Maarkɩ 13:9 - New Testament

⁹ «Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ.

Maarkɩ 13:9 ပူးပေါင်းရင်းမြစ်များ

Maatiyee 5:22

Ɛlɛ́, ma meheyiɣ-mɩ se weyi ɛ-pana kpaɣnɩ lɛlʋ yɔ, pahʋʋnɩ-ɩ. Weyi ɛtʋʋ lɛlʋ se: ‹Kɩmɛlɛŋ ña!› Yɔ, powokini-i tɔm hʋyaa sɔsaa cɔlɔ. Weyi ɛ́lɛ́ tʋʋ lɛlʋ se: ‹Kpanzɩyʋ ña!› Yɔ, pɔkɔŋ-ɩ ɖʋʋ ɖenɖe kʋñɔŋ maatɛŋ wɛɛ yɔ.

Maarkɩ 1:44

«Taaheyi-tʋ nɔɔyʋ. Ɛlɛ́, wolo cɔjɔ cɔlɔ nɛ ɛna se ñɔ-yɔɔ cɛba, nɛ ŋwoni kileku ɛzɩ Mooyiizi kaɖʋʋ yɔ nɛ pɩwɩlɩ ɛyáa tɩŋa se ñɔ-yɔɔ cɛba.»

Maarkɩ 13:5

Ɛlɛ́, Yesu paɣ́-wɛ se: «Ɩkpa mɩ-tɩ camɩyɛ, ɩtaayele nɛ nɔɔyʋ cɛtɩ-mɩ yem.

Maarkɩ 13:8

Pʋwɛɣ ɛzɩ halʋ wɩzʋʋ lʋlʋʋ nɛ pɩɣa wɩɣ-ɩ yɔ. Ɛjaɖɛ lɛɛɖɛ kʋyʋʋ lɛɛɖɛ yɔɔ, kewiyaɣ lɛɛka ñakʋyɩ lɛɛka yɔɔ nɛ tɛtʋ ñamsɩ hɔɔlɩŋ ndɩ ndɩ taa nɛ ñɔɔsɩ lɩɩ.

Maarkɩ 6:11

Yee nabɛyɛ ɛtamʋ-mɩ ɖoli yaa patanɩɩnɩ-mɩ lɛ, ikpizi-wɛ mɩ-naŋgbanzɩ yɔɔ mʋzʋʋ nɛ ɩɖɛɛ nɛ pɩwɩlɩ se ɩkɔɔlɩ-wɛ nɛ iyebi-wɛ nɛ pa-sʋʋtʋ.»

Luka 9:5

Yee ɩtalɩ tɛtʋ natʋyʋ taa nɛ ɛyáa ɛtamʋ-mɩ lɛ, ikpizi-wɛ mɩ-naŋgbanzɩ yɔɔ mʋzʋʋ nɛ ɩɖɛɛ nɛ pɩwɩlɩ se ɩkɔɔlɩ-wɛ nɛ iyebi-wɛ nɛ pa-sʋʋtʋ.

Yohanɛɛsɩ 15:20

Ɩtɔzɩ tɔm ndʋ́ meheyi-mɩ yɔ tɩ-yɔɔ. Ńdʋ́ lɛ se: ‹Tʋmlaɖʋ nɔɔyʋ fɛyɩ se ɛkɩlɩɣ ɛ-caa.› Yee ɛyáa ɩwɛ ma-wayɩ kaŋ kaŋ yɔ, pɔkɔŋ mɩ-wayɩ wɛʋ ɖɔɖɔ ḿbʋ́. Yee pɔɖɔm mɔn-tɔm yɔɔ yɔ, pɔkɔŋ ɖɔm ɖɔɖɔ mɩ-ñɩndʋ yɔɔ.

Yohanɛɛsɩ 16:2

Pɔkɔŋ-mɩ ɖaŋʋʋ se ɩtaatasɩ wobu Ɛsɔ ɖɩsɛyɛ naɖɩyɛ taa. Halɩ alɩwaatʋ natʋyʋ kɔŋ nɛ mbá pakʋʋ-mɩ yɔ, pamaɣzɩ se Ɛsɔ tʋmɩyɛ palakɩ ḿbʋ́.

Tʋma Labʋ 21:11

Ɛtalaa lɛ, ɛkpaɣ Pɔɔlɩ tambaɖɛ nɛ ɛhɔkɩ ɛ-naŋgbanzɩ nɛ e-nesi pa-taa nɛ ɛtɔ se: «Iwelesi nɛ ɩnɩɩ ndʋ́ Fezuu Kiɖeɖeu tiyi-m se mɔnkɔɔ meheyi-mɩ yɔ. Ńdʋ́ lɛ se: weyi ɛtɩnɩ tambaɖɛ ɖɩnɛ yɔ, ɛzʋnɔ Yuda ñɩma kɔŋ-ɩ hɔkʋʋ Yeruusalɛm nɛ paɖʋzɩ-ɩ mbá pɛtɛkɛ Yuda ñɩma yɔ pe-nesi taa.»

Tʋma Labʋ 7:54

Mbá patɩŋa paawɛ tɔm ɖɩhʋyɛ peeɖe yɔ, panɩ Etiyɛɛnɩ tɔm ńdʋ́ ḿbʋ́ lɛ, pa-pana kpa pɩŋŋ nɛ pɔtɔkɩ po-ndoma yem.

Tʋma Labʋ 9:16

Ma-maɣmaɣ mɔnkɔŋ-ɩ wɩlʋʋ ɛzɩma mbʋ́ pʋwɛɛ se ɛtɔɔ kʋñɔŋ mɔ-yɔɔ yɔ.»

Filiipu 1:29

Ɛsɔ ha-mɩ se ɩwɛnɩ lidaʋ Krɩstʋ yɔɔ nɛ ɩtɛ ɩtɔɔ kʋñɔŋ ɛ-yɔɔ ɖɔɖɔ

2 Tesalooniki 1:5

Ḿbʋ́ wɩlɩɣnɩ se Ɛsɔ tɔm hʋʋ tʋʋzaa. Pɩlabɩ ḿbʋ́ se ɩmʋnɩ e-Kewiyaɣ ŋgá kɔ-yɔɔ ɩtɔkɩ kʋñɔŋ yɔ ka-taa ñɩma.

2 Yohanɛɛsɩ 1:8

Pʋ-yɔɔ lɛ, ɩɖaŋ mɩ-tɩ yɔɔ nɛ ɩkɔɔ ɩmʋ mɩ-kɩhɛyʋ tɩŋa payɩ. Pɩtɛkɛ ḿbʋ́, ilesiɣ tʋmɩyɛ nɖɩ́ ɖɩtɩŋa payɩ ɖɩlaba yɔ ɖɩ-kɛzɛɣa.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.