Maarkɩ 10:14 - New Testament

¹⁴ Yesu na ḿbʋ́ lɛ, pɩtɛkɛdɩnɩ-ɩ, ɛlɛ́ ɛkalɩ ɛ-tɔmkpɛlɩkɩyaa se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ lɛ Ɛsɔ Kewiyaɣ taa ñɩma.

Maarkɩ 10:14 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Maatiyee 18:4

Weyi etisiɣ ɛ-tɩ nɛ ɛwɛɛ ɛzɩ pɩɣa kanɛ yɔ, ɛnʋ kɩlɩnɩ Ɛsɔ kewiyaɣ taa.

Maatiyee 19:14

Ɛlɛ́, eheyi-wɛ se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ, ḿbá lɛ Ɛsɔ Kewiyaɣ taa ñɩma.»

Maatiyee 5:10

Mbá ɛyáa wɛ pa-wayɩ kaŋ kaŋ se palakɩ mbʋ́ pʋtʋʋzaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Maatiyee 5:3

«Ɛyáa mbá pasɩm pa-tɩ se pɛtɛkɛ pʋyʋ Ɛsɔ ɛsɩndaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Maarkɩ 3:5

Peeɖe Yesu pana kpawa nɛ ɛcɔnɩ pɛ-ɛsɩndaa kpɛɛɛ nɛ ɛ-hɔyɛ pɩsɩnɩ pa-laŋkpɩzɩyɛ nɛ eheyi ɛyʋ weyi e-nesi camaa yɔ se: «Losi ñe-nesi.» Ɛ́lɛ́ losi-sɩ nɛ sɩ-yɔɔ cɛ.

Maarkɩ 8:33

Peeɖe Yesu kisini ɛ-tɔmkpɛlɩkɩyaa yɔɔ nɛ ɛkalɩ Pɩyɛ se: «Satanɩ ña! Đɛɛ mɔ-yɔɔ. Ña-lɩmaɣza tɛkɛ Ɛsɔ ñɩna, ɛyáa ñɩna akɛnaa.»

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Tʋma Labʋ 2:39

Mbʋ́ pʋyɔɔ yɔ, mɩ nɛ mi-piya nɛ mbá patɩŋa pɛwɛ poliŋ yɔ: mɩtɩŋa payɩ mbá Kɩpaɣlʋ Ɛsɔ kɔŋ yaʋ yɔ, ɛɖʋwa se ɛlakɩ kʋjɔʋ ŋ́gʋ́.»

Tʋma Labʋ 3:25

Mbʋ́ Ɛsɔ ɖʋwa se ɛtɩŋɩɣnɩ náyaa yɔɔ nɛ ɛla yɔ, mɩtɩnɩ-pʋ. Mbʋ́ ɛɖʋwa se ɛlakɩ mɩ-cɔzɔnaa alɩwaatʋ ndʋ́ ɛha-wɛ nɔɔ yɔ, mɩtɩnɩ-pʋ ɖɔɖɔ. Mbʋ́ pʋyɔɔ yɔ, eeheyi Abraham se: ‹Matɩŋɩɣnɩ ñe-liɖe taa ñɩma yɔɔ nɛ mawazɩ kedeŋa yɔɔ ɛyáa kpeekpe yɔɔ.›

Room 11:16

Ɩtɩlɩ se: yee pafaɣ tindine hɔɔlaɣ kajalaɣ ñɩŋga nɛ paha-kɛ Ɛsɔ yɔ, pɩwɩlɩɣ se ɛnʋ tɩnɩ tindine ńɖɩ́ ɖɩtɩŋa ɖɔɖɔ. Yee pakpaɣ tɩʋ nakʋyʋ lila nɛ paha Ɛsɔ yɔ, ɛnʋ tɩnɩ ki-pilinzi ɖɔɖɔ.

