Maarkɩ 14:6 - New Testament

⁶ Peeɖe Yesu heyi-wɛ se: «Iyele halʋ ɛnʋ ɖiɣ ɖiɣ. Ɛbɛ yɔɔ ɩcɛyɩɣ-ɩ ḿbʋ́? Mbʋ́ ɛlabɩ-m yɔ, pʋwɛ ɖeu.

Maarkɩ 14:6 ပူးပေါင်းရင်းမြစ်များ

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

Ebree 10:24

Đɩmaɣzɩ ɖama yɔɔ nɛ pɩlabɩ-ɖʋ hʋnʋm nɛ ɖɩtɛzɩ ɖama sɔɔlʋʋ nɛ ɖɩla tʋma kɩbana.

Tiiti 3:14

Pʋwɛɛ ɖɔɖɔ se ɖa-taa ñɩma ɛkpɛlɩkɩ ɛzɩma mbʋ́ paaka pa-ñʋŋ nɛ pala tʋma kɩbana ɛzɩ pʋpɔzʋʋ yɔ nɛ papɩzɩ pala ɛyáa mbʋ́ pʋpɔzʋʋ-wɛ yɔ. Ḿbʋ́ yekina nɛ paakɛɣ mbá pɛfɛyɩ wazaɣ yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

2 Timootee 2:21

Ḿbʋ́ pʋwɛnɩ ɛyáa: yee nɔɔyʋ eyebi azuluma lakasɩ yɔ, ɛwɛɣ ɛzɩ ñanaɣ ŋgá paɖʋʋ ka-taa mbʋ́ pʋwɛ wazaɣ yɔ. Pɛkɛzɩɣ-ɩ nɛ hɔɔlʋʋ se ɛkɛ ɛ-caa ñɩnʋ nɛ ɛwɛɛ-ɩ wazaɣ. Ɛwɛɛ se palabɩnɩ-ɩ paa tʋmɩyɛ kɩbanɖɛ nɖɩ́.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Tʋma Labʋ 9:36

Halʋ nɔɔyʋ kɛwɛ Yopee tɛtʋ taa, payaɣ-ɩ se Tabɩɩta. Pɛɖɛzɩɣ hɩɖɛ ńɖɩ́ nɛ Grɛɛkɩ ñɩma kʋnʋŋ taa se: «Dɔɔrkaasɩ.» Pʋ-tɔbʋʋ se nɛnzɛm. Ɛɛkɛ Krɩstʋ wayɩ tɩŋɩyʋ nɛ ɛlakɩ camɩyɛ pɩtɩɩfɛyɩ nɛ ɛsɩŋnɩ kʋñɔndɩnaa.

Maatiyee 26:10

Pɔyɔɔdɩ ḿbʋ́ lɛ, Yesu nɩɩ nɛ ɛpɔzɩ-wɛ se: «Ɛbɛ yɔɔ ɩcɛyɩɣ halʋ ɛnʋ ḿbʋ́? Mbʋ́ ɛlabɩ-m yɔ, pʋwɛ ɖeu.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

2 Timootee 3:17

Pɩlakɩ ḿbʋ́ se Ɛsɔ ɛyʋ ɛtɛzɩ pɩʋ nɛ ɛwɛnɩ mbʋ́ ɛɛlabɩnɩ paa tʋmɩyɛ kɩbanɖɛ nɖɩ́ yɔ.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

2 Tesalooniki 2:17

pɛhɛzɩ mɩ-laŋa nɛ peyele ɩtɛzɩ kpaʋ ɖoŋ nɛ ɩla mbʋ́ pɩtɩŋa pʋwɛ ɖeu yɔ mɩ-lakasɩ nɛ mɩ-yɔɔdaɣ pa-taa.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

2 Kɔrɛntɩ 10:18

Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

2 Kɔrɛntɩ 9:8

Ɛsɔ pɩzɩɣ ɛha-mɩ pɩtɩŋa payɩ nɛ pɩkɩlɩ. Peeɖe ɩwɛɣnɩ mbʋ́ pɩtɩŋa payɩ pʋpɔzʋʋ-mɩ yɔ alɩwaatʋ tɩŋa nɛ ɩlabɩnɩ tʋma kɩbana sakɩyɛ.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

Maarkɩ 14:5

Yee paapɛdɩ-kʋ, kɩtaaɖɛɛ ɛzɩ kɩyakɩŋ nasidozo tʋmɩyɛ liidiye yɔ nɛ patayɩ kʋñɔndɩnaa naa we?» Ɛlɛ́, pɛwɛɛ pakʋʋ halʋ ɛnʋ ɛ-tɔm.

Maarkɩ 14:7

Mɩ nɛ kʋñɔndɩnaa ɩwɛna tam. Paa alɩwaatʋ ndʋ́ʋ́ ɩsɔɔlaa yɔ, ɩpɩzɩɣ ɩsɩnɩ-wɛ. Ma lɛ, maawɛɣ mɩ-cɔlɔ ḿbʋ́.