Maarkɩ 4:19 - New Testament

¹⁹ kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩcɛtɩɣ ɛyáa yɔ pɩ-lɩmaɣza nɛ mbʋ́ mbʋ́ ɛyáa liu wɛɛ se pɛwɛna kpem yɔ pɩ-lɩmaɣza sʋʋ pa-taa nɛ pɩɖɩɣ-tʋ nʋmɔʋ nɛ paawɛɣnɩ kɛzɛɣa.

Maarkɩ 4:19 ပူးပေါင်းရင်းမြစ်များ

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Maatiyee 19:23

Peeɖe Yesu heyi ɛ-tɔmkpɛlɩkɩyaa se: «Toovenim lɛ, mankaɖɩɣ-mɩ se: pʋwɛ kaɖɛ kpem se ñɩm tʋ ɛsʋʋ Ɛsɔ Kewiyaɣ taa.

Maatiyee 3:10

Peeɖe etuu-wɛ eduuye se: «Halɩ pɛtɛm kpaɣʋ laɖɩyɛ se pɛsɛtɩɣ tɩŋ nɛ ɩ-tɛɛ: tɩʋ ŋgʋ́ kɩɩlʋlʋʋ pee kɩbana yɔ, pɛsɛtɩɣ-kʋ nɛ paɖʋ miŋ taa.»

Maarkɩ 4:18

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ,

Luka 10:41

Peeɖe Kɩpaɣlʋ cosi-i se: «Maarta! Maarta! Ŋkɩlɩɣ ña-tɩ kʋʋ wondu sakɩyɛ yɔɔ nɛ pɩcɛyɩɣ-ŋ.

Luka 21:34

Pʋwayɩ lɛ, Yesu tasɩ-wɛ heyuu se: «Ɩkpa mɩ-tɩ camɩyɛ, ɩɩtaanɩɩnɩ yem yem labʋ nɛ sʋlʋm kpaŋʋʋ nɛ kedeŋa lɩmaɣza wena akʋʋ ɛyáa yɔ. Pɩtɛkɛ ḿbʋ́, tɔm hʋʋ kɩyakʋ kɔŋ kutudi-mɩ

Yohanɛɛsɩ 15:2

Ɛsɛtɩɣ pilinzi nzɩ́ sɩwɛ mɔ-yɔɔ nɛ sɩɩlʋlʋʋ yɔ nɛ piyele ɛñɔɔzɩ nzɩ́ sɩlʋlʋʋ yɔ camɩyɛ nɛ sɩtɛzɩ lʋlʋʋ.

Room 12:2

Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 6:12

Pɩtɛkɛ ɛyáa pʋwɛɛ se ɖiyoona. Ɛlɛ́, ɛsɔdaa ɖoŋ tɩŋa payɩ nɛ kedeŋa yɔɔ cɩnɛ cɩkpɛndʋʋ tɛɛ awiya nɛ feziŋ kɩdɛkɛdɩŋ pʋwɛɛ se ɖiyoona.

Filiipu 4:6

Ɩtaanɩɣzɩ kaʋ. Ɛlɛ́, paa mbʋ́ pɩ-taa lɛ, ɩtɩŋnɩ Ɛsɔ sɛʋ nɛ e-tenduu pɔ-yɔɔ nɛ ɛpɔzɩ-ɩ nɛ ɛsɩmɩyɛ mbʋ́ pɩtɩŋa pɩtɛɖɩɣ-mɩ yɔ.

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

2 Timootee 4:10

Mbʋ́ pʋyɔɔ yɔ, Demaasɩ kɩlɩ sɔɔlʋʋ mbʋ́ pʋwɛ kedeŋa yɔɔ cɩnɛ yɔ nɛ ese mɔn-cɔlɔ nɛ ɛɖɛɛ Tesalooniki. Krɛɛsaɣ ñowobi Galaasii nɛ piyele Tiiti ñowolo Dalmaasii.

2 Pɩyɛ 1:8

Toovenim lɛ, wɛtʋ ńdʋ́ʋ́ pʋwɛɛ se ɩwɛna nɛ iyele tɩɖɛɛnɩ ɛsɩndaa. Peeɖe mɩ-tʋmɩyɛ labʋ tɛzɩɣ ɖɛʋ nɛ ɛsɩndaa nɛ ɩtɛzɩ tɩlʋʋ ɖa-Kɩpaɣlʋ Yesu Krɩstʋ camɩyɛ.

Yuudi 1:12

Ɛyáa ḿbá, alɩwaatʋ ndʋ́ ikpeɣliɣ ɖama nɛ ɩkpɛndɩɣ ɩtɔkɩ tɔɔnaɣ se pɩwɩlɩ se ɩsɔɔlɩ ɖama yɔ, pa-lakasɩ kpaɣ-mɩ fɛyɛ. Mbʋ́ pʋyɔɔ yɔ, pɛɖɛlɛsɩɣ niye alɩwaatʋ ndʋ́ pɔtɔkɩ kazandʋ yɔ, fɛyɛ ɛɛkpaɣ-wɛ. Pamaɣzɩɣ pa-maɣmaɣ pa-tɩ yɔɔ ɖeke. Pɛwɛ ɛzɩ mɩndʋ ndʋ́ heɣlim kpakɩɣ nɛ tiiyeki se tɛʋ ɛnɩɩ yɔ. Pɛwɛ ɖɔɖɔ ɛzɩ tɩŋ weyi ɩɩlʋlʋʋ pee nɛ halɩ pɩkpɛndɩnɩ ɩ-lʋlʋʋ alɩwaatʋ yɔ. Pɛwɛ ɛzɩ tɩŋ weyi ɩwɩlaa nɛ pɛkpɛzɩ-ɩ yɔ.