Maarkɩ 13:22 - New Testament

²² Mbʋ́ pʋyɔɔ yɔ, cɛtɩyaa mbá peheyiɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pakaɣ kɔm kʋɖʋm kʋɖʋm nɛ pawɩlɩ kawɩlɩsɩ nɛ pala hama lakasɩ nɛ yee papɩzɩɣ yɔ, pɛcɛtɩ Ɛsɔ ñɩma.

Maarkɩ 13:22 ပူးပေါင်းရင်းမြစ်များ

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Maatiyee 7:15

Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa.

Maarkɩ 13:21

«Pʋ-yɔɔ lɛ, yee nɔɔyʋ eheyi-mɩ se Weyi Ɛsɔ Lɩzaa nɛ etiyini-mɩ yɔ, ɛwɛ cɩnɛ yaa peeɖe yɔ yɔ, ɩtaatisi.

Maarkɩ 13:23

Mɩ lɛ, mɛntɛm-mɩ heyuu pɩtɩŋa nɛ pɩɖɛɛ. Ɩɖɔkɩ mɩ-tɩ camɩyɛ kpam.»

Maarkɩ 13:6

Mbʋ́ pʋyɔɔ yɔ, ɛyáa sakɩyɛ kɔŋ kʋɖʋm kʋɖʋm nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ: ḿbʋ́ palakɩ nɛ peyili ɛyáa sakɩyɛ.

Yohanɛɛsɩ 4:48

Peeɖe Yesu pɔzɩ-kɛ se: «Yee ɩtana Ɛsɔ hama lakasɩ nɛ kawɩlɩsɩ, ɩɩpɩzɩɣ ɩwɛnɩ lidaʋ mɔ-yɔɔ kaʋ yaa we?»

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

1 Yohanɛɛsɩ 2:18

Men-piya! Kedeŋa wɩzɩ tɛm! Ɩnɩwa se paa pɩɩla ɛzɩma, Krɩstʋ koyindu kaɣ kɔm. Ɖɔɖɔ lɛ, ɖɩnawa se alɩwaatʋ tʋnɛ tɩ-taa e-koyindinaa sakɩyɛ lɩwa. Ḿbʋ́ ɖɩnanaa se kedeŋa wɩzɩ tɛm.

1 Yohanɛɛsɩ 2:19

Pɩtɛ ɛyáa ḿbá, ɖɛ-hɛkʋ taa palɩnaa, ɛlɛ́, pataakɛ ɖa-ñɩma siŋŋ. Toovenim lɛ, yee paakɛ ɖa-ñɩma yɔ, paawɛ ɖɛ-hɛkʋ taa. Pɩlabɩ ḿbʋ́ se ɛyáa ɛna se patɩŋa pataakɛ ɖa-ñɩma siŋŋ.

1 Yohanɛɛsɩ 2:26

Ɛyáa mbá pacaɣ se pɛcɛtɩ-mɩ yɔ, pɔ-tɔm mamaɣ se meheyi-mɩ.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.