Maarkɩ 1:24 - New Testament

²⁴ «Yesu Nazarɛɛtɩ tʋ, ɛbɛ ŋcaɣnɩ-ɖʋ? Ŋkɔm se ŋkʋ-ɖʋ yaa we? Mansɩm mbʋ́ ŋkɛnaa yɔ ɖeu, ŋkɛ Ɛsɔ Ɛyʋ.»

Maarkɩ 1:24 ပူးပေါင်းရင်းမြစ်များ

Maatiyee 2:23

nɛ ɛcaɣ tɛtʋ ndʋ́ payaɣ se Nazarɛɛtɩ yɔ tɩ-taa. Pɩlabɩ ḿbʋ́ se tɔm ndʋ́ náyaa kɔyɔɔdaa yɔ, tɩla. Ńdʋ́ lɛ se: «Pɔkɔŋ pɩɣa ŋ́gá yaʋ se Nazarɛɛtɩ tʋ.»

Maatiyee 8:29

Pakatɩ-ɩ ḿbʋ́ lɛ, pamakɩ kubusi se: «Ɛsɔ Pɩyalʋ! Đa nɛ ŋ se we? Ŋkɔm se ŋɖʋ-ɖʋ kʋñɔŋ nɛ pʋcɔ alɩwaatʋ ndʋ́ Ɛsɔ ɖʋwa se ɛhʋʋnɩ-ɖʋ yɔ tɩtalɩ yaa we?»

Maarkɩ 1:23

Abalʋ nɔɔyʋ kɛwɛ peeɖe, eleeu wɛ ɛ-wayɩ nɛ ɛpɩsɩɣ-ɩ kpɛndɛɣlɩsɩ. Alɩwaatʋ ńdʋ́ tɩ-yɔɔ ɖeyi ɖeyi lɛ, ɛma kubuka se:

Maarkɩ 1:25

Peeɖe Yesu holini-i se: «Hei! Su peeɖe nɛ ŋse abalʋ ɛnʋ ɛ-wayɩ.»

Maarkɩ 10:47

Ɛnɩ Nazarɛɛtɩ tʋ Yesu taŋ lɛ, ɛma kubuka se: «Wiyaʋ Daaviidi Sayɩ Yesu! Na man-pʋtɔdɩyɛ.»

Maarkɩ 14:67

nɛ ɛmaɣnɩ-ɩ, ehoyaɣ miŋ. Ɛcɔnɩ-ɩ pɩŋŋ lɛ, eheyi-i se: «Ña ɖɔɖɔ, ŋtɩŋaɣ Nazarɛɛtɩ tʋ Yesu wayɩ.»

Maarkɩ 16:6

Peeɖe evebu ɛnʋ eheyi-wɛ se: «Sɔɔndʋ ɛtaakpa-mɩ. Nazarɛɛtɩ tʋ Yesu weyi paakam kaamaŋkaɣ yɔɔ yɔ, ɛnʋ ɩñɩnɩɣ yaa we? Efema, ɛfɛyɩ cɩnɛ. Ɩcɔnɩ ɩna ɖenɖe paahɛzɩ-ɩ yɔ.

Maarkɩ 5:7

Nɛ ɛyɔɔdɩ ɖoŋ se: «Ɛsɔ Caabiyuu Pɩyalʋ Yesu, ma nɛ ŋ se we? Ɛsɔ ɖoŋ taa lɛ, mentendiɣ-ŋ se ŋtaaɖʋ-m kʋñɔŋ.»

Luka 1:35

Ɛ́lɛ́ cosi-i se: «Ɛsɔ Caabiyuu Fezuu Kiɖeɖeu tiki ñɔ-yɔɔ nɛ ki-ɖoŋ nɛ kihuuzi ñɔ-yɔɔ ɖeu ɛzɩ kuzotuu yɔ. Pʋ-yɔɔ pɩɣa ŋgá ŋlʋlʋʋ yɔ, kɛkɛɣ Ɛsɔ ñɩnʋ nɛ payaa-kɛ se: Ɛsɔ Pɩyalʋ.

Luka 24:19

Ɛlɛ́, ɛpɔzɩ-wɛ se: «Ɛbɛ laba tɛ?» Pocosi-i se: «Ɛzɩ ŋtanɩɩ mbʋ́ pɩlabɩ Nazarɛɛtɩ tʋ Yesu yɔ? Ɛɛkɛ náyʋ nɛ ɛlakɩ tʋma nɛ ɛyɔɔdʋʋ tɔm nɛ abalɩtʋ Ɛsɔ nɛ ɛyáa tɩŋa pɛ-ɛsɩndaa.

