Maarkɩ 13:11 - New Testament

¹¹ Yee pakpa-mɩ nɛ powoni tɔm ɖɩhʋyɛ lɛ, ɩtaanɩɣzɩ se ɩɩyɔɔdɩ se we. Yee pɩtalaa lɛ, ɩyɔɔdɩ ndʋ́ tɩkpa mɩ-taa yɔ. Mbʋ́ pʋyɔɔ yɔ, Fezuu Kiɖeɖeu ɖʋʋnɩ-tʋ mɩ-taa, pɩtɛkɛ mɩ-cɔlɔ tɩlɩɣna.

Maarkɩ 13:11 ပူးပေါင်းရင်းမြစ်များ

Maatiyee 10:17

Ɩkpa mɩ-tɩ nɛ ɛyáa, mbʋ́ pʋyɔɔ yɔ, pɔkɔŋ-mɩ wonaʋ tɔm ɖɩhʋyɛ nɛ polu-mɩ agbazɛɛ pɛ-Ɛsɔ ɖɩsɛyɛ ndɩ ndɩ taa.

Maarkɩ 13:12

Alɩwaatʋ ńdʋ́ lɛ, ɛyáa kʋyʋʋ nɛ pawɩlɩ pa-ɖalaa yaa pe-newaa maɣmaɣ se pakʋ-wɛ. Caanaa ñalakɩ pe-piya ḿbʋ́ ɖɔɖɔ. Piya ńzɩ́, sɩsɩ kʋyɩ sɩ-ñɩma yɔɔ nɛ sɩla nɛ pakʋ-wɛ.

Maarkɩ 13:9

«Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ.

Luka 21:12

Ɛlɛ́, pʋcɔ nɛ pɩtɩŋa payɩ pɩla ḿbʋ́ lɛ, pɔkɔŋ mɩ-wayɩ wɛʋ kaŋ kaŋ. Pakpaɣ-mɩ nɛ powoni-mɩ nɛ pahʋʋnɩ-mɩ tɔm Ɛsɔ ɖɩsɛyɛ ndɩ ndɩ taa nɛ awiya sɔsɔna nɛ tɛtʋ ñʋndɩnaa pɔ-cɔlɔ nɛ paɖʋ-mɩ salaka mɔ-yɔɔ.

Yohanɛɛsɩ 3:27

Yohanɛɛsɩ cosi-wɛ se: «Mbʋ́ Ɛsɔ ha ɛyʋ yɔ, pi-ɖeke koŋ ɛpɩzɩɣ ɛmʋ.

Tʋma Labʋ 2:4

Ɛlɛ́, Fezuu Kiɖeɖeu tii kɩwɛɛ patɩŋa pɔ-yɔɔ nɛ papazɩ yɔɔdʋʋ kʋnʋmɩŋ ndɩ ndɩ weyi kɩha-wɛ ɖoŋ se pɔyɔɔdɩ yɔ.

Tʋma Labʋ 3:13

Đɔ-cɔzɔnaa Abraham nɛ Izaakɩ nɛ Yakɔɔbʋ pɛ-Ɛsɔ ɖʋnɩ ɛ-tʋmlaɖʋ Yesu hɩɖɛ. Mɩ lɛ, ɩkpa-ɩ mɩ-maɣmaɣ nɛ ɩɖʋzɩ ñʋndɩnaa nesi taa. Wiyaʋ Pilaatɩ tɔm se eyeki-i, ɛlɛ́, ikizi.

Tʋma Labʋ 4:31

Pɛtɛm Ɛsɔ sɛʋ lɛ, lone nɖɩ́ ɖɩ-taa paakpeɣlaa yɔ, ɖɩñamsɩ. Peeɖe Fezuu Kiɖeɖeu tibi kɩwɛɛ patɩŋa pɔ-yɔɔ nɛ papazɩ Ɛsɔtɔm susuu kaalɛyɩtʋ.

Tʋma Labʋ 6:10

Ɛlɛ́, patapɩzɩɣ se palabɩ-ɩ pʋyʋ, mbʋ́ pʋyɔɔ yɔ, ɛyɔɔdaɣnɩ lɔŋsɩnɖɛ nɖɩ́ Fezuu Kiɖeɖeu ha-ɩ yɔ.

Tʋma Labʋ 6:15

Mbá patɩŋa paawɛ tɔm ɖɩhʋyɛ peeɖe yɔ, paakpɛzɩ ɛsɛ nɛ pɔcɔŋnɩ Etiyɛɛnɩ, nɛ pana ɛ-ɛsɩndaa. Ɛ-ɛsɩndaa kɛwɛ ɛzɩ Ɛsɔ tiyiyu nɔɔyʋ ɛsɩndaa yɔ.

Tʋma Labʋ 7:55

Ɛlɛ́, Fezuu Kiɖeɖeu kɛwɛ Etiyɛɛnɩ yɔɔ. Pɔtɔkaɣ po-ndoma ḿbʋ́ lɛ, ɛcɔnɩ ɛsɔdaa nɛ ɛna Ɛsɔ e-koboyaɣ taa, Yesu ñasɩŋ ɛ-cɔlɔ lone kɩbanɖɛ taa.

1 Kɔrɛntɩ 2:13

Đɩɩyɔɔdʋʋ pʋ-tɔm nɛ tɔm ndʋ́ kedeŋa lɔŋsɩnɖaa wɩlɩɣ yɔ. Ɛlɛ́, ndʋ́ Fezuu Kiɖeɖeu wɩlɩɣ yɔ ɖɩyɔɔdʋʋna. Pʋ-yɔɔ ɖɩlɩzɩɣ kʋ-tɔm ńdʋ́ tɩ-tɔbʋʋ mbá Ɛsɔ ha-wɛ-kʋ yɔ.

Efɛɛzɩ 3:5

Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.