Room 11:28

Yee ɛyʋ ɛkpaɣ ɛzɩma mbʋ́ Yuda ñɩma kizi Laŋhɛzɩyɛ Tɔm yɔ yɔ, pɩwɩlɩɣ se pɛkɛ Ɛsɔ koyindinaa. Pɩlabɩ ḿbʋ́ se pʋwazɩ-mɩ. Ɛlɛ́, yee ɛyʋ ɛkpaɣ ɛzɩma mbʋ́ Ɛsɔ lɩzɩ-wɛ yɔ yɔ, pɩwɩlɩɣ se pɛkɛ mbá Ɛsɔ sɔɔlɩ-wɛ mbʋ́ ɛɛɖʋwa se ɛlakɩ pɔ-cɔzɔnaa yɔ pʋ-yɔɔ.

1 Kɔrɛntɩ 14:20

Taabalaa, ɩtaawɛnɩ pɩcatʋ lɩmaɣza. Kɩdɛkɛdɩm ɖeɖe lɛ, ɩwɛɛ ɛzɩ piya yɔ. Ɛlɛ́, ɩmaɣzɩ ɛzɩ sɔsaa yɔ.

1 Kɔrɛntɩ 7:14

Mbʋ́ pʋyɔɔ yɔ, halʋ ɛnʋ ɛ-yɔɔ lɛ, Ɛsɔ sɩ abalʋ weyi ɛfɛyɩnɩ lidaʋ Krɩstʋ yɔɔ yɔ nɛ hɔɔlʋʋ se ɛkɛ ɛ-ñɩnʋ. Yaa abalʋ yɔɔ lɛ, Ɛsɔ sɩ halʋ weyi ɛ́lɛ́ fɛyɩnɩ lidaʋ Krɩstʋ yɔɔ yɔ nɛ hɔɔlʋʋ se ɛkɛ ɛ-ñɩnʋ ɖɔɖɔ. Pɩtɛkɛ ḿbʋ́, mi-piya ɛɛkɛɣ Ɛsɔ ñɩma, ŋgʋ́ sɩkɛ ɛ-ñɩma.

Efɛɛzɩ 4:26

Yee mɩ-pana ɛkpawa lɛ, ɩɖɔkɩ mɩ-tɩ nɛ ɩtaala kɩwɛɛkɩm, wɩsɩ ɛtaakpem-yɛ.

2 Timootee 1:5

Mɔntɔzʋʋ ɖɔɖɔ ɛzɩma mbʋ́ ŋwɛnɩ lidaʋ Ɛsɔ yɔɔ nɛ tɛɛ nɛ pʋ-yɔɔ lɩmaɣza fɛyɩ kɩ-taa yɔ. Lidaʋ ŋ́gʋ́, ñe-neze Loyisi kacalɩnɩ-kʋ wɛnaʋ, ɛ́lɛ́ wayɩ lɛ, ño-ɖoo Eniisi nɛ lɛɛlɛɛyɔ manaɣʋ yɔ, pɩtalɩnɩ-ŋ.

2 Timootee 3:15

Toovenim lɛ, ŋsɩm tɔm ndʋ́ pama Ɛsɔtɔm Takayaɣ taa yɔ ɖooo ña-pɩjatʋ taa. Tɩpɩzɩɣ tɩha-ŋ lɔŋ weyi eyeki nɛ pɩtɩŋnɩ lidaʋ ŋgʋ́ ŋwɛnɩ Krɩstʋ Yesu yɔɔ yɔ kʋ-yɔɔ nɛ pɩya ña-ñʋʋ yɔ.

1 Pɩyɛ 2:2

Ɛsɔtɔm ɛlabɩ-mɩ liu tam ɛzɩ hɩlɩm lakʋʋ piya ajamaa liu yɔ nɛ pɩtɩŋnɩ tɩ-yɔɔ nɛ ɩtɛzɩ pɩʋ nɛ pʋkɔɔ pɩya mɩ-ñʋʋ.

Wɩlʋʋ 14:5

Cɛtɩm tɔm talɩɩ pɔ-nɔsɩ taa wiɖiyi kaʋ, natʋyʋ fɛyɩ se paawanɩ-wɛ.