Maarkɩ 1:1 - New Testament

¹ Ɩna ɛzɩma mbʋ́ Ɛsɔ Pɩyalʋ Yesu Krɩstʋ Laŋhɛzɩyɛ Tɔm pazaa yɔ.

Maarkɩ 1:1 ပူးပေါင်းရင်းမြစ်များ

Maatiyee 14:33

nɛ Yesu tɔmkpɛlɩkɩyaa mbá paawɛ kɩ-taa yɔ, powolo poluŋ ɛ-tɛɛ nɛ pɔtɔŋ se: «Toovenim lɛ, ña lɛ Ɛsɔ Pɩyalʋ!»

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Maatiyee 3:17

nɛ pʋyɔɔdʋʋnɩ ɛsɔdaa se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ.»

Maatiyee 4:3

Peeɖe Satanɩ woba ɛ-cɔlɔ nɛ eheyi-i se: «Yee ŋnaɣ se ŋkɛ Ɛsɔ Pɩyalʋ yɔ, heyi pɛɛ anɛ se apɩsɩ tindine nɛ ŋtɔɔ.»

Luka 1:35

Ɛ́lɛ́ cosi-i se: «Ɛsɔ Caabiyuu Fezuu Kiɖeɖeu tiki ñɔ-yɔɔ nɛ ki-ɖoŋ nɛ kihuuzi ñɔ-yɔɔ ɖeu ɛzɩ kuzotuu yɔ. Pʋ-yɔɔ pɩɣa ŋgá ŋlʋlʋʋ yɔ, kɛkɛɣ Ɛsɔ ñɩnʋ nɛ payaa-kɛ se: Ɛsɔ Pɩyalʋ.

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 1:34

Lɛɛlɛɛyɔ mana ḿbʋ́, pʋ-yɔɔ mankaɖɩɣ-mɩ toovenim se ɛnʋ lɛ Ɛsɔ Pɩyalʋ.»

Yohanɛɛsɩ 1:49

Peeɖe Nataanayɛɛlɩ heyi-i se: «Wɩlɩyʋ! Ña lɛ Ɛsɔ Pɩyalʋ. Ña lɛ Izrɛɛlɩ ñɩma wiyaʋ.»

Yohanɛɛsɩ 20:31

Piyele ndʋ́ tʋtʋ wɛ ka-taa yɔ, pama-tʋ se ɩwɛnɩ lidaʋ se Yesu lɛ Ɛsɔ Pɩyalʋ nɛ ɛtɛ ɛkɛ Weyi Ɛsɔ Lɩzaa Yɔ nɛ piyele pɩtɩŋnɩ ɛ-yɔɔ nɛ ihiɣ wezuu.

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 6:69

Đɩwɛnɩ lidaʋ ñɔ-yɔɔ nɛ ɖɩtɩlɩ se ña lɛ Ɛsɔ Ñɩnʋ.»

Tʋma Labʋ 1:22

Paawɛ ɖɔ-cɔlɔ kpaɣ kɩyakʋ ŋgʋ́ Yohanɛɛsɩ labɩ-ɩ lɩm sɔʋ sɔnzɩ yɔ nɛ puwolo pɩsɩɩnɩ puwiye nɖɩ́ Ɛsɔ lɩzɩ-ɩ ɖɛ-hɛkʋ taa nɛ ɛkpazɩ-ɩ ɛsɔdaa yɔ. Pʋ-yɔɔ lɛ, pʋwɛɛ se pa-taa nɔɔyʋ ɛsɔzɩnɩ ɖɔ-yɔɔ nɛ ɖa nɛ ɩ ɖɩlɩzɩ Yesu sɩm nɛ e-fem pa-aseɣɖe.»

Tʋma Labʋ 13:24

Pʋcɔ nɛ Yesu pazɩ ɛ-tʋmɩyɛ lɛ, Yohanɛɛsɩ kosusi Ɛsɔtɔm Izrɛɛlɩ ñɩma kpeekpe se pɛlɛɣzɩ wɛtʋ nɛ palabɩ-wɛ lɩm sɔʋ sɔnzɩ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?