Maarkɩ 2:18 - New Testament

¹⁸ Kɩyakʋ nakʋyʋ Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa nɛ Farɩsɩ ñɩma pɔhɔkaɣ nɔɔ. Peeɖe ɛyáa woba nɛ pɔpɔzɩ Yesu se: «Pɩlabɩ ɛzɩma Farɩsɩ ñɩma tɔmkpɛlɩkɩyaa nɛ Yohanɛɛsɩ ñɩma pɔhɔkʋʋ nɔɔ nɛ ña-ñɩma ñaahɔkʋʋ?»

Maarkɩ 2:18 ပူးပေါင်းရင်းမြစ်များ

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Maatiyee 6:16

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:18

nɛ ɛyáa ɛtaatɩlɩ se ŋhɔkʋʋ nɔɔ. Ɛlɛ́, ña-Caa weyi paanaɣ-ɩ yɔ, ɛnʋ naɣna mbʋ́ pʋwɛ mɛsaɣ tɛɛ yɔ nɛ ɛkɔɔ ɛhɛyɩ-ŋ.»

Maarkɩ 2:19

Peeɖe Yesu cosi-wɛ se: «Ɩmaɣzɩɣ se mbá payaɣ-wɛ halɩkpaɣyɛ kazandʋ ɖeɖe yɔ, powoki pacaɣ ñɔɔsɩ halʋ kɩfalʋ walʋ ɛsɩndaa yaa we? Pɩɩlakɩ ḿbʋ́.

Luka 18:12

Kpɩtaʋ taa lɛ, kɩyakɩŋ naalɛ mɔhɔkʋʋ nɔɔ. Mbʋ́ pɩtɩŋa mehikiɣ yɔ, mantayɩɣ-pʋ tam hiu nɛ mahaɣ-ŋ hɔɔlʋʋ kʋɖʋmʋʋ.›

Room 10:3

Toovenim lɛ, patakpaɣ ɛzɩma mbʋ́ Ɛsɔ pɩsɩɣ ɛyáa kʋtʋʋzaa yɔ nɛ payaa pʋyʋ nɛ pa-maɣmaɣ pañɩnɩɣ mbʋ́ paala nɛ papɩsɩ kʋtʋʋzaa yɔ. Pʋ-yɔɔ pɔtɔɖɔ ɛzɩma mbʋ́ Ɛsɔ pɩsɩɣ ɛyáa kʋtʋʋzaa yɔ pʋ-yɔɔ.