Anaanɩyaasɩ, ɛsʋwa ɛtɩnɩ ɛ-yɔɔ nesi se ɛ-ɛsɛ ekuli.»

Tʋma Labʋ 9:17

Peeɖe Anaanɩyaasɩ kpaɣ nʋmɔʋ nɛ ɛkɔɔ ɛtalɩ Yudaasɩ tɛ. Ɛsʋ ɖɩɣa lɛ, ɛmaɣnɩ Sɔɔlɩ ɛnʋ nɛ ɛtɩnɩ ɛ-yɔɔ nesi nɛ eheyi-i se: «Man-taabalʋ Sɔɔlɩ! Kɩpaɣlʋ Yesu weyi ɛlɩzɩ ɛ-tɩ nɛ ɛwɩlɩ-ŋ alɩwaatʋ ndʋ́ ŋkɔŋaɣ yɔ, etiyini-m se mɔnkɔɔ mala nɛ ñɛ-ɛsɛ kuli nɛ Fezuu Kiɖeɖeu tii ñɔ-yɔɔ.»