Luka 4:34

«Ou! Yesu Nazarɛɛtɩ tʋ, ɛbɛ ŋcaɣnɩ-ɖʋ? Ŋkɔm se ŋkʋ-ɖʋ yaa we? Mansɩm mbʋ́ ŋkɛnaa yɔ ɖeu. Ŋkɛ Ɛsɔ Ɛyʋ.»

Luka 8:28

Pɩɩwɛɛ pʋkʋyʋʋnɩ-ɩ. Pʋkʋyɩnɩ-ɩ lɛ, paa paɖʋ e-nesi nɛ ɛ-naŋgbanzɩ pa-taa yoŋgbasɩ yɔ, ɛpʋʋtʋʋ-sɩ, nɛ eleeu wɛɛ nɛ ɛsʋzʋʋ-ɩ ñɩtʋ. Abalʋ ɛnʋ ɛtalɩ Yesu cɔlɔ lɛ, ɛma kubuka nɛ eluŋ ɛ-tɛɛ nɛ ɛyɔɔdɩ ɖoŋ se: «Ɛsɔ Caabiyuu Pɩyalʋ Yesu, ma nɛ ŋ se we? Mentendiɣ-ŋ se ŋtaaɖʋ-m kʋñɔŋ.» Ɛyɔɔdɩ ḿbʋ́, mbʋ́ pʋyɔɔ yɔ, Yesu holini aleewaa ḿbá se pese ɛ-wayɩ.

Luka 8:37

Ɛlɛ́, Geraazaa ñɩma tɩŋa tendi Yesu se ɛkʋyɩ pɛ-tɛ. Mbʋ́ pʋyɔɔ yɔ, sɔɔndʋ kpa-wɛ pɩŋŋ. Pʋ-yɔɔ ɛkpa kpɩyʋʋ taa se ɛɖɛɣ.

Yohanɛɛsɩ 6:69

Đɩwɛnɩ lidaʋ ñɔ-yɔɔ nɛ ɖɩtɩlɩ se ña lɛ Ɛsɔ Ñɩnʋ.»

Tʋma Labʋ 2:27

Mbʋ́ pʋyɔɔ yɔ, ña Kɩpaɣlʋ ŋŋyeki-m sɩɖaa taa nɛ mɛntɛŋɛlɩ. Ŋŋyeki ma ña-ñɩnʋ nɛ manɖazɩ.

Tʋma Labʋ 24:5

Abalʋ ɛnɛ, ɛkɛ kɩdɛkɛdʋʋ: ɛwɛɛ eyozuu Yuda ñɩma tɩŋa kedeŋa kpeekpe yɔɔ. Ɛkɛ Nazarɛɛtɩ ñɩma ŋgbɛyɛ ɛzaɣ́ʋ ñʋʋdʋ.

Tʋma Labʋ 3:14

Ikizi Ɛsɔ Ɛyʋ Kʋtʋʋzʋ ɛnʋ nɛ ɩpɔzɩ Pilaatɩ se ɛlɩzɩ-mɩ ɛyáa kʋyʋ.

Tʋma Labʋ 4:27

Kɩpaɣlʋ! Pɩkɛ toovenim, mbʋ́ pʋyɔɔ yɔ, wiyaʋ Eroodi nɛ wiyaʋ Pɔɔnsɩ Pilaatɩ nɛ Izrɛɛlɩ ñɩma nɛ mbá pɛtɛkɛ Izrɛɛlɩ ñɩma yɔ, patam nɔɔ ña-tʋmlaɖʋ kɩbanʋ Yesu weyi ŋlɩzaa yɔ ɛ-yɔɔ tɛtʋ tʋnɛ tɩ-taa.

Yakubu 2:19

Ŋwɛnɩ lidaʋ se Ɛsɔ kʋɖʋm koŋ wɛna, pʋwɛ camɩyɛ. Aleewaa ñɛwɛnɩ-kʋ ɖɔɖɔ, ɛlɛ́ sɔɔndʋ kpaɣ-wɛ nɛ peseliɣ.

1 Yohanɛɛsɩ 2:20

Mɩ lɛ, Ɛsɔ Ñɩnʋ ha-mɩ e-Fezuu Kiɖeɖeu ɛzɩ papɩyʋʋ ɛyʋ ñʋʋ taa num yɔ nɛ mɩtɩŋa payɩ ɩnaɣ mbʋ́ pɩkɛ toovenim yɔ.

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: