Maarkɩ 1:32 - New Testament

³² Wɩsɩ ɖʋwa lɛ, pakpaɣ kʋdɔndɩnaa nɛ ɛyáa mbá pa-wayɩ wɛ aleewaa yɔ nɛ powoni-wɛ Yesu cɔlɔ Siimɔɔ nɛ Andree pɛ-tɛ peeɖe.

Maarkɩ 1:32 ပူးပေါင်းရင်းမြစ်များ

Maatiyee 4:24

Peeɖe ɛ-hɩɖɛ sɛ Siirii ɛjaɖɛ tɩŋa taa. Pʋ-yɔɔ pakpakaɣ mbá pɛwɛnɩ kʋdɔmɩŋ ndɩ ndɩ yɔ patɩŋa nɛ mbá pʋcɔzʋʋ-wɛ yɔ: eliikenaa nɛ abom tɔlɩyaa nɛ kalɩkalasɩ nɛ powokini ɛ-cɔlɔ nɛ ɛlakɩ nɛ pɔ-yɔɔ cɛkɩ.

Maatiyee 8:16

Đanaɣ ɖanaa lɛ, ɛyáa kpaɣ eliikenaa sakɩyɛ nɛ powoni Yesu cɔlɔ nɛ ɛyɔɔdɩ nɛ aleewaa se pa-wayɩ nɛ ɛla nɛ kʋdɔndɩnaa tɩŋa payɩ yɔɔ cɛ ɖɔɖɔ.

Maatiyee 8:17

Pɩlaba ḿbʋ́ se pɩla ɛzɩ náyʋ Ezaayii yɔɔdʋʋ se: «Ɛmʋ-ɖʋ ɖɛ-ɛjandʋ nɛ ɖa-kʋdɔmɩŋ» yɔ.

Maarkɩ 1:21

Yesu ya ɛyáa ḿbá lɛ, ɛ nɛ wɛ powolo Kapɛrnayum. Kɩyakʋ kɩhɛzʋʋ talaa lɛ, pasʋʋ Ɛsɔ ɖɩsɛyɛ taa nɛ ɛpazɩ ɛyáa Ɛsɔtɔm wɩlʋʋ.

Maarkɩ 1:31

Peeɖe Yesu woba ɛ-cɔlɔ nɛ ɛ́ɖɔ́kɩ e-nesi taa ɛkʋsɩ-ɩ nɛ ɛ-kʋdɔŋ ŋ́gʋ́ kɩcɛ nɛ ɛkʋyɩ ɛha-wɛ lɩm.

Maarkɩ 3:2

Ɛyáa mbá paawɛ peeɖe yɔ, pɔcɔŋnɩ Yesu pɩŋŋ se pana se ɛlakɩ nɛ ɛyʋ ɛnʋ ɛ-yɔɔ cɛ kɩyakʋ kɩhɛzʋʋ wiye yaa ɛɛlakɩ? Mbʋ́ pʋyɔɔ yɔ, pañɩnaɣ tɔm ndʋ́ paawana nɛ pehiɣ-i se ɛlabɩ tʋmɩyɛ kɩyakʋ kɩhɛzʋʋ wiye yɔ.

Luka 4:40

Wɩsɩ ɖʋwa lɛ, mbá patɩŋa paawɛnɩ kʋdɔndɩnaa ndɩ ndɩ yɔ, powoni-wɛ Yesu cɔlɔ nɛ ɛtɩnɩ e-nesi paa weyi ɛ-yɔɔ nɛ ɛ-yɔɔ cɛ.

Luka 4:41

Ɛɖɔɔnɩ aleewaa ɖɔɖɔ ɛyáa sakɩyɛ wayɩ nɛ pamakɩ kubusi se: «Ŋkɛ Ɛsɔ Pɩyalʋ.» Ɛlɛ́, Yesu paɣ́-wɛ se pataakuli ɛ-wayɩ. Mbʋ́ pʋyɔɔ yɔ, pasɩm-ɩ se ɛnʋ lɛ Weyi Ɛsɔ Lɩzaa Yɔ.