Maarkɩ 11:23 - New Testament

²³ Toovenim lɛ, meheyiɣ-mɩ se yee nɔɔyʋ eheyi pʋʋ kʋnɛ se: ‹Pʋʋ ña, kpɛzɩ nɛ ŋwolo ŋtɔlɩ teŋgu taa› nɛ yee ɛwɛnɩ lidaʋ se ndʋ́ ɛyɔɔdaa yɔ tɩlakɩ nɛ ɛtapʋtɩ ɛ-taa yɔ, pɩlakɩ ḿbʋ́ ɖɔɖɔ.

Maarkɩ 11:23 ပူးပေါင်းရင်းမြစ်များ

Maatiyee 14:13

Yesu nɩ ḿbʋ́ lɛ, ewolo ɛkpa kpɩyʋʋ taa se ɛkɛsɩ ɛ-tɩ ɖenɖe ɛyáa fɛyɩ yɔ. Ɛlɛ́, ɛyáa samaɣ tɛm nɩʋ. Peeɖe palɩ tɛtʋ ndɩ ndɩ taa nɛ pɔcɔlʋʋ teŋgu nɔɔ se pakatɩ-ɩ ɖenɖe ewoki yɔ.

Maatiyee 17:20

Yesu cosi-wɛ se: «Mi-lidaʋ tatalɩ pʋyʋ yɔɔ ɩtapɩzɩ. Toovenim lɛ, mankaɖɩɣ-mɩ se: yee ɩɩwɛnɩ lidaʋ ɛzɩ piye nɖɩ́ ɖɩkɩlɩ kɔzʋʋ yɔ yɔ, ɩpɩzaɣ se iheyi pʋʋ kʋnɛ se: ‹Kpɛzɩ cɩnɛ nɛ ŋwolo ŋsɩŋ peeɖe yɔ!› Nɛ kɩla ḿbʋ́ ɖɔɖɔ. Halɩ nabʋyʋ fɛyɩ se ɩɩpɩzɩɣ ɩlabɩ-pʋ. [

Maatiyee 21:21

Peeɖe ecosi-wɛ se: «Toovenim lɛ, mankaɖɩɣ-mɩ se yee ɩwɛnɩ lidaʋ Ɛsɔ yɔɔ nɛ ɩɩpʋtʋʋ yɔ, ɩpɩzɩɣ ɩla mbʋ́ malabɩ hiyuú ŋ́gʋ́ yɔ. Ɛlɛ́, pɩɩsɩɣnɩ pi-ɖeke, halɩ ɩpɩzaɣ se iheyi pʋʋ kʋnɛ se: ‹Kpɛzɩ peeɖe nɛ ŋwolo ŋtɔlɩ teŋgu taa› nɛ pɩla ḿbʋ́ ɖɔɖɔ.

Luka 17:6

Peeɖe ecosi-wɛ se: «Yee ɩɩwɛnɩ lidaʋ ñɩɩɩ ɛzɩ piye nɖɩ́ ɖɩkɩlɩ kɔzʋʋ yɔ yɔ, ɩpɩzaɣ se iheyi tɩʋ sɔsɔʋ kʋnɛ se: ‹Kpɛzɩ ŋwolo ŋsɩŋ teŋgu taa!› Nɛ kɩla ḿbʋ́ ɖɔɖɔ.»

Yohanɛɛsɩ 14:13

Mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ, malakɩ-pʋ se pɩtɩŋnɩ mɔ-yɔɔ nɛ man-Caa hɩɖɛ sɛɛ.

Yohanɛɛsɩ 15:7

Yee ɩkpɛndɩ mɔ-yɔɔ tam nɛ ɩɖɔŋ mɔn-tɔm yɔɔ yɔ, paa ɛbɛ mi-liu ɛwɛɛ nɛ ɩpɔzɩ yɔ, pahaɣ-mɩ-pʋ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.