Maarkɩ 4:34 - New Testament

³⁴ Eteheyiɣ-wɛ natʋyʋ yem nɛ pɩtasɩnɩ aduwa tuuu. Ɛ nɛ ɛ-tɔmkpɛlɩkɩyaa pɛwɛɣ pe-ɖeke lɛ, ɛlɩzɩɣ-wɛ atɩŋa a-tɔbʋʋ.

Maarkɩ 4:34 ပူးပေါင်းရင်းမြစ်များ

Maatiyee 13:34

Yesu heyaɣ ɛyáa samaɣ tɔm ndʋ́ tɩtɩŋa payɩ nɛ aduwa taa. Ɛtaayɔɔdʋʋnɩ-wɛ natʋyʋ yem nɛ pɩtɛkɛnɩ aduwa taa.

Maarkɩ 4:10

Yesu nɛ ɛ-tɔmkpɛlɩkɩyaa hiu nɛ naalɛ nɛ mbá paawɛ ɛ-cɔlɔ yɔ, palɩ ɛyáa samaɣ taa nɛ potuzi pa-tɩ lɛ, pɔpɔzɩ-ɩ se ɛlɩzɩ-wɛ aduwa ana a-tɔbʋʋ.

Maarkɩ 4:33

Ḿbʋ́ Yesu heyaɣ-wɛ tɔm tɩŋa nɛ aduwa taa. Ɛwɩlaɣ ɛyáa mbá pekpeɣli ɛ-cɔlɔ yɔ ndʋ́ papɩzaɣ se panɩɩ yɔ.

Luka 24:27

Pʋwayɩ lɛ, ɛkɛdɩ-wɛ ɖenɖe ɖenɖe paama ɛ-tɔm Ɛsɔtɔm Takayaɣ taa yɔ nɛ ɛlɩzɩ-wɛ tɩ-tɔbʋʋ. Ɛpazɩnɩ Mooyiizi takayɩsɩ nɛ ɛkɔɔ ɛtɛzɩnɩ náyaa ñɩnzɩ tɩŋa.

Yohanɛɛsɩ 10:6

Yesu tuu-wɛ eduuye ńɖɩ́, ɛlɛ́, patanɩɩ ndʋ́ ɛcaɣaɣ-wɛ heyuu yɔ.

Yohanɛɛsɩ 16:25

Yesu tasɩ ɛ-tɔmkpɛlɩkɩyaa heyuu se: «Meheyi-mɩ tɔm ńdʋ́ tɩtɩŋa nɛ aduwa taa. Alɩwaatʋ natʋyʋ kaɣ kɔm nɛ maatasɩɣ-mɩ yɔɔdɩnaʋ ḿbʋ́. Ɛlɛ́, meheyiɣ-mɩ Caa tɔm kpayɩ.

Tʋma Labʋ 28:23

Peeɖe Pɔɔlɩ nɛ ɛyáa ḿbá paɖʋ kɩyakʋ se pakatɩ ɖama. Pɩtalɩ ki-wiye lɛ, powolo sakɩyɛ ɛ-tɛ nɛ ɛkɛdɩ-wɛ Ɛsɔ Kewiyaɣ tɔm wɩsɩ nɛ sikpem: ɛtɩŋaɣnɩ Mooyiizi paɣtʋ nɛ náyaa takayɩsɩ taa tɔm pɔ-yɔɔ nɛ ɛñɩnɩɣ se petisi Yesu tɔm.