Maarkɩ 10:32 - New Testament

³² Yeruusalɛm Yesu nɛ ɛ-tɔmkpɛlɩkɩyaa pakpaɣaɣ nɛ ɛyɔɔdʋʋ ḿbʋ́. Ɛɛɖɛ-wɛ nɔɔ nɛ ɛyáa sakɩyɛ tɩŋɩɣ-wɛ. Pakpaɣaɣ ḿbʋ́ lɛ, ɛ-tɔmkpɛlɩkɩyaa laŋɩyɛ lɩɣ nɛ sɔɔndʋ kpaɣ ɛyáa mbá patɩŋaɣ-wɛ yɔ. Peeɖe ɛya ɛ-tɔmkpɛlɩkɩyaa hiu nɛ naalɛ ḿbá nɛ ɛkɛzɩ-wɛ hɔɔlʋʋ nɛ eheyi-wɛ mbʋ́ pʋkɔŋ-ɩ tɛmnaʋ alɩwaatʋ pazɩ taa yɔ.

Maarkɩ 10:32 ပူးပေါင်းရင်းမြစ်များ

Maatiyee 11:25

Alɩwaatʋ ńdʋ́ tɩ-taa Yesu tɔm se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋkuli tɔm ndʋ́ ŋmɛsɩ lɔŋsɩnɖaa nɛ lɛɣsɩnɖaa yɔ tɩ-yɔɔ nɛ piya ajamaa nɩɩ tɩ-tɔbʋʋ.

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Maarkɩ 1:27

Peeɖe pɩlabɩ ɛyáa tɩŋa piti pɩŋŋ nɛ pɔpɔzʋʋ ɖama se: «Ɛbɛ lɛ ḿbʋ́? Ɛwɩlɩɣ tɔm kɩfatʋ nɛ abalɩtʋ! Halɩ pɩkpɛndɩnɩ aleewaa nɛ pañaŋ-ɩ.»

Maarkɩ 4:34

Eteheyiɣ-wɛ natʋyʋ yem nɛ pɩtasɩnɩ aduwa tuuu. Ɛ nɛ ɛ-tɔmkpɛlɩkɩyaa pɛwɛɣ pe-ɖeke lɛ, ɛlɩzɩɣ-wɛ atɩŋa a-tɔbʋʋ.

Luka 10:23

Peeɖe Yesu kɛzɩ ɛ-tɩ nɛ ɛ-tɔmkpɛlɩkɩyaa yɔɔ nɛ eheyi pe-ɖeke se: «Mbá panaɣ ɛzɩ ɩnaɣʋ yɔ, pehiɣ pa-tɩ!

Luka 19:28

Yesu tɛm yɔɔdʋʋ ḿbʋ́ lɛ, ɛɖɛɛ ɛyáa samaɣ nɔɔ se ewoki Yeruusalɛm.

Luka 9:51

Alɩwaatʋ wɩzɩ talʋʋ se Yesu ɛkpa ɛsɔdaa. Pʋ-yɔɔ ɛɖʋwa kpem se ewoki Yeruusalɛm.

Yohanɛɛsɩ 11:16

Peeɖe Tomaa weyi payaɣ ɖɔɖɔ se Đom yɔ, eheyi tɔmkpɛlɩkɩyaa lɛlaa se: «Đa ɖɔɖɔ, ɖa nɛ Wɩlɩyʋ ɖiwolo nɛ paa sɩm yɔ ɖa nɛ ɩ ɖɩsɩ!»

Yohanɛɛsɩ 11:8

Paba cosi-i se: «Wɩlɩyʋ! Pɩtalabɩdɩ pʋyʋ yɔ, ɖɩ-taa ñɩma ñɩnaɣ se pakʋ-ŋ nɛ pɛɛ nɛ ŋcaɣ se ŋpɩsɩ peeɖe ɖɔɖɔ yaa we?»