Maarkɩ 13:32 - New Testament

³² Yesu tasɩ-wɛ heyuu se: «Nɔɔyʋ ɛɛsɩŋ kɩyakʋ ŋ́gʋ́ yaa alɩwaatʋ ńdʋ́. Paa Ɛsɔ tiyiyaa yaa ɛ-Pɩyalʋ maɣmaɣ. Ɛlɛ́, Caa Ɛsɔ ɖeke koŋ sɩmna.

Maarkɩ 13:32 ပူးပေါင်းရင်းမြစ်များ

Maatiyee 25:13

Ɛlɛ́, Yesu tasɩ-wɛ heyuu se: «Pʋ-yɔɔ lɛ, ɩcaɣnɩ mɩ-ɛsɛ nɛ ɩɖaŋ kpam, mbʋ́ pʋyɔɔ yɔ, ɩtatɩlɩ kɩyakʋ ŋgʋ́ yaa ñɩ́ɣ́yʋ́ʋ ŋgʋ́ kʋ-yɔɔ mɔnkɔŋ yɔ.»

Maatiyee 25:19

«Pileɖaa lɛ, abalʋ ɛnʋ ɛpɩsɩ ɛkɔɔ nɛ ɛ́yáa ɛ-tʋmlaɖaa ḿbá se powolo peheyi-i mbʋ́ palabɩnɩ sika pɔɔyɩsɩ kapʋsɩ nzɩ́ ɛɛcɛlɩ-wɛ yɔ.

Maatiyee 25:6

«Pʋkɔma ɛzɩ ɖoó hɛkʋ lɛ, panɩɩ kubuka nakɛyɛ se: ‹Ɩɩnaɣ pɛlɛ walʋ! Ɩkʋyɩ nɛ ɩkatɩ-ɩ!›

Maarkɩ 13:31

Ɛsɔdaa nɛ tɛtʋ pamʋkɩ, ɛlɛ́, mɔn-tɔm ñaamʋkɩ kaʋ.»

Tʋma Labʋ 1:7

Ecosi-wɛ se: «Pɩtɛkɛ mɩ pʋmʋnaa se ɩtɩlɩ alɩwaatʋ ndʋ́ tɩ-yɔɔ ɖeyi ɖeyi malakɩ ḿbʋ́ yɔ. Caa Ɛsɔ ɖʋnɩ-tʋ nɛ ɛ-maɣmaɣ e-ɖoŋ.

2 Pɩyɛ 3:10

Kɩyakʋ ŋgʋ́ Kɩpaɣlʋ kɔŋ yɔ, pʋwɛɣ ɛzɩ mɩ́lʋ́ kɔŋʋʋ yɔ. Puwiye ńɖɩ́ lɛ, pɩyakɩ kɔkɔɖɛ sɔsɔɖɛ naɖɩyɛ siŋŋ nɛ ɛsɔdaa mʋʋ́ʋ. Miŋ ñakɩ mbʋ́ pʋwɛ ɛsɔdaa yɔ. Tɛtʋ nɛ mbʋ́ pɩtɩŋa payɩ pʋwɛ tɩ-yɔɔ yɔ, paatasɩɣ wɛʋ.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 3:3

Pʋ-yɔɔ lɛ, pɔtɔzɩ tɔm ndʋ́ peheyi-wɛ yɔ nɛ ɛzɩma mbʋ́ petisi-tʋ yɔ pɔ-yɔɔ. Pɔɖɔkɩ-tʋ nɛ pɛlɛɣzɩ wɛtʋ. Yee patacaɣ pɛ-ɛsɛ yɔɔ yɔ, mɔnkɔŋ ɛzɩ mɩ́lʋ́ yɔ nɛ montudi-wɛ, paasɩŋ alɩwaatʋ ndʋ́ tɩ-yɔɔ mɔnkɔŋ yɔ.